میری پسندیدہ شاعری جو کہ مجھے بہت پسند ھے

[rizwanarain]

••►Hum jo toote to is tarah toote
jaise hathon se girr k pathar par
koi shafaaf aaiina toote
jaise palkon se toot tha aansoo
jaise seene main ik kamaan toote
jaise umeed ki nazuk daali
barg mosam main na gahaan toote
jaise aankhon main khwab ki doori
waqt e takmeel se ulajh jaye
jaise pairon tale zameen nikle
jaise sar par yeh asmaan toote
jaise ik shaakh pe bharosa kia
is pe jitne thay aashiyaan toote
jaise wehshat se hosh aa jaye
jaise ta dair main dheyaan toote
ab jo raiza howay to sochte hain
kis nay dekha tha tootna apna
hum jo toote to raayegaan toote

[rizwanarain]

••► woh khaloos tha ke khumar tha
woh janoon tha ke saraab tha
mujhey sochney mein zaman laga
mujhey munzilon ne bhoola diya
mujhey jis masiha pe maan tha
mujhey us ne sooli charha diya

kai humsafar kai rahguzr
mujhey rastey mein miley magar
meri tushnagi kuch aur hai
meri justajoo koi aur hai

woh jo roshni ki tarha barhey
magar ansuon mei sama sakey

jo subha ki pehli kiran bane
mere dil ka aangan nikhaar de
jo muhabbaton ki ravaytein
laho ki bali se sanwaar de
mujhey us wafa ki talaash hai
mujhey us wafaki talaash hai

magar is jahan-e-kharab mein
yahan khahishon ke saraab mei
mujhey kaun de aisy wafa
mein kahan se laoon woh wafa
inhi uljhanon mein ghira hua
yehi sochta mein chala gya.

[rizwanarain]

••► khuab martay nahi
khuab dil hay na ankhay na sansay k
raza rayza hoay tu bikhar jayn **
jssam ki moot say yah b mar jayn **
khuab martay nahi
khuab to roshni hay, hawa hay
jo kalay paharoon say roktay nahi
zulam k duzakhoon say yah b pukhtay nahi
rishni , nawa aur hawa k alam
maktaloon may pohanch ker b yah juktay nahi
khuab tu haraf hain
khuab to noor hain
khuab sukrat hain
khuab mansoor hain
....................

[rizwanarain]

••►Neend say bojhel jalti Aankhie'n
Lambi banjer jaagti raatien
jab bhi main koi sapna dheko'n
Sapna dhek kar dar jata hoo'n
Sapnay akser dhuk daty hain
Uljhay Uljhay rooz-o-shab May
nawaqif bigaany saray
In may jab koi apna dhekon
Milnay say bhi katrata hoon
Apnay akser dhuk daty hain...

[rizwanarain]

••► itna hi yaad rakh mujhay
jaisay kisi kitaab mein
beetay dino k dost ka
khat ik para milay
lafz mitay mitay se hon
rang urha urha sahi
lekin wo ajnabi na ho
bhoolay huway tamaam dukh
guzray huway tamam sukh
beetay dino ki kathaa
tujh se kahay or ro parhay
itna hi yaad rakh mujhay
beetay dino k dost ka
jaisay koi khat hoon main
rakha huwa kitab mein
................

[rizwanarain]

••► ik roz koi tou sochay ga
parwaanon ki is basti mein
ik shaks tha pagal paagal sa
per baatein theek hi kehta tha
baarish ki tarha pur shor na tha
darya ki tarha chup rehta tha
jin se is ko pyaar bala ka tha
taanay bhi unhi k sehta tha
ik shaks tha paagal paagal sa
per baatein theek hi kehta tha
ik roz koi tou sochay ga
duniya ne usay kuch bhi na diya
per us ne jag ko pyaar diya
jaan rotay rotay kho beitha
dil hanstay hanstay haar diya
jo nazm likhi bharpoor likhi
jo shair diya shahkaar diya
kion jeetay jee dargor hua
kisi jaan pay tun mann waar diya
tha dushman kaun bechaaray ka
kiss ranj ne us ko maar diya
ik roz koi tou sochay ga
aur pehron beith k roye ga!!!

[rizwanarain]

••►Sitaray jo damaktay hain
kisi ki chashm-e-hayraan main
mulaqatain jo hoti hain
jamal-e-abr-o-baraan main
ye na-abad waqtoon main
dil-e-na-shad main ho gi
muhabbat ab nahe ho gi
ye kuch din baad main ho gi
guzar jaen gay jab ye din
ye oon ki yaad main ho gi....

[rizwanarain]

••►Tum Meri Aankh ke Tevar na Bhulaa Paaoge
An Kahi Baat ko Samajhoge to Yaad Aaongaa

Humne Khushiyon ki tarah Dukh Bhi Ikhatey Dekhe
Safaah-e-ziist ko Palatoge to Yaad Aaongaa

Isii Andaaz main Hotey Thay Mukhaatib Mujh Se
Khat kisi aur ko Likho gay to Yaad Aaongaa

Sard Raaton ke Mehakte huai Sannnaaton mein
Jab kisii Phool ko Choomogay to Yaad Aaongaa

Ab teray Ashk main Honton se Churaa letaa hoo
Haath se Khud inhen Ponchhoge to Yaad Aaongaa

Shaal Pehnaegaa ab kaun December mein Tumhein
Baarishon main kabhi bheegogay to Yaad Aongaa

Aaj to Mehfil-e-Yaaraan pe ho Magaroor bohat
Jab kabhi Toot ke Bikhrogay to Yaad Aaongaa

Haadsay Aayenge Jeevan mein to tum hoke Nidhaal
Kisi Deevaar ko Thaamogay to Yaad Aaongaa

Is main Shaamil hai meri Bakht ki Taareeki bhi
Tum Siyaah Rang jo Pahnogay to Yaad Aaongaa ..

[rizwanarain]

••►Mere rang-e- andaz ka koi rang use bhaya hi nahi
mere mussawir ne mujh ko bana k toor dia!!!!!!!!

[rizwanarain]

"Much ko maloom hai
Woh shaks mera nahi
Phir bhi
Khawab ban kar aankhon kai
Darechon mai
Uterta hai woh
Meri sanson mai khushboon ban kar
Her pal
Her saat
Mehakta ha woh
Meri dharkano mai
Ek namalom si
Sada ki tarah
Dharakta hai woh
Mere wajood kai gird
Hissar ki manind rehta hai woh
Mere honton pe
Ek masoom si duua ki tarah
Aur
Meri palkon pe
Sitaroon ki manind
Chamakta hai woh
Magar
Mere hath ki lakeroon per
Us ka koi naam nahi
Kiyon kai
Woh shaks mera nahi
Han
Woh shaks mear nahi
http://www.rizwan.cjb.net

[rizwanarain]

••►Koi poochay tou mai kia kahoon
Usay kia bataon!
Yeh roz o shab tou janam janam per muheet hay
Mere zakhm zakhm Dil o Nazar
Mujhay is janam mein nahi milay
Mere ratjage, mere hamsafar
Mere saath aaj nahe chalay
Yeh muheeb wehshat e fikar jo
Mere naqsh naqsh ki rooh hay
Koi be-sabaat biyaan nahe
Yeh tou aatmaon ka aks hay
Yeh tou devtaon ka dhiyan hay
Yeh tou janay kaisee sadi sadi ki azziaton ka giyan hay
Yeh ajeeb meri muhabbatain,Yeh ajeeb mere gham o alam
Yeh naseeb sang e siyah per
Yeh waraq waraq per garay qalam
yeh kara hisaar niya nahe
mera intizar qadeem hay
Mera us say piyar qadeem hay
Yeh ajeeb meri muhabbatain!!

[rizwanarain]

••►Teri yaad kahin rakh kar bhool gaya hoon

Socha tha pehlay kar loon who kaam jo mujh ko karnay hain
Phir to saaray mah-o-saal issi kay saath guzarnay hain

Jub yeh farz ada kar loon gajub yeh qarz utaaroon ga
Umr ka baqi hissa teri yaad kay saath guzaroon ga

Aaj faraghat paatay hee maazi ka daftar khola hai
Tanhai mein baith kay apna ik ik zakhm tatola hai

Chhan chukka hoon jism-o-jaan par aaee hooee kharashon ko
Ulat palat kar dekh liya hai armanon kee lashon ko

Kamray mein rakha tha ussay ya dil mein kahin dafnaya tha
Jaanay who anmol khazana mein nay kahan chhupaya tha

Saari umr ka haasil thee yeh khonay walee cheez na thee
Soch raha hoon yaad teri gum honay walee cheez na the