ٹیکنالوجی میں چند غلط فہمیاں
اسلام علیکم دوستوں امید ہے سب خیریت سے ہونگے آج ٹیکنالوجی کے دور میں سمارٹ فونز اور لیپ ٹاپس کا استعمال بہت زیادہ ہو گیا ہے اور اس کے متعلق بہت سے سوالات ہمارے ذہین میں آتے ہیں جن پر ہم بغیر کچھ سوچے سمجھے ان پر یقین کر لیتے ہیں لیکن وہ دراصل ہوتے غلط ہیں اس تھریڈ میں آپ بہت سے سوالات جو آپ کے ذہین میں ہیں ان کا جواب آپ کو مل جائے گا
پرائیویٹ یا Incognito ٹیب کیا ہے؟؟ یہ آپکی شناخت چھپاتی ہیں؟
اس معاملے میں لوگوں کے درمیان غلط فہمی ہے کہ incognito یا پرائیوٹ ٹیب صارف کو گمنام کر دیتی ہے لیکن حقیقت میں ایسا بلکل نہیں ہے اگر آپ گوگل کروم میں incognito ٹیب استعمال کر رہے ہیں تو اس کا سادہ مطلب یہ ہے کہ براوزر آپ کی ہسٹری،بک مارکس، امپورٹ یا کسی بھی اکاونٹ میں لاگ ان ریکارڈ نہیں کر رہا یہ ان لوگوں کے لئے فائدے مند ہے جو اپنی شناخت چھپانا چاہتے ہیں
کسی ڈیوائس کا چارجر دوسری ڈیوائس پر استعمال کرنا
ایپل کی ویب سائٹ کے مطابق آئی پیڈ اڈاپٹر سے آئی فون اور آئی پیڈ دونوں چارج ہوسکتے ہیں، اور ایسا دیگر کمپنیوں کی مختلف ڈیوائسز کے ساتھ بھی ہوتا ہے۔ تاہم اسکو عادت بنانے سے ضرور گریز کرنا چاہئے۔
کمپیوٹر کو روزانہ شٹ ڈاﺅن کرنا
کیا آپ اپنے لیپ ٹاپ کو بند کرنا اسے نقصان پہنچانے کا باعث بنتا ہے ایسا سوچتے ہیں تو آپ واحد صارف نہیں. لیکن یہ سوچ ہی غلط ہے درحقیقت اپنے کمپیوٹر یا لیپ ٹاپ کو روزانہ بند کرنا اس کے لیے بہتر ثابت ہوتا ہے۔ اگر تو آپ سوچتے ہیں کہ لیپ ٹاپ کو سلیپ موڈ پر ڈال کر اگلے روز یا کبھی بھی بغیر اسے بوٹ اپ کے بغیر آسانی سے استعمال کرسکیں گے تو سسٹم میں بتدرج خرابیوں کا باعث بنتا ہے۔ اپنے کمپیوٹر یا لیپ ٹاپ کو روزانہ بند کرنے کے متعدد فوائد ہوتے ہیں اور ان میں سب سے بڑا یہ ہے کہ وہ زیادہ بجلی نہیں لیتا۔ اپنے کمپیوٹرکو بند نہ کرنے کی عادت اسے سست بنادیتی ہے اور اس کے سسٹم پر دباﺅ بھی بڑھتا ہے جس کے نتیجے میں اسکی زندگی میں کمی آتی ہے۔
زیادہ میگا پکسلز بہتر کیمرا ہے
کیا آپ 12 میگا پکسلز اور 8 میگا پکسز کیمرے کے درمیان فرق یا ان میں سے کونسا اچھا ہے یہ بتا سکتے ہیں؟ اگر آپ ایسا سمجھتے ہیں کہ میگا پکسز بڑھانے سے تصویر میں فرق آتا ہے تو ایسا بلکل نہیں ہے۔ درحقیقت کسی تصویرکے معیار کا تعین اس بات پر ہوتا ہے کہ اس کا سنسر کتنی روشنی کو اپنے اندر جذب کرنے کے قابل ہے۔ بڑے سنسر میں پکسلز بھی بڑے ہوتے ہیں اور وہ روشنی جذب کرنے کی صلاحیت رکھتے ہیں جس سے تصویر کا رزلٹ بہترین آتا ہے۔ماہرین کا کہنا ہے کہ تصویر کریں کہ آپ موسلا دھار بارش میں ایک چھلا پکڑے کھڑے ہیں اور پانی کو پکڑنے کی کوشش کررہے ہیں۔ اب وہ چھلا جتنا بڑا ہوگا اس کے لیے اتنے زیادہ قطروں کو اسی وقت میں پکڑنا آسان ہوگا۔ یہاں چھلے سے مراد سنسر لی جاسکتی ہے ، اگر کم میگا پکسلز کیمرے میں بڑے سنسر ہوں تو وہ زیادہ روشنی جذب کرکے 13 یا اس سے زیادہ میگا پکسلز کیمروں کو بھی پیچھے چھوڑ سکتے ہیں۔
مقناطیس کو کمپیوٹر کے قریب رکھنا ڈیٹا ختم ہونے کا باعث
تیکنیکی طور پر یہ غلط نہیں کیونکہ ماضی میں ایک فلاپی ڈسک کو مقناطیس کے ذریعے صاف کردیا جاتا ہے، مگر اس کے لیے آپ صحیح معنوں میں بہت بڑے اورطاقتور مقناطیس کی ضرورت ہوگی جو کمپیوٹر کی ہارڈ ڈسک کوصاف کردے۔ ماہرین کے مطابق جدید کمپیوٹرز کی ہارڈ ڈرائیورز انتہائی طاقتور مقناطیس سے ہی متاثر ہوسکتی ہیں وہ بھی اگر مقناطیسی میدان ان کے گرد قائم کرلے تو، عام بچوں کے استعمال کے مقناطیس سے ایسا کچھ نہیں ہوتا۔
زیادہ ریزولوشنز اچھے ڈسپلے کی ضمانت
درحقیقت اسکرین ریزولوشن کسی اسمارٹ فون کے لیے کچھ زیادہ اہمیت نہیں رکھتے جس کی وجہ یہ انسانی آنکھ 300 پکسلز فی انچ سے زیادہ تفصیلات نہیں دیکھ سکتی۔ چونکہ آنکھ ایک خاص حد سے زیادہ تفصیلات نہیں دیکھ سکتی تو پکسلز چاہے 1440× 2560 ہو یا 1080 × 1920 ہو کچھ خاص فرق محسوس نہیں ہوتا کیونکہ اسکی شارپ نس آنکھ بہت زیادہ محسوس نہیں کرتی
موبائل فون دماغی کینسر کا باعث
اگرچہ موبائل فون سے ریڈی ایشن خارج ہوتی ہے جو انسانی ٹشوز میں جذب بھی ہوتی ہے مگر ایسے ٹشوز شواہد موجود نہیں کہ وہ کینسر کا باعث بن سکتی ہے۔ امریکا کی نیشنل کینسر انسٹیٹوٹ کے مطابق اگرچہ موبائل فون سے خارج ہونے والی ریڈیو فریکوئنسی انرجی کے حوالے سے کچھ خدشات موجود ہیں جو سر کے رکھنے سے دماغ اور دیگر ٹشوزکو ہوسکتا ہے متاثر کریں، مگر اب تک ایسے شواہد نہیں ملے کہ یہ انرجی کینسر کا باعث بنتی ہے۔
اپنے فون کو ڈیڈ ہونے تک چارج نہ کرنا
کیا آپ اپنا موبائل فون اسی وقت چارج کرتے ہیں جب تک اس کی بیٹری لگ بھگ ختم یا ڈیڈ ہونے کے قریب نہ پہنچ جائے؟ اگر ہاں توآپ تنہا نہیں جو اس بات پر یقین رکھتے ہیں کہ لیتھیم بیٹریوں کو اس وقت تک چارج نہیں کرنا چاہئے جب تک وہ ڈیڈ ہونے کے قریب نہ پہنچ جائے کیونکہ ایسا کرنے سے بیٹری کمزور نہیں ہوتی۔ تاہم یہ خیال بالکل غلط ہے اور ایسا بالکل نہیں ہوتا۔ درحقیقت بیٹری کو جلد چارج کرنا اس کے لیے بہتر ہوتا ہے جس کی وجہ ان میں موجود محدود چارج سائیکل ہے۔ اگر تو آپ بہت تاخیر سے بیٹریز کو چارج کرتے ہیں تو بتدریج چارج کو برقرار رکھنے کی صلاحیت کو کھونے لگتی ہیں۔
رات بھر فون چارج کرنا
آپ نے شاید سنا ہوگا کہ اپنے اسمارٹ فون کورات بھر تک چارج کےلیے لگا چھوڑ دینا بیٹری کے لیے نقصان دہ ثابت ہوتا ہے۔کیا آپ اس یقین کرتے ہیں ؟ اگر ہاں تو اس حوالے سے فکر مند ہونا چھوڑ دیں کیونکہ ایسا کچھ نہیں ہوتا۔ درحقیقت اپنے فون کو رات بھر تک چارج ہونے کے لیے چھوڑ دینا بیٹری کو معمولی سانقصان بھی نہیں پہنچاتا۔ آئی فون ہو یا کوئی اور ڈیوائس اگر ان میں لیتھیم آئیون یا لیتھیم پولیمر بیٹری کا استعمال ہورہا ہے تو رات بھر چارج پر لگے رہنے سے بھی کوئی نقصان نہیں ہوتا۔ اس کی وجہ یہ ہے کہ اس طرح بیٹریاں 100 فیصد پر پہنچنے کے بعد چارجنگ پاور کو خودکار طور پر چارجنگ سرکٹ سے کٹ کردیتی ہیں۔بنیادی طور پر اسمارٹفون کی بیٹری بھی ڈیوائس کی طرح اسمارٹ ہوتی ہے اور تقریباً ہر بیٹری میں لیتھیم کا استعمال ہو رہا ہے
زیادہ سگنلز بار اچھی کال سروس کی ضمانت؟
اگرچہ سروس بار زیادہ ہونے سے موبائل سروس کو مدد مل سکتی ہے مگر یہ زبردست کوریج کی ضمانت نہیں ہوتے۔ یہ بار تو بس یہ عندیہ دیتے ہیں کہ آپ قریبی موبائل ٹاور سے کتنے قریب موجود ہیں مگر دیگر عناصر بھی ہیں جو فون کے افعال پر اثر انداز ہوتے ہیں جیسے کتنے لوگ اس وقت موبائل نیٹ ورک کو استعمال کررہے ہیں وغیرہ۔
میں نے ہر سوال کا علیحدہ علیحدہ تھریڈ بنانا مناسب نہیں سمجھا اگر اس میں کوئی املاء وغیرہ کی غلطی ہو جائے میں معاف فرما دینا
خدا حافظ
Reply With Quote
.gif "WSalam")
Anees b said:
Bookmarks