ٹکٹ فری ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سیٹ یقینی
بسم اللہ
قومیت ۔۔۔۔۔۔۔ ابن آدم
عرفیت ۔۔۔۔۔۔ انسان
نام ۔۔۔۔۔۔۔۔۔۔۔ عبداللہ
شناخت ۔۔۔۔۔۔۔۔۔۔۔ مٹی
پتہ ۔۔۔۔۔۔۔۔۔۔۔۔۔۔۔۔۔۔ روح زمین

سفر کی تفصیلات
مقام روانگی ۔۔۔۔۔۔۔۔۔۔۔۔۔۔۔ رہائش گاہ دنیا
منزل ۔۔۔۔۔۔۔۔۔۔۔۔۔۔۔۔۔۔۔۔۔ آخرت
روانگی کا ٹائم ۔۔۔۔۔۔۔۔۔۔۔۔۔۔ وقت اجل
ٹکٹ ریزوریشن ۔۔۔۔۔۔۔۔۔۔۔۔۔۔۔ نامزد بالکل یقینی

ضرورت ہدایت:۔
تمام مسفران کرام سے درخواست کی جاتی ہے کہ ان لوگوں کو ہر وقت اپنی نظر میں رکھیں جو ان سے پہلے آخرت کی طرف سفر کرتے ہیں اس طرح ان کی نظر ہر لمحہ طیارہ کے کیپٹن حضرت ملک الموت کی طرف رہنی چاہئیے مذید ہدایات کو اسلامی کتب سے حاصل کریں اگر اس سلسلے میں کچھ سوالات درپیش ہوں تو ہمارے عملہ علماء امت سے رجوع کریں۔ تمام مسافر متوجہ ہوں کہ جوں ہی سفر شروع ہوگا آکسیجن کی کمی کی صورت میں سامنے کے تمام پردے خود بخود گر جائیں گے اور یقیناً پھر آپ ہر قسم کے آکسیجن سے بے نیاز ہو جائیں گے۔
کتنا سامانِ سفر ساتھ لائیں ؟
مسافر اپنے ہمراہ 5 میٹر سفید لٹھا اور تھوڑی سی روئی لے جا سکتا ہے یا وہ سامان جو میزان تفشیش میں پورا اترے گا مثلاً صدقہ جاریہ، اولاد صالح، علم دین اس کے علاوہ سامانِ سفر لانے کی کوشش کی گئی تو اس کے ذمہ دار آپ خود ہونگے۔
مسافروں کی سہولت کیلئے ایک حفاظتی نقطہ پیش نظر رہنا چاہئیے کے ہر وقت اپنا حفاظتی بند ضبط نفس باندھے رکھیں ورنہ کسی وقت بھی غیر متوقع طور پر شیطان یا نفس یا بُرا ساتھی مسافر پر حملہ کرکے سامانِ سفر لوٹ سکتے ہیں۔ تمام مسافران کرام سے آخری بار درخواست کی جاتی ہے کہ خواہ ان کی پاس بورڈنگ کارڈ ہے یا نہیں ان کے پاس پاسپورٹ اور کاغذات سفر تیار ہے یا نہیں روانگی کیلئے ہر وقت تیار رہیں۔ روانگی کا اعلان کسی وقت بھی ہو سکتا ہے اس سلسلے میں پانچ وقت مسجد کی حاضری اور ہمارے عملہ علماء و صلحاء کی رہنمائی اور صحبت مفید رہے گی اور عالم برزخ سفر کے دوران اللہ کے ذکر کی کثرت تمام دشواریوں کو دور کر دے گا۔ آپ کی توجہ کیلئے دوبارہ عرض ہے کہ آپ کی سیٹ نامزد ہو چکی ہے دوبارہ توثیق کی حاجت نہیں۔
ہمیں امید ہے کہ آپ سفر کیلئے تیار ہوں گے ہر لمحہ پر ہمارا عملہ آپ کو اس مبارک سفر پر خوش آمدید کہنے کیلئے موجود ہوگا‘ ہماری نیک تمنائیں آپ کے ساتھ ہیں۔
خدا آپ کا حامی و ناصر ہو۔