Project Based Unity Games Development on Android Platform
Chapter 1 - Part 1: Introduction to Unity, Installation Guide and What we will do in this whole course
Assalam-o-Alaikum Friends!
Doston! Aaj se mein aik nahayat nayab course start karne ja raha houn jis mein hum Unity Based Android Games banana seekhein gein. Hum apna ye target real games bana kar achieve karein ge. Is course mein hum Flappy Bird jesi mashoor games ke clones banana seekhein gein. Mein koshish karoon ga ke har hafte aik naya tutorial post karoon. Chalein aaj ka section buhat aasan hai aur is mein hum pehle sare software jin ki hamein zaroorat ho gi, unhein hum install karein ge.
Unity System Requirements
Well agar apka computer 2005 ke baad manufacture hoa hai i.e Pentium 4 / 1 GB RAM / DX9 Graphics Card to aap Unity istemal kar sakte hain. However, jitne graphics ap apni game mein istemal karein aur project ki complexity barhate jain ge utni hi system requirements ziyada ho gein.
Introducing Unity
Basically, unity aik game development engine hai. Aap ne PC mein games zaroor kheli houn ge. Un sab games me aik proprietary game engine istemal hota hai. However, hum apni games without kisi engine ke bhi bana sakte hain lekin wo buhat time consuming hai aur hamare scope se kafi uper aur mushkil hai. Hum Unity ko istemal is liye karain ge because:
- Royalty-Free: Matlab ke aap jab apni games publish karne wale houn ge to aap ko kisi kisam ke fees nahi deni ho gi. (Ideal for Indie or New developers)
- Multiple Platforms: Aap aik game bana kar usse multiple platforms yani PC, Web, Android, IOS, Xbox, PlayStation, aur buhat se doosre mashoor platforms pur publish kar sakte hein.
- It's Free: Unity bilkul free hai aur isse download or use kerne ke koi charges nahi hain.
Downloading Unity
- Sab se pehle is link ko visit karein.
- Top-right corner per Get Unity ki link per click karein.
- Unity ke do version hain. Aik hai Personal aur doosra Professional. In dono mein difference ye hai ke Personal version mein Unity ki splash screen ho gi. Iska matlab ye he ke aap jab bhi game launch karein ge Unity ka logo display ho ga, apki company ka nahi.
- Scroll-down karein aur Free Download per click karein.
- Finally Download Installer per click kerain.
Aap ne Unity ka abhi siraf web installer download kia hai jo sirf 636 kB ka hai. Well abhi to asal software download karna hai! Next section ko dekhein.
Installing Unity
- Web Installer ko run karain. UAC prompts pe Yes ka button press karain.
- Terms and Conditions accept karain.
- Screenshot ke ain mutabiq apni installation mein bhi yaho options select karain. Apki ki installation screen mein Microsoft Visual Studio 2015 Community ka option bhi mojood ho ga. Isse lazman select karein. Because mein ne ye pehle se hi install kia houa hai issi liye meri installation screen mein show nahi houa.
- Ab installer app se pooche ga ke kiya apne downloaded installers ko temporary folder mein download karna hai ya kisi doosre folder mein for backup purposes.
- Finally, install ka button press karain aur intezar karain.
Installer ka size approximately 2.3 GB for Unity and Dependencies aur 3.9 GB for Visual Studio. Issi liya installation kafi time le gi...
Creating Unity Account and Activating your Unity Copy
- Ye link visit karein aur personal information provide kar ke account create karein aur email verification complete karein.
- Ab Unity 3D software start karein (Desktop shortcut or Start Menu after complete installation).
- On-screen instructions follow karein aur software activate karein. License information ki screen mein yad se Personal edition lazman select karna.
Alright friends!!! INSHAALLAH phir mulaqat ho gi. Tab tak Allah Hafiz!!!!!
Bookmarks