***اپنی بڑی بچیوں کو غیر محرم سے پڑھوانے والے اور پڑھانے والوں کے نام ایک پیغام....

***آج کل بکثرت دیکھنے میں آتا ہے کہ بہت سے لوگ غیر محرم نوجوانوں سے بڑی عمر کی بچیوں کو ٹیوشن پڑهواتے ہیں
یاد رکھیں اس کا انجام انتہائی خطرناک ہے. ..

**ٹیوشن سنٹر یا ٹینشن سنٹر**
بعض لوگ اپنی نوجوان بچیوں کو مرد استاد کے پاس ٹیوشن پڑھنے بھیجتے ہیں یا انہیں ٹیوشن پڑھانے اپنے گھر بلاتے ہیں۔ دونوں صورتحال میں نتائج بُرے ہوتے ہیں۔ شریعت مطہرہ کے احکام سے غفلت برتنے کا انجام ہمیشہ بُرا ہوتا ہے۔ شاگردہ کو استاد کے پاس بیٹھ کر باتیں کرنے کا موقع ملتا ہے تو شیطان مشورہ دیتا ہے کہ کتابیں پڑھنے کے ساتھ ساتھ ایک دوسرے کی شخصیت کے بارے میں بھی معلومات حاصل کرو۔ جب پرسنل لائف کی باتیں شروع ہو جاتی ہیں تو حرام کاری کے دروازاے کھل جاتے ہیں۔ ٹیوشن پڑھنی تھی ٹینشن پلے پڑ گئی۔ مردوں کو بھی عورت سے گفتگو کرتے وقت احتیاط کرنی چاہیے۔ علامہ جزری نے لکھا۔
نھی رسول اللہ ﷺ ان یخضع الرجل لغیر امراۃ ان یلین لھا بالقول بما یطمعھامنہ (النھایہ)
نبی اکرم ﷺ نے اس بات سے منع کیا ہے کہ مرد اپنی بیوی کے سوا کسی دوسری عورت کے سامنے نرمی سے بات چیت کرے جس سے عورت کو مرد میں دلچسپی پیدا ہو جائے .....
اللہ ہمیں ایسی تعلیم سے بچنے کی توفیق دے جس سے معاشرے میں بے حیائی پھیلتی ہے. ..