میری پسندیدہ شاعری جو کہ مجھے بہت پسند ھے

[rizwanarain]

••►Aaj Rootha huwa ik dost bohot yaad aaya
Acha guzra huwa kuch waqt bohot yaad aaya..

Meri aankho k her ik ashk pe ronay wala
Aaj jab aankh yeh roee tu bohot yaad aaya..

Jo mere dard ko seene main chupa laita tha
aj jab dard huwa mujh ko bohot yaad aaya..

Jo meri aankh main kajal ki tara rehta tha
aaj kajal jo lagaya tu bohot yaad aaya...

Jo mere dil k tha qareeb faqat us ko hi
aaj jab dil nay bulaya tu bohot yaad aaya...

Mere jevan ki her khushi main wohi tha bus
aaj jab yaad woh aaya tu bohot yaad aaya....

[rizwanarain]

••►Meri Khamosh Mohabbat Ka
Itna To Sila Diya Hota,
Kabhi Ek Nazar Chahat Se
Dekh Hee Liya Hota


Hum Bhi Tujhe Ishq-0-Mohabbat
Se Aashna Karte,
Bas Ek Baar Apne Dil Mein
Aane To Diya Hota.


Kiya Jata Tumhara Bas
Hamein He Dil Se Khushi Milti,
Apni Zindagi Ki Kitaab Mein
Naam Hamara Bhi Likh Liya Hota.


Dekh Lete Zara Ghor Se Shayad,
Tumhare Haath Ki Lakiron Mein
Hamari Kismat Ka Bhi Diya Hota.
Meri Khamosh Mohabbat Ka
Itna To Sila Diya Hota.

[rizwanarain]

••►Tammam Shab Yunhi Dekhein Gee Su-e-Dar Aankhein
Ussay Ganwa K Naa Soain Gee Ummr Bhar Aankhein


Taloo-e-Subah Say pehle Hee Bujh Naa Jayen Kahien
Dasht-e-Shab Mein Sitaron Ki Humsafar Aankhien


Sitam Yeh Kam Tou Nahi Dil Gariftagi K Liye
Main Shehar Bhar Mein Akela idhr Udhr Aankhein


Shumar Uss Ki Sakhawat Ka Kaya Karein K Woh Shakhs
Charagh Baant'ta Phirta Hai Cheen Kar Aankhein


Woh Paas Tha Tou Zammane Ko Dekhti Hee Naa Thein
Bichhr Gaya Tou Huien Phir Say DarBadar Aankhein


Abhi Kahan Tujhe Pehchanne Ki Zidd Kijiye
Abhi Tou Khud Say Bhie Tehahri Hain Bekhabar Aankhein


Main Apne Ashk BachaonGaa Kis Tarah RAZE
Zamana Sung- ba- Kaf Hai Tou Sheeshagar Aankhein ......

[rizwanarain]

••►Na Tujhe Chorr Saktey Hein ,Teray Ho Bhi Nahi Sakte
Yeh Keisee Bebasi Hai Ajj Hum Ro Bhi Nahi Sakte,

Yeh Keisa Dard Hai Pal Pal Humein Terpaey Rakhta Hai
Tumhari Yad Ati Hai Toh Phir So Bhi Nahi Sakte,

Chuppa Sakte Hein Aur Na Dikha Sakte Hein Logon Ko
Kuch Aeisey Dagh Hein Dil Per Jo Hum Dho Bhi Nahi Sakte,

Kaha Toh Tha Chor Dein Gaey Tum Ko,Phir Ruk Gaey Lakin
Tumhein Pa Toh Nahi Sakte Mager Chor Bhi Nahi Sakte,

Humara Aik Hona Bhi,Nahi Mumkin Raha Ab Toh
Jeeyein Keise K Tum Sey Dooor Ho K Reh Bhi Nahi Sakte.

[rizwanarain]

••►Doori kabhi kabhi barri achi lagi adeem
raas Ayi na hamain qurbat kabhi kabhi ...

[rizwanarain]

••► wo lakh bujhata hai qandeel e wafa laikin
dunia meray ander ki tareek nahi hoti....

[rizwanarain]

••► ajnabi sheher k ajnabi rastay
meri tanhaii per muskoratay rahay

main bohat der tak yunhi chalta raha
tum bohat der tak yad atay rahay

zeher milta raha, zeher peetay rahay
roz mertay rahay, roz jeetay rahay
zindagi bhi hamain azmati rahi
or hum bhi usay azmatay rahay

ajnabi sheher k....

Kal kuch aisa howa, main bohat thak gaya
is liyay sun k bhi un suni ker gaya
kitni yadon k bhatkay howay karwaan
dill k zakhmon k darr khatkhatatay rahay

ajnabi sheher k....

zakhm jab bhi koii zehn o dill per laga
zindagi ki taraf ik dareecha khula
hum bhi goyaa kisi saaz k taar hain
chott khatay rahay, gungunatay rahay

ajnabi sheher k ajnabi rastay
meri tanhaii per muskoratay rahay
main bohat der tak yunhi chalta raha
tum bohat der tak yaad atay rahay!!!!!!!

[rizwanarain]

••►Main jeet kar hara wo haar kar bi jeet gaia
Main jeet kar hara wo haar kar bi jeet gaia
wo mere dil or dimagh par chah gya
muje naaz tha bohat khud par
wo mere gharoor ko khak mein mila gya
marte rahe husan wale aaj tak
muj par wo muje apna deewana bana gya
mohabat karna muje kaha aata tha
wo muje muhabat karna sehkha gya
zinda rehne ki kab talab thee baki
wo zinda rehna sehkha gya
main andehrooin mein bhatakti rahi
wo meri zindagi main shamah jala gya
dokhoon bhari dastan thi meri
wo meri jholi mein khushian dall gya
meri her gazal us ke naam hai
wo muje or mere kalum ko nai zaban sehkha gya.

[rizwanarain]

••►Bewafai kaa ab gila kaisa
Bewafai kaa ab gila kaisa

Bewafai kaa ab gila kaisa
aap pahle bhi kab hamare the
meri aankhon main phailate hoye rang
kal tak aap ko bhi pyare the

nahin shikawa mujhe kuch bewafai ka teri hargiz
gila tab ho agar tune kisi se bhi nibhai ho

Gham to ye hai ki vo kasme waade Toot gaye
bewafa koi bhi ho tum na sahi ham hi sahi

badi zaalim nihayat bewafaa hai
ye duniyaa phir bhi kitani Khush-numa hai

bewafaa tune mujhe pyaar kiya hi kyun tha
sirf do-char savalat kaa mauqa day day

kaam aa saken na apni wafaayen to kya karen
ik bewafa ko bhool na jayen to kyaa karen

mujhe mere mitana ka Gham hai to ye hai
tumhain bewafaa kah raha hai zamana saara

na jaane kyaa hai us ki saaf aankhon main
woho muunh chhupa ke jaaye bhi to bewafaa lage

sar jukaoge to pathar devata ho jayega
itana mat chaho use keh woh bewafaa ho jayega

terii bewafaaiyon par, teri kaj adaaiyon par
kabhii sar jhuka ke roye, kabhi munh chupa ke roye.

[rizwanarain]

••►MY POETRY!
*~*~*ANOKHA MILAP*~*~*

Kabhi kabhi
Apna aap youn mahsoos hota hai
Kai
Jaise
Door sahil pe bahti ek tanha ladki
Jo
Apne tamam khawboon ko
Pyare pyare
Sunder sunder jazboon ko
Apni mutthi mai qed kar lena chati ho
Magar phir
Jab us kai bandh hathon se
Rath dherey dherey kar kai
Samander ki taraf wapis lot jati hai
To
You mahsoos hota hai
Kai
Jaise
Us kai sarey khawab
Sunder sunder sarey jazbey
Ahista ahista us ki
Jheel se aankhon se bhai rahe ho
Aur
Samander se galey mil rahe ho....

[rizwanarain]

••► ret se but na banaa ai mere achchhe fan_kaar
ek lamhe ko Thahar mai.n tujhe patthar laa duu.N
mai.n tere saamane ambaar lagaa duu.N lekin
kaun se rang kaa patthar tere kaam aayegaa
surKh patthar jise dil kahatii hai bedil duniyaa
yaa vo pattharaa_ii hu_ii aa.Nkh kaa niilaa patthar
jis me.n sadiyo.n ke tahayyur ke pa.De ho.n Dore

kyaa tujhe ruuh ke patthar kii zaruurat hogii
jis pe haq baat bhii patthar kii tarah giratii hai
ik vo patthar hai jise kahate hai.n tahaziib-e-safed
us ke mar_mar me.n siyah Khuun jhalak jaataa hai
ik insaaf kaa patthar bhii to hotaa hai magar
haath me.n teshaa-e-zar ho to vo haath aataa hai

jitane mayaar hai.n is daur ke sab patthar hai.n
sher bhii raqs bhii tasviir-o-ginaa bhii patthar
mere ilhaam teraa zahan-e-rasaa bhii patthar
is zamaane me.n har fan kaa nishaa.N patthar hai
haath patthar hai.n tere merii zubaa.N patthar hai
ret se but na banaa ai mere achchhe fan_kaar.

[rizwanarain]

••►Jo na mil sakay wohi be-wafa
ye bari ajeeb si baat hai
jo chala gaya mujhay chor ker
wohi aaj tak meray saath hai

karay pyar...lub pay gila na ho
ye kisi kisi ka naseeb hai
ye karam hai os ka jafa nahe
woh juda bhi reh ker kareeb hai
wohi aankh hai meray ro ba ro
osi haath main mera haath hai

mera naam tak jo na lay saka
jo mujhay qaraar na day saka
jisay ikhtiyar tou tha magar
mujhay apna pyar na day saka
wohi shakhs meri talaash hai
wohi dard meri hayat hai

Jo na mil sakay wohi be-wafa
ye bari ajeeb si baat hai
jo chala gaya mujhay chor ker
wohi aaj tak meray saath hai..