♣♣آپکے پی سی کے لئے چند اہم ٹولز♣♣
امید کرتا ہوں کہ تمام آئی ٹی ڈی ممبرز خیریت سے ہوں گے اور اس پیارے فارم سے مستفید ہو رہے ہوں گے۔
تو چلتے ہیں ہمارے آج کے تھریڈ کی طرف۔۔
میں آج آپ کے لئے چند چھوٹے لیکن بہت اہم ٹولز لیکر آیا ہوں
یہ ٹولز سائز میں چھوٹے ہیں لیکن بہت یوز فل ہیں ذیل میں ان کا مختصر تعارف ملاحظہ فرمائیں
ٹیمپ کلینر
یہ ایک چھوٹا سا پورٹ ایبل ٹول ہے جو سسٹم سے عارضی فائلوں کو ڈیلیٹ کرتا ہے۔ مختلف پروگرامز کام کے دوران سسٹم پر عارضی فائلز بناتے رہتے ہیں۔ ہر کچھ عرصے بعد ان فائلوں کو صاف کر دینا چاہیے۔ اس کام کے لیے آپ ٹیمپ کلینر استعمال کرسکتے ہیں۔ اس کے چلاتے ہی یہ سسٹم سے صرف ٹمپریری فائلز کو ڈیلیٹ کر دیتا ہے۔
TempCleaner.zip
ری ایکسپلورر
کئی صورتوں میں سسٹم کو ری اسٹارٹ کرنے کی ضرورت پڑتی ہے۔ مثلاً ونڈوز اپ ڈیٹس انسٹال کریں یا کوئی سافٹ ویئر، انھیں کارآمد بنانے کے لیے ضروری ہوتا ہے کہ سسٹم ری اسٹارٹ کیا جائے۔ ان صورتوں میں سسٹم ری اسٹارٹ کرنے کی زحمت اُٹھائی جا سکتی ہے لیکن چھوٹی موٹی فائلیں جب ڈیلیٹ ہونے سے انکاری ہوں تو سسٹم کو ری اسٹارٹ کرنا کافی جھنجٹ کا باعث بنتا ہے۔ اس صورت حال میں ونڈوز ایکسپلورر کی سروس کو ری اسٹارٹ کر لینا ہی کافی رہتا ہے۔ اس کام کے لیے ری ایکسپلورر ٹول کو استعمال کیا جا سکتا ہے۔ یہ چھوٹا سا پورٹ ایبل ٹول چلتے ہی ونڈوز ایکسپلورر کو ری اسٹارٹ کر دیتا ہے۔ خاص بات یہ ہے کہ یہ کھلے ہوئے فولڈرز کو نوٹ کر لیتا ہے اور ونڈوز ایکسپلورر کے دوبارہ چلتے ہی وہ تمام فولڈرز کھول کر آپ کو زحمت سے محفوظ رکھتا ہے۔
Rexplorer.zip
فکس پرنٹس
پرنٹر کو پرنٹس بھیجتے ہوئے پرنٹس کا سلسلہ رُک جانا ایک عام سی بات ہے۔ پرنٹرسپولر میں جا کر ان رُکے پرنٹس کو ڈیلیٹ کرنے کی کوشش کریں تو یہ معاملہ اور زیادہ اُلجھ جاتا ہے۔ اس مسئلے کو خوش اسلوبی سے نمٹانے کے لیے ’’فکس پرنٹس‘‘ کو چلائیں۔ یہ ٹول تمام رُکے ہوئے پرنٹس کو صاف کر کے سپولر کی سروس کو دوبارہ چلا کر پرنٹر کو استعمال کے قابل بنا دیتا ہے۔
FixPrintS.zip
ری بلڈ آئی کن کیشے
بعض اوقات ونڈوز ایکسپلورر پروگرامز کے آئی کن غلط دکھانا شروع کر دیتا ہے۔ اس مسئلے کو درست کرنے کے لیے اس
کو چلائیں۔
ReIconCache.zip
کاپی آئی پی
اگر سسٹم کی آئی پی جاننا مقصو ہو تو اس کے لیے اس بنڈل میں ’’کاپی آئی پی‘‘ موجود ہے۔ اسے چلاتے ہی آئی پی ایڈریس کلپ بورڈ میں کاپی ہو جاتا ہے۔
CopyIP.zip
شٹ ڈاؤن
اگر کبھی آپ کے سامنے ونڈوز ایٹ آجائے اور آپ کو اسے شٹ ڈاؤن کرنا ہو گا تو آپ شٹ ڈاؤن کا بٹن تلاش ہی کرتے رہیں گے جو کہ ملنا مشکل ہے۔
اس کے لئے اس کو چلائیں
shutdown.zip
ریڈیوس میموری
پراسیسر کو تیزی سے ڈیٹا فراہم کرنے کے لیے ریم عارضی طور پر ہارڈ ڈسک سے ڈیٹا اسٹور کرلیتی ہے تاکہ پروگرامز اور پراسیس تیزی سے چل سکیں۔ لیکن حد سے زیادہ ریم کا استعمال سسٹم کو ہینگ کر دیتا ہے۔ ریم کا استعمال کم کرنے کے لیے اس کو رن کریں
ReduceMemory.zip
Reply With Quote
super king said:
Bookmarks