Project Based Unity Games Development on Android Platform - Chapter 1 - Part 2
Project Based Unity Games Development on Android Platform
Chapter 1 - Part 2: Introduction to Unity Main Interface and Game Assets Management before Development
Aaj mein aap ko Unity ki main interface se introduce karoon ga aur aap ko game assets management ke bare mein thori si tafseel doon ga.
Creating a Unity Project
- Ok! Sab se pehle Unity Game Engine software ko run karain. Uske baad New ka button press karain.
- Aap apne project ko koi sa bhi name de sekte hain. Filhal ye itna zaroori nahi hai. Aur because hum abhi 2D games pe work karain ge issi liye Project Type ko 2D set karain. Finally, Create Project ka button press karain.
Aur aap ne apna pehla Unity Project successfully create kar diya hai!
Introducing Unity Interface
- Hierarchy Panel
Is panel mein basically apke games me jitne bhi objects hain for example players, enemies, coins, cameras, etc display houn ge. Panel ke labe ke neechai Create ke button se ap predefined objects for example cube, terrain, sprites, lightning, cameras, etc create kar sakte hain.- Inspector Panel
Hierarchy Panel mein selected object ki properties is panel mein shown houn gein. Her object ki properties different hoti hain. Ye object type pe depend karta hai. For example, agar hamara object aik player hai to is panel mein animation ki property bhi available ho gi. However, har object ki do properties similar hoti hain. Wo Transform Property hai jo basically aik object ka size with respect to x-axis, y-axis and z-axis hold karta hai. Ham in sab cheezon ko use karein ge jab ham actual game development start karain gein.- Solution Explorer
Aap ke project ke sare assets such as sprites, characters models, animators, sound, scenes, is panel mein visible houn ge.- Scene View
Is view mein aap apni game ko design karein ge. Mutlab ke aap individual objects ko Hierarchy Panel se Scene View me drop karein ge aur unki placement etc. set karain ge. Simply, is view mein aap level designing, menu designing, pause menu etc bana sakte hain. (Insha Allah hum in sab cheezon ke bare mein parhain ge.)- Animator Panel
Ye panel by default Unity mein enabled nahi hota. Isko show karne ke liye Main Menu Bar mein Window per click karain our dropdown menu se finally Animator ko select karain.
Is panel main hum apne characters ki animations ko conditions ke sath set karein ge. For example agar mein apne keyboard mein Up ka button press karoon to player ko jump ki animation follow karni hai etc. Doosri animations jaise clouds ki, sun light ki, grass ki, etc hum yahan pe define kar sakte hain.- Animation Panel
Is panel mein aap apne objects (such as players) ki animations ko design karain ge. Animations basically kuch pictures hoti hain jo aik series mein with a time interval play hoti hain. Us aik picture ko ham Sample kehte hain. Jitne ziyada samples utni hi smooth character animation. Aap character animation designing ki tension ne lain. In sub tutorials mein hum jo bhi games develop karain ge unke mein apko sari designing aur animations provide karoon ga take ap game development pe focus karain na hi ke game designing.- Console
Game ke backhand mein Coding istemal hoti hain (yani programming language mein hum game ki logic, variables, values, conditions, etc define karain ge). Jub code execute hoga to hum apni preference ke liye code ka result Console mein preview kar sakte hain. For example agar aik player ne enemy se aik hit khaei to uski health -1 ho jae gi. To is result ko ham Console mein forward kar sakte hain just to ensure ke sari calculations durust hain. Error Messages aur Logs ko bhi Console mein forward kia ja sakta hai. For example, agar hamari game koi error throw kar rahi hai to hum is ke reason Console mein ja kar analyze kar sakte hain.
However, hum apne is poore course mein C# mein games develop karain ge. Tension na lain! Agle tutorials C# mein coding ke mutaliq houn ge.
Reply With Quote
Nadeem H M said:
Bookmarks