پھڑ نقطہ, چھوڑحساباں نوں
چھڈروزخ , گورعذاباں نوں
کر بند کفر دیاں باباں نو
کر لے صاف دلے دیاں خواباں نو
گل ایسے گھر وچ مکدی
اے
اک نقطے وچ گل مکدی اے
ایویں متھا زمیں گھسائی دا
پا لمامحراب دکھائی دا
پڑرھ کلمہ لوک ہسائی دا
دل اندر سمجھ نہ لائی دا
کدی سچی بات وی لکدی اے
اک نقطے وچ گل مکدی اے
اک جنگل بحریں جاندے نیں
اک دانہ روز دا کھاندے نیں
بے سمجھ وجود تھکاندے نیں
گھر آون ھو کےماندے نیں
چلیاں اندر جندسکدی اے
اک نقطے وچ گل مکدی اے
کئی حاجی بن بن آے جی
گل نیلے پجامے پائے جی
حج وچ ٹکے لے کھائے جی
پر ایھ گل کیہنوں بھائے جی
کتے سچی گل وی لکدی اے
اک نقطے وچ گل مکدی اے