ہو سکتا ہے یہ آپکا آخری رمضان ہو۔۔۔۔۔
شھر رمضان الذی انزل فیہ القرآن
ہو سکتا ہے یہ آپکا آخری رمضان ہو!
پھرکیوں نہ اسے اس طرح گزاریں کہ یہی ہمارے لئے توشہ آخرت بن جائے۔
ماہ رمضان گزر جانے کے بعد مندرجہ ذیل سوالنامے کے ذریعہ اپنا جائزہ لیں کہ آپ کے طرزِ زندگی میں کیا تبدیلی آئی۔ اُصولی طور پر یہ سوالنامہ ماہ مبارکہ گزر جانے کے بعد دیا جانا چاہیے تھا مگر پہلے دینے کا مقصد آپکو احساس دلانا ہے کہ آپ نے ماہ رمضان کیسے گزارنا ہے اور بعد میں اپنا جائزہ لیں کہ آپ اپنی کوشش میں کس حد تک کامیاب رہے۔
کیا ماہ رمضان گزر جانے کے بعد:
آپکے دل میں اللّٰہ سبحانہ و تعا لٰی اور اُسکے رسول کیلئے محبت بڑھی اور اُ ن کے احکامات پر من و عن عمل کرنے کا شوق پیدا ہوا ؟
آپکے دل میں اللّٰہ سبحانہ و تعا لٰی اور اور اُسکے رسول سے ہر دینی اور دنیاوی کام میں راہنمائی حاصل کرنے کا جذبہ پیدا ہوا ؟
آپ محسوس کرتے ہیں کہ آپکی نمازوں میں باقاعدگی پیدا ہوئی اور بصد شوق آپکے قدم مسجد کی طرف اُٹھتے ہیں ؟
آپ نے روزانہ قرآن مجید کی تلاوت ، اس کا مطالعہ اور غور و خوض کرنے کو اپنا معمول بنا لیا ہے ؟
آپ اللّٰہ سبحانہ و تعا لٰی کی راہ میں خرچ کرنے کیلئے اپنے آپکو پہلے سے زیادہ آمادہ پاتے ہیں ؟
آپ پہلے سے زیادہ اللّٰہ سبحانہ و تعا لٰی کا ذکر کرتے ہیں اور اُس سے اپنی اور اُمت مسلمہ کی مغفرت طلب کرتے ہیں ؟
آپ اپنی بری عادتوں کے بارے میں زیادہ فکرمند ہیں ےا دوسروں کے عیب تلاش کرنے میں زیادہ پرُجوش ؟
آپ پہلے سے زیادہ اپنی آخرت کی فکر کرتے ہیں یا دل ابھی تک دنیاوی جاہ وطلب کی طرف راغب ہے ؟
آپکی عبادات احسان کے درجہ پر ہیں ؟
یعنی تو اللّٰہ سبحانہ و تعا لٰی کی عبادت ایسے کر جیسے تو اُسے دیکھ رہا ہے، اور اگر تو اُسے نہیں دیکھ رہا تو وہ تو تجھے دیکھ رہا ہے ۔ حدیث نبوی
آپکے تعلقات بطور شوہر، بیوی ، بیٹا ، بیٹی ، والد ، والدہ ، بھائی ، بہن، پڑوسی ، دوست، طالب علم یا بطور ساتھ کام کرنے والا ساتھی پہلے سے بہتر ہیں یا اُسی نہج پر ہیں ؟
آپ نے محسوس کیا کہ رمضان کا مہینہ اللّٰہ سبحانہ و تعا لٰی نے ہماری عملی تربیت کا مہینہ مقرر کیا ہے تاکہ باقی گیارہ ماہ اسی تربیت کے زیرِ اثر گزارے جائیں گے یا آپ نے اس کو
دعوت افطار کے ذریعے بسیار خوری اور نمود و نمائش کا مہینہ بنا دیا؟
آپ فروغ ِدین کے کاموں کی طرف راغب ہونگے یا اپنی پرانی روش پر قائم رہیں گے؟
آپ اپنا احتساب خودکرنے کی خو اپنائیں گے یا ہمیشہ کی طرح اگلے رمضان کا انتظار کریں گے؟
ہو سکتا ہے یہ آپکا آخری رمضان ہو!
طالبِ دعا
اقبال
2.gif "Smile::")
Reply With Quote
o534889573 said:
Bookmarks