پریشان رات ساری ہے ستارو تم تو سوجاؤ

**nizamuddin a** · 30th January 2015, 03:20 PM

پریشان رات ساری ہے ستارو تم تو سوجاؤ
سکوتِ مرگ طاری ہے ستارو تم تو سوجاؤ
ہنسو اور ہنستے ہنستے ڈوبتے جاؤ خلاؤں میں
ہمی پر رات بھاری ہے ستارو تم تو سوجاؤ
ہمیں تو آج کی شب پو پھٹے تک جاگنا ہوگا
یہی قسمت ہماری ہے ستارو تم تو سوجاؤ
تمہیں کیا آج بھی کوئی اگر ملنے نہیں آیا
یہ بازی ہم نے ہاری ہے ستارو تم تو سوجاؤ
کہے جاتے ہو رو رو کر ہمارا حال دنیا سے
یہ کیسی رازداری ہے ستارو تم تو سوجاؤ
ہمیں بھی نیند آجائے گی ہم بھی سو ہی جائیں گے
ابھی کچھ بے قراری ہے ستارو تم تو سوجاؤ
(قتیل شفائی)