٭ روزے کی فرضیت
مسلئہ 1
روزہ اسلام کے بنیادی فرائض میں سے ایک ہے فرض ہے
حدیث
حضرت عبداللہ بن عمر رضی اللہ عنہ کہتے ہیں رسول اللہ صلی اللہ علیہ وآلہٖ و سلم نے فرمایا اسلام کی بنیاد پانچ چیزوں پر ہے ۔ پہلا کلمہ شہادت ، دوسرا نماز قائم کرنا ، تیسرا زکوٰۃ ادا کرنا ، چوتھا حج اور پانچواں رمضان کے روزے ۔
بخاری اور مسلم
٭ روزے کی فضیلت
مسئلہ 2
رمضان المبارک شروع ہوتے ہی جنت کے دروازے کھول دئے جاتے ہیں اور جہنم کے دروازے بند کر دئے جاتے ہیں۔
حدیث
حضرت ابو ہریرہ رضی اللہ عنہ سے روایت ہے کہ رسول اکرم صلی اللہ علیہ وآلہٖ وسلم نے فرمایا جب رمضان آتا ہے تو جنت کے دروازے کھول دئے جاتے ہیں ، جہنم کے دروازے بند کر دئے جا تے ہیں اور شیاطین قید کر دئے جاتے ہیں۔
بخاری اور مسلم
مسئلہ 3
رمضان میں عمرہ کا ثواب حج کے برابر ملتا ہے
حدیث
حضرت عطاء رحمتہ اللہ علیہ کہتے ہیں میں نے عبد اللہ بن عباس رضی اللہ عنہما سے سنا کی رسول اکرم صلی اللہ علیہ وآلہٖ وسلم نے انصار کی ایک عورت سے فرمایا تم ہمارے ساتھ حج پے کیوں نہیں چلتی ، عورت نے عرض کیا ہمارے پاس صرف دو اونٹ تھے ایک پر میرا شوہر اور بیٹا دونوں حج پے گے ہیں اب ایک اونٹ گھر ہے جس پر ہم پانی وغیرہ لاتے ہیں ، رسول اکرم صلی اللہ علیہ وآلہٖ وسلم نے فرمایا اچھا رمضان آتے ہی تو عمرہ کر لینا اس کا ثواب بھی حج کے برابر ہے
اسے مسلم نے روایت کیا ہے
مسئلہ 4
روزہ قیامت کے دن روزہ دار کی سفارش کرے گا
حدیث
حضرت عبد اللہ رضی اللہ عنہ سے روایت ہے کہ رسول اللہ صلی اللہ علیہ وآلہٖ وسلم نے فرمایا روزہ اور قرآن قیامت کے دن بندے کے لیے سفارش کریں گے۔ روزہ کہے گا اے میرے رب میں نے اس بندے کو کھانےپینے اور خواہشات سے روکے رکھا لہذا اس کے بارے میں یری سفارش قبول فرما ۔ قرآن کہے گا اے میرے رب میں نے اس بندے کو رات سونے سے روکے رکھا لہذا میری سفارش قبول فرما ۔
اسے احمد اور طبرانی نے روایت کیا ہے
روزے کی اہمیت
مسئلہ 5
ایک فرض روزہ بلاعذ ترک کرنے کا کفارہ ساری عمر کے روزے بھی نہیں بن سکتے
حدیث
حضرت ابوہریرہ رضی اللہ عنہ کہتے ہیں رسول اکرم صلی اللہ علیہ وآلہٖ وسلم نے فرمایا ، جس نے بلا عذ یا بلا مرض ایک روزہ بھی ترک کیا ساری عمر کے روزے بھی اس کا کفارہ نہیں بن سکتے ،
اسے بخاری نے روایت کیا ہے
مسئلہ 6
رمضان کی برکتوں سے محروم رہنے والا بے نصیب ہے
حدیث
حضرت انس بن مالک رضی اللہ عنہ سے روایت ہے کہ رمضان آیا تو رسول اکرم صلی اللہ علیہ وآلہٖ وسلم نے فرمایا یہ مہینہ جو تم پر آیا ہے اس میں ایک رات ایسی ہے جو قدر و منزلت کے اعتبا ر سے ہر مہینوں سے بہتر ہے جو شخص اس کی سعادت حاصل کرنے سے محروم رہا وہ ہر بھلائی سے محروم رہانیز یہ فرمایا لیلۃ القدر کی سعادت سے صرف بے نصیب ہی محروم کیا جاتا ہے ۔
سے ابن ماجہ نے روایت کیا ہے
مسئلہ 7
روزہ خوروں کا عبرت ناک انجام
حدیث
حضرت ابو امامہ باہلی رضی اللہ عنہ کہتے ہیں میں نے رسول اکرم صلی اللہ علیہ وآلہٖ وسلم کو فرماتے سنا میں سویا ہوا تھا اور میرے پاس دو آدمی آئے ، انہوں نے مجھے بازؤں سے پکڑ ا اور مجھے مشکل چڑہائی والے پہاڑ پر لائے اور دونوں نے کہا اس پہاڑ پر چڑھیں میں نے کہا میں نہیں چڑھ سکتا انہوں نے کہا ہم آپ کے لیے سہولت پیدا کر دیں گے پس میں چڑھ گیا ، حتیٰ کہ میں پہاڑ کی چوی پر پہنچ گیا جہاں میں نے شدید چیخ و پکار کی آوازیں سنیں میں نے پوچھا یہ آوازیں کسی ہیں ، انہوں نے بتایا یہ جہنمیوں کی چیخ و پکار ہے ۔ پھر وہ میرے ساتھ آگے بڑھے ، جہاں میں نے لوگ اُلٹے لٹکے دیکھے جن کے منہ کو چیر دیا گیا ہے جس سے خون بہہ رہا ہے میں نے پوچھا یہ کون ہیں انہوں نے جواب دیا یہ وہ لوگ ہیں جو روزہ وقت سے پہلے افطار کر لیا کرتے تھے
خزیمہ و ابن جان
Bookmarks