کاش میں پاکستانی ہوتا۔۔۔۔!!۔
کاش میں پاکستانی ہوتا۔۔۔!!۔
وہ سب ہندو تھے۔۔۔۔۔!اس نے بتانا شروع کیا۔
کیا سب ہندو تھے۔۔۔؟پوچھا گیا۔
ہاں ! وہ سب ہندو تھے۔۔۔انہوں نے میرے ابا کو بھی مارا اور میری اماں کو بھی ۔۔۔بڑی آپا کو بھی مار دیا۔۔۔۔وہ بیچاری تو معذور تھیں ۔۔۔۔بڑی منتیں کیں انہوں نے۔۔۔لیکن انہیں ترس نہیں آیا۔۔۔۔
اس بچے کی آنکھوں میں آنسو اور چہرے پر دہشت کے تاثرات نمایا ں نظر آ رہے تھے۔وہ بہت گھبرایا ہوا تھا۔بار بار ادھر ادھر دیکھتا کہ کوئی آ تو نہیں رہا۔۔۔۔یہ بچہ بھارت کے شہر حیدر آباد سے تعلق رکھتا تھا ،جہاں مسلم کش فسادات میں اس کے خاندان کے افراد کو مردیا گیا۔جو باقی بچے انکو اٹھا لیا گیا،یہ واحد فرد تھا جو بچ گیا اور اس نے بھی اپنی جان بڑی مشکل سے بچائی تھی۔
اب یہ ایک انجان سکول میں موجود تھا۔اسکی باتیں تھیں کہ دل کو چیر جارہی تھیں۔کچھ دیر ضبط کرنے کے بعد وہ پھر بولا۔۔۔۔
وہ بہت ظالم تھے۔۔۔چھوٹی آپا کو وہ ساتھ لے گئے۔۔۔۔وہ چیختی رہیں ۔۔۔۔کوئی انکو چھڑوانے نہیں آیا۔۔۔۔
کیا صرف تمہارے گھر میں ایسا ہوا تھا۔۔۔۔؟
نہیں!صرف میرے گھر میں نہیں بلکہ پوری گلی میں یہی حال تھا۔بلکہ پورا محلہ۔۔۔۔نہیں بلکہ پورا شہر۔۔۔۔۔۔
جدھر دیکھو خون ہی خون۔۔۔لاشیں ہی لاشیں۔۔۔۔۔صرف مسلمانوں کی لاشیں۔۔۔۔۔!۔
جب وہ ابا کو مار رہے تھے تو میں جلدی سے انہیں بچانے کے لیے آگے بڑھا۔۔۔۔۔
ان کے ہاتھ میں تلوار تھی۔۔۔۔جب انہوں نے تلوار چلائی تو میں نے جلدی سے اپنا ہاتھ آگے بڑھایا تاکہ میرے ابا کو چوٹ نہ لگے ۔۔۔۔۔!۔
یہ جو میری دو انگلیاں نہیں ہیں ناں ۔۔۔۔یہ اسی لیے ہے۔۔۔۔اس وقت یہ کٹ گئیں تھیں۔۔۔۔۔بہت درد ہو رہا تھا۔۔۔۔میں رویا بھی بہت تھا۔۔۔۔لیکن جب انہوں نے ابا کو قتل کر دیا ۔اماں کو بھی اور باقی سب کو بھی۔۔۔۔۔میں اپنا سارا درد بھول گیا۔
میں بھاگ گیا۔۔۔۔جلدی سے چھپ گیا ۔۔۔۔پتہ میں کہاں چھپا تھا۔۔۔۔۔؟کوڑے کے ڈرم میں ۔۔۔۔۔ وہاں بھی لاشیں تھیں ۔۔۔۔ان کی بدبو بہت تھی۔۔۔۔۔مجھ سے وہاں رکا نہیں جا رہا تھا ۔۔۔۔لیکن اگر باہر نکلتا تو ہندو مجھے مار دیتے۔۔۔۔۔میں اسلیے وہاں چپکے سے بیٹھا رہا۔۔۔۔
مجھے بھوک بہت لگی ہوئی تھی۔۔۔۔پیاس سے گلے میں کانٹے اگ آئے تھے۔۔۔۔۔
پھر تم نے کیا کیا۔۔۔۔؟
میں رات تک وہیں رہا ۔۔۔۔پھر رات کے اندھیرے میں جب وہ واپس چلے گئے تو میں پھر سے اپنے گھر چلا آیا۔
اب تم کیا کروگے۔۔۔۔۔؟
میں۔۔۔۔میں ۔۔۔۔۔پتہ نہیں کیا کروں گا۔۔۔۔!۔
لیکن ایک کام تو ضرور کروں گا۔۔۔۔میں بڑا ہو کر ان سب ظالموں کو مار دوں گا۔۔۔۔۔ایک کو بھی نہیں چھوڑوں گا۔۔۔۔گن گن کے بدلے لوں گا۔۔۔۔۔گن گن کے بدلے۔۔۔!!۔
ابھی تم سکول جاتے ہو۔۔۔۔۔؟
کون سا سکول۔۔۔سکول تو ہمارا انہوں نے تباہ کر دیا تھا۔۔۔۔اب ہم سب یہاں جمع ہیں۔۔۔۔اس انجان سکول میں۔۔۔یہاں ہمیں کھانا مل جاتا ہے اور رات کو یہیں پر سو جاتے ہیں۔۔۔۔!۔
کیا اور بھی بچے یہاں ہیں۔۔۔۔؟
ہاں! بہت سارے بچے ہیں۔۔۔۔! وہ جو چچا نور محمد پٹھان تھے۔۔۔۔۔وہ جن کا گھر گلی میں سب سے خوبصورت تھا۔۔۔۔۔ان کا بیٹا بھی ہے ۔۔۔۔۔وہ بہت روتا اور چیختا چلاتا ہے ۔۔۔۔۔وہ اپنے گھر والوں کو یاد کرتا ہے۔۔۔اسے دیکھ کر مجھے بھی رونا آتا ہے ۔۔۔۔ اس کے سب گھر والے مر گئے ہیں ۔۔۔۔۔میرے بھی گھر والے نہیں ہیں۔۔۔۔۔لیکن مین اب کم روتا ہوں اور زیادہ سوچتا ہوں کہ بدلہ کیسے لینا ہے ؟
پتا ہے ! میری اماں بتایا کرتی تھیں کہ ایک ملک ہے پاکستان۔۔۔۔۔وہ مسلمانوں کا ملک ہے۔۔۔۔وہاں کوئی مسلمانوں کو قتل نہیں کرتا۔۔۔۔۔وہاں سب آسانی سے نماز پڑھتے ہیں۔۔۔۔ہمیں تو کوئی یہاں نماز بھی نہیں پڑھنے دیتا۔۔۔۔۔اب بھی جب نماز پڑھوں تو ڈر رہتا کہیں وہ نہ آ جائیں پھر سے۔۔۔
میں تو سب سے اندر والے کمرے میں کنڈی لگا کر نماز پڑھتا ہوں۔۔۔کہیں مجھے کوئی دیکھ نہ لے۔۔۔۔نماز تو میں نے اپنے اللہ کے لیے ہی پڑھنی ہے نا۔۔۔۔وہ تو مجھے دیکھتا ہے ناں وہاں بھی۔۔۔۔میرے ابا کہتے ہیں کہ کام چاہے جتنا مرضی چھپ کر کرو اللہ تعالیٰ دیکھتے ہیں۔۔۔۔میں اسلیے چھپ کر کرتا ہوں ۔۔۔۔کہ اللہ تعالیٰ تو دیکھتے ہیں ناں۔۔۔۔بس کوئی اور دیکھے نہ دیکھے۔۔۔۔
لیکن اب میں اللہ تعالیٰ سے بہت دعا کرتا ہوں کہ کاش میں بھی پاکستانی ہوتا۔۔۔۔۔میرا دل کرتا ہے مسجد میں جا کر جمعہ پڑھنے کو ۔۔۔مجھے کوئی نہ روکے ۔۔۔۔میں جو مرضی کروں۔۔۔جہاں چاہے جاؤں یا آؤں۔۔۔۔
اماں کہتی تھیں پاکستان اسلام کے نام پر بننے والا ملک ہے ۔۔۔۔ہم پاکستانی کیوں نہیں ہیں۔۔۔۔یہ مجھے نہیں پتہ۔۔۔۔اماں کہتی تھیں کہ ہم نے بھی پاکستان کا حصہ بننا تھا۔۔۔۔لیکن انہوں نے ہم پر قبضہ کر لیا۔۔۔۔ہمیں زبردستی ہندوستان کا حصہ بنا لیا۔۔۔۔لیکن اب ہم نے ہندوستان کا حصہ نہیں رہنا۔۔۔۔ہم نے پاکستان کا حصہ بننا ہے۔۔۔میں روز اللہ تعالیٰ سے یہی دعا کرتا ہوں کہ حیدرآباد کو پاکستان کو حصہ بنا دے۔۔۔رو رو کے بس یہی دعا کرتا ہوں۔۔۔۔۔
اگر میں پاکستانی ہوتا تو میرے ابا کو یوں کوئی نہ مارتا۔۔۔نہ اماں کو قتل کیا جاتا۔۔۔نہ ہی آپا کو گولی ماری جاتی ۔۔۔۔اور چھوٹی آپا ان کا تو مجھے پتہ ہی نہیں وہ کہاں ہیں۔۔۔انہیں تو ساتھ لے گئے تھے نا۔۔۔۔مجھے تو انہیں بھی ڈھونڈنا ہے۔۔۔۔۔! ان کو تو بہت مارتے ہونگے ہندو۔۔۔میں انکو نہیں چھوڑوں گا۔۔۔۔لیکن یہ سب میں کیسے کروں گا۔۔۔۔
یہ تو تب ہی ہوگا نا جب میں پاکستانی بن جاؤں گا۔۔۔۔!!۔
اماں نے مجھے یہ بھی بتایا تھا کہ 1948ء میں ہندوؤں نے ہم پر فوج کے زریعے قبضہ کیا تھا۔۔۔اس وقت جو ہمارے حکمران تھے وہ پاکستان سے ملنا چاہتے تھے۔۔۔۔پاکستان کا حصہ بننا چاہتے تھے ۔۔۔۔۔لیکن ہندوؤں نے اپنی فوج کے زریعے زبردستی قبضہ کر لیا۔۔۔
اماں سے جب میں نے پوچھا ۔۔۔۔کیا پاکستان کی فوج نہیں تھی تو اماں نے جواب دیا۔۔۔نہیں بیٹا۔۔۔جب پاکستان بنا تھا تو انہون نے پاکستان کو کچھ بھی نہیں دیا ۔۔۔۔سب کچھ ہندوستان نے رکھ لیا تھا۔۔۔۔پاکستان تو کمزور تھا اس وقت۔۔۔۔
لیکن اب میں بڑا ہوں گا ناں۔۔۔تو ان سے لڑوں گا۔۔۔ حیدرآباد کو دوبارہ پاکستان بناؤں گا۔۔۔صرف حیدرآباد نہیں۔۔۔بلکہ بہت سارے دوسرے علاقے بھی ہیں جو ہندوستان نے اپنے پاس رکھ لیے تھے۔۔۔۔میں انہیں بھی آزاد کرواؤں گا۔۔۔۔مناوادر۔۔۔۔جوناگڑھ۔۔۔جالندھر۔۔۔گورداسپو ر۔۔۔ا ور بہت سے دیگر علاقے۔۔۔۔ان سب سے بڑھ کر کشمیر۔۔۔۔وہاں بھی بہت ظلم ہوتا ہے ۔۔۔۔لیکن یہ حسرت اب میرا پیچھا نہیں چھوڑتی ہے۔۔۔۔
کہ کاش میں پاکستانی ہوتا۔۔۔۔آج میرے سب گھر والے میرے ساتھ ہوتے۔۔۔ہم آزادی سے رہتے۔۔۔۔لیکن اب میں پاکستانی بنوں گا۔۔۔۔اور حیدرآباد کو بھی پاکستان بناؤں گا۔۔۔۔لیکن میری یہ خواہش ہے کہ بس یہ جلدی ختم ہو جائے۔۔۔۔پھر میں کبھی نہ کہوں گا کہ ۔۔۔۔ کاش میں پاکستانی ہوتا۔۔۔۔۔!!۔
Reply With Quote
tahir hkl said:
Bookmarks