اسلام علیکم جیسا کہ آپ جانتے ہیں اینڈرائیڈ موبائل میں انٹر نیٹ استعمال کرنے سے وائرس آ ہی جاتا ہے اور کبھی کبھی ایسا ہوتا ہے کہ چند ایپس جو آپ کے پاس انسٹال ہوتی ہیں وہ آپ کا ڈیٹا چرانا شروع کر دیتی ہیں لیکن اب خطرناک میل ویئر انسٹال ہونے کا امکان بہت کم رہ گیا ہے۔
یہ بات گوگل نے اپنی سالانہ سیکیورٹی رپورٹ میں کہی ہے۔ رپورٹ کے مطابق گوگل پلے اسٹور سے اینڈرائیڈ ڈیوائسز کے لیے اپلیکشنز کو ڈاﺅن لوڈ کرنے کا عمل گزشتہ ایک سال کے دوران بہت زیادہ محفوظ بنادیا گیا ہے۔ گوگل کے مطابق 2015 میں نقصان دہ ایپس کو پلے اسٹور سے نکالا گیا ہے تاکہ صارفین کی ڈیوائسز کو تحفظ دیا جاسکے۔
گوگل اب 6 ارب ایپس اور 400 ملین ڈیوائسز کو روزانہاسکین کرتا ہے تاکہ نقصان دہ میل ویئر کو تلاش کیا جاسکے جبکہ مشین لرننگ الگورتھم کو بھی بہتر بنایا گیا ہے جو ممکنہ خطرناک ایپس کی نشاندہی کرتا ہے۔ گوگل کا کہنا ہے کہ ان تبدیلیوں سے اینڈرائیڈ صارفین اب بہت زیادہ محفوظ ہوگئے ہیں۔
رپورٹ کے مطابق ' مجموعی طور پر گزشتہ سال گوگل پلے اسٹور سے 0.15 فیصد سے بھی کم ڈیوائسز پر خطرناک ایپس انسٹال ہوئیں'۔
اسی طرح گوگل پلے اسٹور سے اب کسی خطرناک ایپ کو ڈاﺅن لوڈ کرنے کا امکان 40 فیصد تک کم ہوگیا ہے جبکہ ایسے سافٹ ویئر کے انسٹال ہونے کے امکانات بھی 40 فیصد کم ہوئے ہیں جو صارفین کا ڈیٹا چوری کرتا ہے جبکہ اسپائی ویئر ڈاﺅن لوڈ ہونے کا خطرہ 60 فیصد کم ہوگیا ہے۔
ماضی میں گوگل کو ایپس کی سیکیورٹی کے حوالے سے مسائل کا سامنا رہا ہے اور 2013 میں وہاں متعدد میل ویئر سے متاثرہ ایپس کودریافت کیا گیا تھا۔
اور اگر آپ گوگل کی اس رپورٹ کو دیکھنا چاہتے ہیں تو....
Click Here
اب مجے دیں اجازت خدا حافظ
Bookmarks