صحابہ کرام کے دلچسپ واقعات۔۔۔۔ Sahaba Karam k Dilchasp Waqiyat

**Abu Dajana** · 27th January 2013, 08:42 PM

آج سے ڈیڑھ ہزار سال قبل اللہ تعالیٰ نے انسانیت کی ہدایت اور اصلاح کے لئے امام الانبیاء ، رحمة للعالمین صلی اللہ علیہ وسلم کو مبعوث فرمایا ۔۔آپ کے دعویٰ نبوت پر ایمان لانے والی قدسی جماعت صحابہءکرام رضوان اللہ علیہم اجمعین کی تھی ۔۔کسی نبی کی دعوت پر اولین بلا واسطہ ایمان لانے والے، مشکل ترین حالات میں ثابت قدمی سے جمے رہنے والے نفوس ، اللہ تعالیٰ کے نزدیک بڑا رتبہ پا لیتے ہیں ، اتنا بڑا کہ بعد کی تمام امت تقویٰ اور اتباع کے تمام مرتب طے کرنے کے بعد بھی کبھی ان کے مرتبہ کو نہیں پہنچ سکتی ۔۔ان جانثاران پیمبر کی مدحت میں قرآن بھی نغمہ سرا ہے ، کہیں انہیں رضی اللہ عنہم و رضوا عنہ کا پروانہ ملا ، تو کہیں مھتدون ، مفلحون، راشدون ، فائزون کی سندیں ملیں ۔۔ان کی حیات طیبہ کو پڑھنا، سننا، عملا اختیار کرنااور ان کے نقش قدم کی پیروی کرنا ہر مسلمان پر لازم ہے ۔۔اتباع صحابہ کو اپنانے کے لئے ان کی زندگی کا ہر گوشہ ، انفرادی و اجتماعی معاملات ،اخلاص و للہیٰت ، بصیرت و اجتہاد ، علم و حکمت، زہد و توکل ، حیاءو غناء ، سیاست و معاشرت ، تقویٰ و تفقہ ، تواضع و سخاوت ، غرض ہر خوبی ، ہر پہلو ہمارے لئے مشعل راہ ہے ۔۔اور اس سے واقفیت ان کے حالات اور سیرت کے مطالعہ کے ذریعہ ممکن ہے۔۔یہ مطالعہ ہمیں ایسے خلفاء ، حکماء ، علماء اور ایسے بہادر لوگوں کے تذکرہ اور حالات سے روشناس کراتا ہے جن کے دل نور ایمانی سے روشن ، جن کی جبیں سجود عاشقانہ سے مزین ، جن کے دل محبت رسول سے سرشار، جن کی زبانیں ذکر الہیٰ سے معمور اور جن کے اعضاء اطاعت الہی میں مصروف دکھائی دیتے ہیں ، یہ لوگ اسلام کی روشنی کا مینار اور حق کی پیروی کرنے والے ہیں ، خود نبی کریم صلی اللہ علیہ وسلم کا ارشاد ہے :۔

اصحابی کالنجوم ، با یھم اقتدیتم اھتدیتم

میرے صحابہ ستاروں کی مانند ہیں ، تم جس کی بھی
اقتداء کرو گے ، ہدایت پا جاؤ گے

زیر نظر کتابیں انہی حضرات کے مبارک تذکروں سے معطر ہیں ،یہ کتابیں دراصل بیت العلوم کاواقعاتی طرز پر سیرت نگاری پیش کرنے کا سلسلہ ہے، جو ابتداء خلفاءراشدین کی حیات مبارکہ کے ١٠٠ ،١٠٠ قصوں کو عربی سے اردو میں منتقل کرنے سے شروع ہوا، قارئین کی پسندیدگی کے پیش نظر اس سلسلہ نے وسعت اختیار کی اور ازواج مطہرات رضی اللہ عنہن ، اصحاب صفہ اور دیگر اکابر صحابہ کے قصّے اب تک منظر عام پر آ چکے ہیں ۔ اہل حق ڈاٹ کام والوں نے یہ کتابیں عمدہ سکیننگ اور بہت ہی کم سائز میں پیش کی ہیں، وہی آپ کی خدمت میں پیش کی جا رہی ہیں ۔۔اللہ تعالیٰ ہمیں توفیق عطا فرمائیں کہ ہم صحابہ کرام کے اسوہ کو سمجھیں اور اس پر عمل کریں، اللہ رب العزت مؤلفین ، مترجمین، ناشرین کی ان کاوشوں کو قبول فرمائیں، اور سکیننگ اور اپلوڈنگ کے ذریعہ ہم تک پہچانے والے تمام احباب کو اجر عظیم عطا فرمائیں ۔۔آمین برحمتک یا ارحم الراحمین ۔۔
بشکریہ۔و تعاون۔ایک "اللہ کی بندی"۔۔