الف سے شروع ہونے والے اشعار

[Shehzad Iqbal]

اب ملاقات میں وہ گرمیَ جذبات کہاں
اب تو رکھنے وہ محبت کا بھرم آتے ہیں

[Shehzad Iqbal]

اب ذرا تفصیل سے اے قاصدِ خوش رو بتا
اس نے پہلے کیا کہا،پھر کیا کہا،پھر کیا کہا

[Shehzad Iqbal]

اس لیے کوئی زیادہ نہیں رکتا ہے یہاں
لوگ کہتے ہیں مرے دل پہ ترا سایہ ہے

[Shehzad Iqbal]

آنگن میں گھنے پیڑ کے نیچے تری یادیں
میلہ سا لگا دیتی ہیں،اچھا نہیں کرتیں

[Shehzad Iqbal]

افلاس نے بچوں کوبھی تہذیب سکھا دی
سہمے ہوئے بیٹھے ہیں، شرارت نہیں کرتے

[Shehzad Iqbal]

اپنی تکمیل کر رہا ہوں میں
ورنہ تجھ سے تو مجھ کو پیار نہیں

[Shehzad Iqbal]

ایک مبحت اور وہ بھی ناکام محبت
لیکن اس سے کام چلایا جا سکتا ہے

[Shehzad Iqbal]

الفت کا نشہ جب کوئی مر جائے تو جائے
یہ دردِ سر ایسا ہے کہ سر جائے تو جائے

[Shehzad Iqbal]

اب آگئے ہو تو بیٹھو وفا کی بات کریں
وفا کی بات میں ہر بے وفا سے کرتا ہوں

[Shehzad Iqbal]

اے کہ دیوار ترے اذن سے در ہو جائے
مجھ خطا کار پہ بھی اک نظر ہو جائے

[Shehzad Iqbal]

اس قبیلے سے نہیں میں کہ جو اپنی لڑکی
جنگ کے خوف سے دشمن کے حوالے کر دے

[Shehzad Iqbal]

اب مجھ میں وضاحت کی ذرا تاب نہیں
اب تجھ سے مرا دیدہَ تر بات کرے گا