ایک ایسے انسان کی کہانی جو خود کو بدلنے کے لئے بہت کچھ کر گیا پر معاشرہ اور اس میں موجود لوگوں نے اس کو بدلنےکا موقع نہیں دیا۔۔۔ آئیے آپ لوگوں کو اس معاشرے میں لے چلتے ہیں جہاں ہم جیسے لوگ ان لوگوں کا جینا دو بھر کردیتے ہیں جو خود کو بدلنا چاہتے ہیں پرہماری باتیں اور تلخ اندازبدلنے نہیں دیتے۔
عاصم تم غلطی کررہے ہو پھر سے سوچ لو۔ باس نے ایک بار پھر اس کو اس طرف توجہ دلائی۔
نہیں میں تھک گیا ہوں ایسے کام کر کے جن سے لوگوں کی آہیں اور بد دعائیں ہی نصیب ہوتی ہے۔ عاصم نے پہلی بار باس کے سامنے کہہ کر گویا دل کو ہلکا کردیا۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
عاصم بیٹا! آج کل آپ کہاں وقت گزارنے لگے ہو؟ عاصم کی ماں نے گھڑی کی طرف دیکھ کر کہا جو ابھی رات کے دو بجنے کا اعلان کررہی تھی۔
امی جان آپ ابھی تک سوئی نہیں؟ عاصم حیران ہوتے ہوئے بولا۔
ماں کیسے سو سکتی ہے جب اس کا بیٹا گھر میں موجود نہ ہو۔ عاصم نے پھر ہر بار کی طرح وہی جملہ سنا اور کھانے کا کہہ کر کمرے میں چلا گیا۔ کچھ دیر آرام کی غرض سے لیٹ گیا۔
عاصم ۔عاصم بیٹا کھانا کھالو۔ بھوکے پیٹ نہیں سوتے۔ عاصم نے اپنی ماں کی آواز سنی تو اس کو اندازہ ہوا کہ وہ نیند کی وادیوں میں کھو گیا تھا۔ اس نے بنا ہاتھ دھوئے ہی کھانے کے لئے جیسے ہی ہاتھ بڑھانا چاہا تو اس کی ماں کی پیار بھری آواز پھر سنائی دی۔ "بیٹے ہاتھ دھولو " اور وہ سنی ان سنی کر کے کھانے میں مصروف ہوگیا۔ یہ اس کی روز کی عادت تھی پر ماں تو ماں ہی ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
ماں کی وہ پیاری باتیں وہ یاد کر کے رونے لگ گیا۔ پر جو ایک بار چھوڑ کر چلا جائے وہ واپس نہیں ملا کرتا یہی زندگی کا اصول ہےاور اس کی ماں بھی اس کو چھور کر کہی دور جا بسی تھی۔ لوگ صحیح کہتے ہیں کہ کسی چیز کی اہمیت کا اندازہ اس وقت ہوتا ہے جب وہ کسی سے چھین لی جائے۔ اب بچپن سے جوانی تک وہ اپنی ماں کے پاس رہا تھا اور کوئی تھا بھی نہیں اس کا ۔۔جو تھے وہ سب اس کے والد کی موت کے بعد چھور کر چلے گئے۔ اب ماں بھی نہیں رہی تھی ایسے میں ماں کی ہر بات یاد آتی گئی۔ اس کی نصیحتیں اس کی ہر ادا۔ پر اب کچھ نہیں ہو سکتا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
آج کا دن وہ بہت خوش تھا کیونکہ آج اس نے اپنے باس کو کہہ دیا تھا کہ وہ اب برائی کا کوئی کام نہیں کرے گا۔ اس کا باس ہر طرح کا کام کرواتا تھا چاہے کسی کا قتل کرانا ہو یا کسی جگہ بم رکھوانا ہو۔ اور اس میں اس کا ساتھ دینے کے لئے بہت سے لوگ تھے۔ ایک آدھ کے چلے جانے سے اس کے باس کو کوئی فرق نہیں ہوتا۔ عاصم کو بھی اس نے اجازت دیدی کہ وہ اپنی زندگی گزارے ۔ لیکن کسی کو ہمارے بارے میں نہ بتائے۔ مگر اس کا باس کچھ اور ہی سوچ رہا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
عاصم کی حرکتوں کی وجہ سے لوگ اس کے قریب نہیں آتے تھے اور جو آتے تھے وہ صرف اس لئے کہ وہ لوگ اس کو دوست بناکر اس سے بچے رہیں۔ عاصم کو آج پہلی بار مسجد میں دیکھ کر لوگ حیران تھے۔ مگر لوگ یہی کہہ رہے تھے کہ یہ کچھ برا کرنے آیا ہے۔ اور اصولی بات ہے کہ جب ہمارے سامنے کوئی برا ہو اور کبھی اچھائی کرلے تو ہم اس کی اچھائی کو یہی سمجھتے ہیں کہ ضرور اس کے پیچھے کوئی مقصد ہوگا۔ چونکہ ملک کے حالات کچھ بہتر نہیں چل رہے تھے اس لئے لوگ اسی سوچ میں تھے کہ یہ آج کچھ برا کرنے آیا ہے۔ عاصم اللہ کے حضور رو رو کر اپنے گناہوں کی معافی مانگ رہا تھا جو اس نے اپنے مفاد کی خاطر لوگوں کا برا کیا تھا۔ اچانک سب کچھ ختم ہوگیا۔ ایک لرزا دینے والی آواز آئی اور خبر میں کسی صحافی نے کہا " مشہور گینگ وار کا ایک قاتل مسجد میں بم سمیت خود سمیت اور لوگوں کو بھی ہلاک کربیٹھا"۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
ہم جیسے لوگ ابھی تک یہی سوچ رہے ہے کہ۔ میں نے دیکھا تھا اس کو وہ وہاں کیا کر رہا تھا؟ لگتا ہے بم رکھنے ہی آیا ہوگا۔ اور دوسرے لوگ تائید میں گردن ہلانے لگ جاتے ہیں۔ خبر نشر کرنے والے داد وصول کر لیتے ہیں اور دوسری طرف عاصم کے باس جیسے لوگ خؤد کو چھپائے رکھتے ہیں۔ اور پھر ایسے ہی لوگوں کو استعمال کر کے کسی اور عاصم کے ذریعے ان کو ہلاک کر وادیتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
کبھی کبھی ہماری سوچ غلط ہوتی ہے پر ہم اس کو ماننے کو تیار نہیں ہوتے کہ یہ غلط ہے۔ کیوں ہم کسی کی غلطی کو معاف نہیں کر سکتے۔ اگر کوئی راہِ راست پر آنا چاہے تو ہم کیوں اس کی پچھلی حرکتوں کو نہیں بھلا سکتے؟ یہ سوال اور اس جیسے کئی سوال اور لوگ بھی سوچتے ہونگے جن کا حال ایسا تونہیں ہوتا ہوگا۔ پر وہ زندہ رہ کر موت سے بھی بدتر زندگی گزارتے ہونگے۔ صرف اور صرف ہم جیسے لوگوں کی بدولت جو کسی برے کو اچھا بنتے دیکھ کر طنز مار مار کر اس کو پھر سے ایسا بنا دیتے ہیں جیسے وہ پہلے ہوا کرتا تھا۔ اس کہانی سے آپ نے کیا سیکھا وہ معنی نہیں رکھتا۔ معنی یہ رکھتا ہے آپ اس کے برے نتائج پر غور کر کے اپنی حالت کو بدلتے ہیں کہ نہیں؟ عاجز ہر انسان میں چھپا ہوتا ہے پر انسان اس کو نظر انداز کردیتا ہے ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
مجھ گناہ گار پر دنیا والوں کچھ رحم کردو
سدھرنا چاہتا ہوں میں، ایک موقع عنایت کردو
جب بھی سدھرنے کے لئے کوئی قدم اٹھاتا ہوں
طنز کی بارش کی بجائے، گر حوصلہ افزائی کردو
یہ نیکی شائد آپ کو بہت فائدہ دے جائے لوگوں
خطا کار کی خطا کو اگر در گزر کردو
مانا کہ معافی کے قابل نہیں ہے غلطیاں عاجزؔ کی
خوفِ خدا کر کے ہی اس ناچیز کو معاف کردو
Bookmarks