window10 istmal karne wale ho jain hoshyaar
صارفین کے طویل انتظار کے بعد مائیکروسافٹ نے بالآخر اپنا نیا سافٹ ویئر ونڈوز 10متعارف کروا دیا ہے اور حسب توقع صارفین اسے ہاتھوں ہاتھ لے رہے ہیں، لیکن اس میں ایک ایسا نقص ہے جس کے بارے میں جاننے کے بعد شاید آپ مائیکروسافٹ کی اس نئی ونڈوز کو اپنے کمپیوٹر، لیپ ٹاپ یا ٹیبلٹ میں انسٹال کرنے سے پہلے سو بار سوچیں۔
اس میں خرابی یہ ہے کہ ونڈوز 10خود کار طریقے سے آپ کے وائی فائی کا پاس ورڈ آپ کے فیس بک، سکائپ اور آؤٹ لک کے ان دوستوں کو بتادے گی جن کے کمپیوٹرز میں یہ ونڈوز پہلے سے انسٹال ہے۔ سافٹ ویئرمیں یہ نقص اس لیے پیدا ہوا ہے کہ کمپنی نے اس میں ایک ایسا فیچر رکھا ہے جس کے ذریعے آپ آسانی کے ساتھ اپنے دوستوں کے ساتھ اپنا وائی فائی پاس ورڈ شیئر کر سکتے ہیں۔
ماہرین کا کہنا ہے کہ چونکہ ونڈوز 10خود بخود پاس ورڈ دیگر لوگوں کے ساتھ شیئر کر دیتی ہے اس لیے یہ بہت بڑا سکیورٹی رسک ہے۔ انہوں نے صارفین کو ہدایت کی ہے کہ وہ حوالے سے محتاط رہیں اور اپنے کمپیوٹرز کی سیٹنگز (Seatings)پر نظر رکھیں اور متعلقہ فیچر کو آف موڈ پر رکھیں۔
ونڈوز10 کے اس فیچر کا نام وائی فائی سینس (Wifi sense) ہے۔یہ فیچر صارف کے کمپیوٹر کو خود بخود قریبی وائی فائی سے منسلک کر دیتا ہے۔ مائیکروسافٹ کا کہنا ہے کہ یہ فیچر صارفین کو انٹرنیٹ تک زیادہ سے زیادہ رسائی دینے کے لیے تخلیق کیا گیا ہے۔ یہ فیچر ان صارفین کے لیے بہت فائدہ مند ثابت ہو گا جو ہمہ وقت انٹرنیٹ سے منسلک رہنا چاہتے ہیں لیکن اگر وہ کسی کا وائی فائی استعمال نہیں کرنا چاہتے تو اس فیچر کو بند بھی کر سکتے ہیں۔
Reply With Quote
Bookmarks