Meri chaahat ka safar is liye dushwar raha
Mein muhabbat mein wafao'n ka talabgaar raha
Ho gaye sare giley door judaa hotey hi
Ghum zada who hai na mein us ka girftaar raha
In hawao'n mein hi ab dhoondta phirta hoon usey
Jin hawao'n se kabhi barsar e paikaar raha
Na muraadi ke siwa hijr ke aalaam bhi thay
Phir zamaney ka zamana hi sitam gaar raha
Jazba e shauq ne us waqt bhi chaaha tujh ko
Jab wo shokhi, na wo gaisoo na rukhsaar raha
Aankh ke gird koi zabt ki deewar rahi
Ek darya ka talatum pas e deewar raha
Ek hasrat si merey dil mein kahin aur bhi thi
Her badalti hui rut mein ghum e dildaar raha
Is qadar humsafri se tha harasa'n wo shakhs
Saath hi chor gaya dusht ke us paar raha
Mujhe apne zabt pe naz tha, sar e bazm, raat ye kya hua
Meri aankh kaise chhalak gayi, mujhe ranj hai ye bura hua
Meri zindagi ke chiragh ka ye mizaj koi naya nahin
Abhi roshni abhi teergi, na jala hua na bhuja hua
Mujhe jo bhi dushman e jaan mila, wohi pukhta kaar e jafa mila
Na kisi ki zarb ghalat pari, na kisi ka teer khata hua
Mujhe aap kiyun na samajh sake ye khud apne dil hi se poochiye
Meri daastaan e hayat ka to warq warq hai khula hua
Jo nazar bacha ke guzar gaye, merey samney se abhi abhi
Ye merey hi shehar ke log they, mere ghar se ghar hai mila hua
Mujh ek gali mein para hua kisi badnasseb ka khat mila
Kahin khoon e dil se likha hua, kahin aansuo'n se mita hua
Mujhe hamsafar bhi mila koi to shikasta haal meri tarah
Kai manzilon ka thaka hua kahin raastey mein luta hua
Humein apney ghar se chaley huey sar e raah umr guzar gayi
Koi justujoo ka silaa mila na safar ka haq hi adaa hua
Bookmarks