امریکی تحقیقاتی ادارے ناسا کی طرف سے مریخ پر پانی کے واضح آثار ملنے کے اعلان کے بعد روس کی طرف سے بھی ایک سنسنی خیز خبر سامنے آئی ہے۔ خبرکے مطابق روس کی اکیڈمی آف سائنس مریخ پر بھیجنے کے لیے 4بندروں کو تربیت دے رہی ہے۔ان بندروں کو 2سال کے اندر اندر تربیت دے کر مریخ کے سفر پر روانہ کر دیا جائے گا جو 6ماہ پر محیط ہو گا۔
سائنسدانوں نے اس کام کے لیے ایک چھوٹی قسم کے بندروں کا انتخاب کیا ہے جو ایشیاءاور افریقہ میں پائے جاتے ہیں اور انہیں روزانہ 3گھنٹے کی تربیت دی جا رہی ہے۔سائنسی تحقیقاتی مقاصد کے لیے اس قسم کے بندروں کو فارم ہاﺅسز پر پالا جاتا ہے اور پھر ان میں سے جو سب سے زیادہ چالاک ہوں انہیں تجربات کے لیے منتخب کیا جاتا ہے۔روسی تحقیقاتی ادارے میں اس مشن کی سربراہ انیسا کوزلوفسکایا کا کہنا ہے کہ پہلی بار انسانوں کی بجائے بندروں کو مریخ بھیجنا قابل عمل چیز ہے۔انہوں نے کہا کہ ہم ان بندروں کو مریخ پر بھیجنے سے قبل ممکنہ حد تک ذہین ترین بنانا چاہتے ہیں تاکہ انہیں زمین کے مدار سے باہر خلاءاور مریخ کی سطح کی تحقیقات میں استعمال کیا جا سکے۔انہوں نے بتایا کہ ان چاروں بندروں میں سے جو سب سے زیادہ تیز اور چالاک ہے اس کا نام کلیوپا Clyopa ہے۔ تحقیقاتی ادارے کی طرف سے کلیوپا کی ایک ویڈیو بھی جاری کی گئی ہے جس میں اسے مختلف تربیتی مراحل سے گزرتے ہوئے دکھایا گیا ہے۔
Agr Thread Pasand Aye To Thanks ka Button Daba den
Bookmarks