قیمے کی کچوریاں

[AliMagicians]

مزیدار قیمے کی کچوریاں گھر میں بنانے کی آسان ترکیب
اجزاء:
قیمہ آدھا
کلو نمک حسب ذائقہ
ادرک لہسن پسا ہوا ایک کھانے کا چمچ
پیاز آ ملیٹ کی طرح کٹی ہوئی دو عدد
لال مرچ پسی ہوئی ایک کھانے کا چمچ ثابت
دھنیہ ایک کھانے کا چمچ
کالی مرچ پسی ہوئی آ دھا چائے کا چمچ
سفید زیرہ ایک چائے کا چمچ
ہری مرچیں باریک کٹی ہوئی تین سے چار عدد
ہرا دھنیہ باریک کٹا ہوا ایک گٹھی
لیموں کا رس دو کھانے کے چمچ
میدہ ایک کلو
میٹھا سوڈا ایک چائے کا چمچ
اجوائن آ دھا چائے کا چمچ
گھی تلنے کیلئے
ترکیب:
میدہ میں نمک، میٹھا سوڈا، اجوائن اور چار کھانے کے چمچ گھی ڈال کر 8سے 10منٹ تک اچھی طرح گوندھیں پھر ململ کے گیلے کپڑے میں لپیٹ کر دس سے پندرہ منٹ کیلئے رکھ دیں۔دیگچی میں ایک کھانے کا چمچ گھی درمیانی آ نچ پر دو سے تین منٹ تک گرم کریں۔ قیمہ ادرک لہسن، کالی مرچ اور لال مرچ ڈا ل کراتنی دیر پکائیں کہ قیمے کا اپنا پانی خشک ہو جائے، پھر ثابت دھنیہ اور زیرہ ڈال کر دو سے تین منٹ بھون لیں۔ چولہے سے اتار کر اس میں پیاز، ہری مرچ، ہرا دھنیہ اور لیموں کا رس ملا لیں اور ٹھنڈا ہونے کیلئے رکھ دیں۔کچوریوں کیلئے آٹے کے پیڑے بنا لیں اور ہاتھ کو گیلا کر کے پیڑے کو ذرا سا پھیلا لیں پھر پیڑے میںایک ایک چمچ قیمہ بھر کر پیڑے کے اچھی طرھ بند کریں اور دس سے پندرہ منٹ کیلئے فریج میں رکھ دیں۔ کڑاہی میں گھی کو درمیانی آنچ پر تین سے پانچ منٹ گرم کریں۔ دوبارہ ہاتھ گیلا کر کے پیڑے کو ہتھیلی پر رکھ کر ہلکا سا دبائیں۔ گرم گھی میں گولڈن براﺅن ہانے تک ڈیپ فرائی کریں۔ کچوریوں کو ٹشو پیپر یا الیمونیم فائل پر نکال لیں۔
Agr Thread Pasand Aye To Thanks ka Button Daba den