او محبوب ء اوندی مرضی ,محبت گھٹ گھنڑی ڈیوے

خدا تاں نیں حیاتی دی, سہولت انڑ گنڑی ڈیوے

جے کوئ منظر نھوی لبھدا تاں اکھ تیں رنج کیوں تھیندیں

کیویں ویران ویڑھے وچ , بوھاری ھک جنڑی ڈیوے

جڈاں معصوم پپلیں تیں ڈکیجے ,ھنج ایوں لگدے

جیویں کوئ بال دے سر تیں, پڑی رکھ پنج منڑی ڈیوے

جئیں رنگ اچ بھنگ پاتی ھے,اوندی مرضی منیسی ھنڑ

او بھانویں چھانڑ کے ڈیوے یا کھیں کوں انڑ چھنڑی ڈیوے

نمانڑے دل دا کیا پچھدیں ,اوندی حسرت ھسی جیرھا

نہ سیوے زخم سینے دے نہ چولے دی تنڑی ڈیوے

جے شوہ وچ لہ چکیں خادم صدف دا ظرف پیدا کر

جگر دا چاک چوکھا رکھ متاں قسمت کنڑی ڈیوے


Sent from my SM-J100F using ITD Mobile App