دعائیہ شاعری

[Shehzad Iqbal]

رات آنکھوں میں کاٹنے والو شاد رہو آباد رہو
بارِ ہجر اُٹھانے والو شاد رہو آباد رہو
کچی عمر میں کل کے دکھوں سے آج اُلجھنا ٹھیک نہیں
پہلا ساون بھیگنے والو شاد رہو آباد رہو
اب آئے ہو سارے دئے جب اک اک کر کے بجھ بھی گئے
لیکن ! لوٹ کے آنے والو شاد رہو آباد رہو
خانہ بدوشی ایک ہنر ہے رفتہ رفتہ آئے گا
رنج مسافت کھینچنے والو شاد رہو آباد رہو
ایک دریچے سے دو آنکھیں روز صدائیں دیتی ہیں
رات گئے گھر لوٹنے والو شاد رہو آباد رہو
دیکھو آنکھوں کی ہریالی خواب نہ بن کر رہ جائے
بات بات پر رونے والو شاد رہو آباد رہو
ہجر زدوں پہ خود نہیں کھلتا کِس عالم میں رہتے ہیں
حال ہمارا پوچھنے والو شاد رہو آباد رہو۔

[Shehzad Iqbal]

تیرگی میں یا خدا! رنگ سحر بھی دے مجھے
قریہ شب سے کبھی اذن سفر بھی دے مجھے
آج بھی اترے ہیں ہونٹوں پر دعاؤں کے ہجوم
دل کی تختی پر حروف معتبر بھی دے مجھے
دے مجھے توفیق رکھوں حوصلہ ہر حال میں
آندھیوں کے سامنے دیوار و در بھی دے مجھے
سائباں تیرے کرم کا روز و شب پر ہے محیط
اس بھری دنیا میں اک چھوٹا سا گھر بھی دے مجھے
پھول سے بچوں کو دے شاداب موسم کی نوید
خشک سالی میں بہت برگ و ثمر بھی دے مجھے
زندگی رب مسلسل ہے اگر میرے خدا
آنسوؤں کو ضبط کرنے کا ہنر بھی دے مجھے
روشنی شہر دانائی سے بھر کاسہ مرا
رزم گہ میں ہوں تمیز خیرو شر بھی دے مجھے
رونے والی آنکھ میرے جسم کو کرکے عطا
آخر شب تابش قلب ونظر بھی دے مجھے
آرزو، زندہ قفس میں بھی رہی پرواز کی
اب کھلی آب و ہوا میں بال و پر بھی دے مجھے
لکھ مری قسمت میں بھی آسودہ لمحوں کا گداز
خطہ جبر مسلسل سے مفر بھی دے مجھے
میرے آنگن پر تنے ہیں دھوپ کے خیمے ہزار
سایہ نقش کف خیرالبشر بھی دے مجھے
ہموطن میرے عمل کی روشنی کے ہوں سفیر
عزم بے پایاں کے وہ شمس وقمر بھی دے

[Shehzad Iqbal]

جو خوشی تمھارے قریب ہو ، وہ صدا تمھارے نصیب ہو
تجھے وہ خلوص ملے کہ جو، تیری زندگی پہ محیط ہو

جو معیار تجھ کو پسند ہو ، جو تمھارے دل کی امنگ ہو
تیری زندگی جو طلب کرے، تیرے ہمسفر کا وہ رنگ ہو

جو خیال دل میں اسیر ہو ، ہر دعا میں ایسی تاثیر ہو
تیرے ہاتھ اٹھتے ہی یک بیک، تیرے آگے اسکی تعبیر ہو

تجھے وہ جہاں ملے جدھر ، کسی غم کا کوئی گذر نہ ہو
جہاں روشنی ہو خلوص کی ، اور نفرتوں کی خبر نہ ہو ​

[Shehzad Iqbal]

احمد ندیم قاسمی​ کی پیارے وطن کے لیے ایک دعا

خدا کرے کہ میری ارض پاک پر اترے
وہ فصل گل ، جسے اندیشہ زوال نہ ہو
یہاں جو پھول کھلے، وہ کھلا رہے صدیوں
یہاں خزاں کو گزرنے کی بھی مجال نہ ہو

یہاں جو سبزہ اگے، وہ ہمیشہ سبز رہے
اور ایسا سبز ، کہ جس کی کوٴی مثال نہ ہو
گھنی گھٹاٴیں یہاں ایسی بارشیں برسا ٴیں
کہ پتھروں سے بھی روٴید گی محال نہ ہو

خدا کرے کہ نہ خم ہو سر وقار وطن
اور اس کے حسن کو تشویش ماہ و سال نہ ہو
ہرایک فرد ہو تہذیب و فن کا اوج کمال
کوٴی ملول نہ ہو، کوٴی خستہ حال نہ ہو

خدا کرے کہ میرے اک بھی ہم وطن کےلیے
حیات جرم نہ ہو، زندگی وبال نہ ہو
خدا کرے کہ میری ارض پاک پر اترے
وہ فصل گل ، جسے اندیشہ زوال نہ ہو

[KaramatAwan1]

Nice

[*Black*Beauty*]

[Shehzad Iqbal]

تیرگی میں یا خدا! رنگ سحر بھی دے مجھے
قریہ شب سے کبھی اذن سفر بھی دے مجھے

آج بھی اترے ہیں ہونٹوں پر دعاؤں کے ہجوم
دل کی تختی پر حروف معتبر بھی دے مجھے

دے مجھے توفیق رکھوں حوصلہ ہر حال میں
آندھیوں کے سامنے دیوار و در بھی دے مجھے

سائباں تیرے کرم کا روز و شب پر ہے محیط
اس بھری دنیا میں اک چھوٹا سا گھر بھی دے مجھے

پھول سے بچوں کو دے شاداب موسم کی نوید
خشک سالی میں بہت برگ و ثمر بھی دے مجھے

زندگی رب مسلسل ہے اگر میرے خدا
آنسوؤں کو ضبط کرنے کا ہنر بھی دے مجھے

روشنی شہر دانائی سے بھر کاسہ مرا
رزم گہ میں ہوں تمیز خیرو شر بھی دے مجھے

رونے والی آنکھ میرے جسم کو کرکے عطا
آخر شب تابش قلب ونظر بھی دے مجھے

آرزو، زندہ قفس میں بھی رہی پرواز کی
اب کھلی آب و ہوا میں بال و پر بھی دے مجھے

لکھ مری قسمت میں بھی آسودہ لمحوں کا گداز
خطہ جبر مسلسل سے مفر بھی دے مجھے

میرے آنگن پر تنے ہیں دھوپ کے خیمے ہزار
سایہ نقش کف خیرالبشر بھی دے مجھے

ہموطن میرے عمل کی روشنی کے ہوں سفیر
عزم بے پایاں کے وہ شمس وقمر بھی دے مجھے

نعت کی ابجد سے بھی واقف نہیں کلک ریاض
مدحت سرکار (ص) کے لعل وگہر بھی دے مجھے

(ریاض حسین چودھری)​

[Shehzad Iqbal]

تمہارے ہونٹوں کی مسکراہٹ کو دیکھ کر ہی میں جی رہا ہوں
بس آج کہہ دوں کہ ایک مدت سے اپنے ہونٹوں کو سی رہا ہوں

تمہی کو سونپی ہے یہ محبت ، تمہاری ہیں یہ وفائیں میری
خدا سے میری دعا ہے لگ جائیں تم کو ساری دعائیں میری

تمہارے حصے میں ہر خوشی ہو، تمہیں ملے دو جہاں کی راحت
تمہارے ہونٹوں پہ مسکراہٹ سجی رہے یونہی تا قیامت

تمہاری چاہت ہے پہلی چاہت، تمہاری چاہت ہے آخری بھی
تمہاری خاطر ہیں لفظ میرے، تمہاری خاطر ہے شاعری بھی

تمہارے دم سے ہی ہے یہ رونق، تمہارے دم سے یہ زندگی ہے
ازل سے ہے بس یہ میری خواہش، مرے لبوں پر دعا یہی ہے

ہر ایک آسودگی عطا ہو، تمہارا دامن خوشی سے بھر دے
خدا کرے چاہتوں میں کھیلو، تمہیں محبت سے سیر کر دے

کچھ ایسا کر دے کہ دائم و شاد اور قائم یہ ناتا رکھے
ہر ایک غم سے بچا کے جاناں، خدا تمہیں مسکراتا رکھے

[Shehzad Iqbal]

زندگی کے افق پر
اس طرح سے چمکو تم
کہ تمھاری روشنی تا ابد
دنیا کے لیے مشعلِ راہ بن جائے
تمہارا ہر قدم زمانے کے لیے
ایک اچھی مثال بن جائے
اور
میری ہنسی تمھارے لیے
مسکراہٹِ لازوال بن جائے
اس طرح سے چمکو تم
اس طرح سے چمکو تم

[Shehzad Iqbal]

جلتی شمعیں روشن چہرے
کاسنی لڑیاں نازک سہرے
نرگس،بیلا،موتیا،لالا
جوہی،چمپا،اور،بنفشا
ہر ایک یاد و شاد ہے نا
آج آپکی سالگرہ ہے
دیکھو ہم کو یاد ہے نا
ہم تو صرف دعاءگو لوگ
خاک و مہر کا کیا سنجوگ
پاس رہیں یا دور رہیں
وحشت سے رنجور رہیں
یہاں محفل آباد ہے نا
آج آپکی سالگرہ ہے
دیکھو ہم کو یاد ہے نا
کیسے کیسے خواب بنیں
رنگ برنگے پھول چنیںُ
ان کے ہاتھہ پہ ہاتھہ رہے گا
سالگرہ کا کیک کٹے گا
خواب ہر ایک آباد ہے نا
آج آپکی سالگرہ ہے
دیکھو ہم کو یاد ہے نا

[Shehzad Iqbal]

رات کے پُر سکون لمحوں میں
جب کبھی تیری یاد آتی ہے

اس گھڑی میں خدائے برتر سے
تیری خوشیوں کی بھیک مانگتا ہوں

میں دعا گو ہوں، تیرے سارے غم
میری قسمت میں سارے آجائیں

میرے حصے کی مُمکنہ خوشیاں
تیرے حصے میں ساری آجائیں

[Shehzad Iqbal]

رات آنکھوں میں کاٹنے والو شاد رہو آباد رہو
بارِ ہجر اُٹھانے والو شاد رہو آباد رہو
کچی عمر میں کل کے دکھوں سے آج اُلجھنا ٹھیک نہیں
پہلا ساون بھیگنے والو شاد رہو آباد رہو
اب آئے ہو سارے دئے جب اک اک کر کے بجھ بھی گئے
لیکن ! لوٹ کے آنے والو شاد رہو آباد رہو
خانہ بدوشی ایک ہنر ہے رفتہ رفتہ آئے گا
رنج مسافت کھینچنے والو شاد رہو آباد رہو
ایک دریچے سے دو آنکھیں روز صدائیں دیتی ہیں
رات گئے گھر لوٹنے والو شاد رہو آباد رہو
دیکھو آنکھوں کی ہریالی خواب نہ بن کر رہ جائے
بات بات پر رونے والو شاد رہو آباد رہو
ہجر زدوں پہ خود نہیں کھلتا کِس عالم میں رہتے ہیں
حال ہمارا پوچھنے والو شاد رہو آباد رہو۔