Ai allah! mai tujh se panaah maangta hu ajizi se, kaahili se, buzdili se,kanjoosi se, nafs k har fitne se, hud se zyada budhape se, qarz ya (taawaan se)aur (har tarah k) gunah se.Ai Allah mai teri hi panah leta hu jahannam k azaab se aur (jahannam ki) aag k fitne se, aur qabr k fitne se aur qabr k azaab se aur daulatmandi k fitne (aazmaish) k shar se aur tangdasti k fitne (azmaish) k shar se, aur kaane dajjal k fitne (azmaish) k shar se .Ai Allah tu meri khataao ko barf k aur olo k pani se dho de aur mere dil ko (har tarah ki) khataao se aise paak wa saaf kar de jaise safed kapde ko mail kuchail se paak wa saaf kiya jata hai aur mere aur meri khataao k darmiyaan itna faasla kar dein jitna faasla tune maghrib wa mashriq k darmiyan rakha hai.
Mai panah maangta hu sangdili se aur gaflat wa (beparwahi) se aur mohtaaji se aur zillat wa (ruswaai) se aur khwari se, aur mai teri panah leta hu fiqr se aur kufr se aur badkaari se aur baahmi jhagde(fasaad se)aur logo k sunaawe aur dikhawe ki (khwahish) se aur tujh se hi panaah maangta hu behre pan se, gunge pan se aur deewaangi se aur juzaam (korh se) tujh se aur budtareen mauzi bimaariyo se aur qarz k galbe aur (bojh)se.
Ai Allah beshak hum tujh se panah maangte hai (har) balaa aur (musibat) ki sakhti se aur badbakhti k gher lene se, aur buri taqdeer se aur dushmano k (hum per) khush hone se.
Ai Allah! beshak mai teri panaah leta hu teri(di hui har) ne'mat k zawaal se aur teri (di hui) sehat wa aafiyat ke tagiir se aur teri naagahani pakarh se aur teri tamam tar narazgiyo (aur har gusse) se.
Ai Allah mai tujh se panaah maangta hu apne kaano k shar se apni aankho k shar se, apni zabaan k shar se apne dil k shar se, apni haiwaani shahuut k shar se.
Ai Allah! beshak mai teri panah leta hu fiqr faaqe aur zillat wa khwari se aur teri panaah leta hu is se ki mai (kisi per) zulm karu yamujh per zulm kiya jaey( koi zulm kare)
AI Allah! tu mujhe panah de (apas k )jhagde aur fasaad se aur munaafiqat se aur (tamaam) burey aur raziil ikhlaaq se.
Ai Allah! dilo k pher dene wale tu hamare dilo ko apni farmaa bardari par pher de.
Ai Allah tu mere deen ko durust karde jo mere(har) kaam ka hifaazat ka zariya' hai aur meri duniya ko durust kar de jis may mujhe zindagi basar karni hai aur meri aakhirat ko durust kar de jaha mujhe laut ker jana hai aur meri zindagi ko har ache kaam may zyadati ka zariya' bana de aur maut ko mere liye har shar se najaat kazariya' bana de.
Ai Allah!hum tujh se har woh khair khubi maangte hai jo tere pyaare Nabi Muhammed S.A.ne tujh se maangi hai.aur har us chiz se panah maangte hai jis se tere Pyaare nabi Muhammad S.A.ne isse panah maangi hai tu hi madadgaar hai aur tere hi upar (hamey maqsood tak) pahunchna hai aur koi bhi taaqat wa quwwat Allah k siva mayassar nahi
Bookmarks