الف سے شروع ہونے والے اشعار

[Shehzad Iqbal]

آئینہ دیکھ کے بولے یہ سنورنے والے
اب تو بے موت مریں گے مرے مرنے والے

[Shehzad Iqbal]

آشفتگی سے اس کی اسے بے وفا نہ جان
عادت کی بات اور ہے دل کا برا نہیں

[Shehzad Iqbal]

اس اجنبی سے ہاتھ ملانے کے واسطے
محفل میں سب سے ہاتھ ملانا پڑا مجھے

[Shehzad Iqbal]

ایک انگلی پہ نچاتے تھے زمانے بھر کو
ہم کسی دور میں فنکار ہوا کرتے تھے

[Shehzad Iqbal]

اس کی سنجیدگی بتاتی ہے
اس کو ہنسنے کا شوق تھا پہلے

[Shehzad Iqbal]

ان کو ناموس بھی،عزت بھی،پزیرائی بھی
مجھ کو رونے کو میسر نہیں تنہائی بھی

[Shehzad Iqbal]

اپنے ہی حال پہ ہنسنا،کبھی ہنس کے رونا
میں بیک وقت تماشا بھی،تماشائی بھی

[Shehzad Iqbal]

اب مجھ سے ترا بار اٹھایانہیں جاتا
لیکن یہ مرا عجز ہے،انکار نہیں ہے

[Shehzad Iqbal]

التجا کرتے ہوئے شخص کا قیدی نہیں ہے تو
یہ تیرے پاؤں میں زنجیر نہیں ہے میں ہوں

[Shehzad Iqbal]

اب یہی آخری حل ہے کہ مجھے ڈھال بنا
تیرے پاس اور کوئی تیر نہیں ہے میں ہوں

[Shehzad Iqbal]

ایک مدت سے میری ماں نہیں سوئی تابش
میں نے اک بار کہا تھا مجھے ڈر لگتا ہے

[Shehzad Iqbal]

آنکھ کھلتے ہی اسے دیکھ کے ڈر جاتا ہوں
چاند دیوار پہ رکھا ہوا سر لگتا ہے