ن سے شروع ہونے والے اشعار

[Shehzad Iqbal]

نہ گل کھلے ہیں،نہ ان سے ملے،نہ مے پی ہے
عجیب رنگ میں اب کہ بہار گزری ہے

[Shehzad Iqbal]

نہ کمالِ عہدِ شباب ہے،نہ حصولِ حسن و جمال ہے
تمہیں دل نواز بنا دیا،یہ مری نظر کا کمال ہے

[Shehzad Iqbal]

نئی منزلوں کی تلاش تھی سو بچھڑ گئے
میں بچھڑ کے تجھ سے بھٹک گیا ترا کیا بنا

[Shehzad Iqbal]

نہ اپنا نام،نہ چہرہ بدل کے آیا ہوں
کہ اب کی بار میں رستہ بدل کے آیا ہوں

[Shehzad Iqbal]

نکل کر بند کمرے سے ذرا بازار میں آوَ
اگر تم دیکھنا چاہو تماشا ہو بھی سکتا ہے

[Shehzad Iqbal]

نہیں پتھر نہیں مجھ پہ دھکتی آگ برساوَ
مرا یہ جرم ہے میں روشنی کا ساتھ دیتا ہوں

[Shehzad Iqbal]

نہیں مصروف میں اتنا کہ گھر کا راستہ بھولوں
نہ ہو جب منتظر کوئی،تو گھر اچھے نہیں لگتے

[Shehzad Iqbal]

نہیں ہے کوئی بھی منزل اگر مری منزل
تو پھر یہ پاوَں تلے راستے کہاں کے ہیں

[Shehzad Iqbal]

نہیں بھی ہوں تو دیواروں میں دروازے بنا دیں
فصیلِ شہر پر جو سحر گر بیٹھےہوئے ہیں

[Shehzad Iqbal]

نگاہیں میرے گرد آلود چہرے پر ہیں دنیا کی
جو پوشیدہ ہے باطن میں وہ جوہر کون دیکھے گا

[Shehzad Iqbal]

نظر انداز کرنے کی سزا دینا تھی تجھ کو
ترے دل کیں اتر جانا ضروری ہو گیا تھا

[Shehzad Iqbal]

نہیں مروں گاکسی جنگ میں یہ سوچ لیا
میں اب کی بار محبت میں مارا جاوَں گا