Saajila sana's Choice

[SaNasir]

ﺩﯾﻮﺍﺭﻭﮞ ﺳﮯ ﻣﻞ ﮐﺮ ﺭﻭﻧﺎ ﺍﭼﮭﺎ ﻟﮕﺘﺎ ﮨﮯ
ﮨﻢ ﺑﮭﯽ ﭘﺎﮔﻞ ﮨﻮ ﺟﺎﺋﯿﮟ ﮔﮯ ﺍﯾﺴﺎ ﻟﮕﺘﺎ ﮨﮯ
ﮐﺘﻨﮯ ﺩﻧﻮﮞ ﮐﮯ ﭘﯿﺎﺳﮯ ﮨﻮﮞ ﮔﮯ ﯾﺎﺭﻭ ﺳﻮﭼﻮ ﺗﻮ
ﺷﺒﻨﻢ ﮐﺎ ﻗﻄﺮﮦ ﺑﮭﯽ ﺟﻦ ﮐﻮ ﺩﺭﯾﺎ ﻟﮕﺘﺎ ﮨﮯ
ﺁﻧﮑﮭﻮﮞ ﮐﻮ ﺑﮭﯽ ﻟﮯ ﮈﻭﺑﺎ ﯾﮧ ﺩﻝ ﮐﺎ ﭘﺎﮔﻞ ﭘﻦ
ﺁﺗﮯ ﺟﺎﺗﮯ ﺟﻮ ﻣﻠﺘﺎ ﮨﮯ ﺗﻢ ﺳﺎ ﻟﮕﺘﺎ ﮨﮯ
ﺍﺱ ﺑﺴﺘﯽ ﻣﯿﮟ ﮐﻮﻥ ﮨﻤﺎﺭﮮ ﺁﻧﺴﻮ ﭘﻮﻧﭽﮭﮯ ﮔﺎ
ﺟﻮ ﻣﻠﺘﺎ ﮨﮯ ﺍﺱ ﮐﺎ ﺩﺍﻣﻦ ﺑﮭﯿﮕﺎ ﻟﮕﺘﺎ ﮨﮯ
ﺩﻧﯿﺎ ﺑﮭﺮ ﮐﯽ ﯾﺎﺩﯾﮟ ﮨﻢ ﺳﮯ ﻣﻠﻨﮯ ﺁﺗﯽ ﮨﯿﮟ
ﺷﺎﻡ ﮈﮬﻠﮯ ﺍﺱ ﺳﻮﻧﮯ ﮔﮭﺮ ﻣﯿﮟ ﻣﯿﻠﮧ ﻟﮕﺘﺎ ﮨﮯ
ﮐﺲ ﮐﻮ ﭘﺘﮭﺮ ﻣﺎﺭﻭﮞ ﻗﯿﺺؔﺭ ﮐﻮﻥ ﭘﺮﺍﯾﺎ ﮨﮯ
ﺷﯿﺶ ﻣﺤﻞ ﻣﯿﮟ ﺍﮎ ﺍﮎ ﭼﮩﺮﮦ ﺍﭘﻨﺎ ﻟﮕﺘﺎ ﮨﮯ
ﻗﯿﺼﺮﺍﻟﺠﻌﻔﺮﯼ

[Afridi A]

دِل کے بے چین جزیروں میں اُتر جائے گا
درد آہوں کے مقدّر کا پتہ لائے گا
میرے بچھڑے ہُوئے لمحات سجا کر رکھنا
وقت لفظوں میں غزل بن کے ٹھہر جائے گا
اُس کی ہر بات جَفا پیشہ ہُوئی ہے اکثر
زخم کا خوف کبھی اُس کو بھی دہلائے گا
وقت خاموش ہے ٹوٹے ہُوئے رِشتوں کی طرح
وہ بَھلا کیسے مِرے دِل کی خبر پائے گا
شام غم آج بھی گزُری ہے حَسیں خوابوں میں
غم جاناں تو محبّت میں سِتم ڈھائے گا
دِل مِرا آج جفاؤں پہ بہت نازاں ہے
میرے ہونٹوں پہ تبسّم ہی نظر آئے گا
اُس کے مضراب سے جب راگ بنیں گے دِیپک
میگھ چُپکے سے مِرے دل پہ بَرس جائے گا
اندرا ورما

- - - Updated - - -

اس کی آنکھوں کا سوگ کہتا ہے
پھر کوئی خواب مر گیا شائید

Nice

- - - Updated - - -

سوچوں سے ان خوابوں کی زنجیریں کب اتریں گی
رستہ دیکھتی آنکھوں پر تعبیریں کب اتریں گی
نجم الثاقب

- - - Updated - - -

آشنا درد سے ہونا تها کسی طور ہمیں
تو نہ ملتا تو کسی اور سے بچھڑے ہوتے
ناصر کاظمی .

Nice

[Afridi A]

ممکن نہیں کہ جذبہء دل کار گر نہ ہو
یہ اور بات ہے تمہیں اب تک خبر نہ ہو
توہینِ عشق دیکھ ، نہ ہو ، اے جگر نہ ہو
ہو جائے دل کا خون ، مگر آنکھ تر نہ ہو
دریائے حسن و کار_غم_عشق ، ناصحا
یہ کیا کہا ترا سر_دامن بهی تر نہ ہو
لازم خودی کا ہوش بھی ہے بے خودی کے ساتھ
کس کی اُسے خبر ، جسے اپنی خبر نہ ہو
وہ بدگمانیاں ہیں ، نہ وہ سر گرانیاں
اتنی بهی دل کی دل کو الہی خبر نہ ہو
احسانِ عشق اصل میں توہینِ حُسن ہے
حاضر ہیں دین و دل بھی ، ضرورت اگر نہ ہو
یا طالب دعا تھا میں اک ایک سے جگر
یا خود یہ چاہتا ہُوں ، دعا میں اثر نہ ہو
جگر مراد آبادی

- - - Updated - - -

اپنی آہٹ پہ چونکتا ہوں میں
کس کی دنیا میں آگیا ہوں میں
اس کا ملنا کوئی مذاق ہے کیا
بس خیالوں میں جی اٹھا ہوں میں
اپنے ہی کام آ نہیں سکتا
جانے کس کے لئے بنا ہوں میں
انگلیاں کٹ کے گرتی جاتی ہیں
کون سے پھول چن رہا ہوں میں
کچھ نہ تھا میرے پاس کھونے کو
تو ملا ہے تو ڈر گیا ہوں میں

nice

[Afridi A]

کون ابھرتے ہوئے مہتاب کا رستہ روکے
اس کو ہر طور سوئے دشتِ سحر جانا ہے
میں کھلا ہوں تو اسی خاک میں ملنا ہے مجھے
وہ تو خوشبو ہے اسے اگلے نگر جانا ہے

امجد اسلام امجد

- - - Updated - - -

باقر نقوی
(لندن)
درد ایسا ہے کہ سینے میں سماتا بھی نہیں
ہنسنے دیتا بھی نہیں اور رُلاتا بھی نہیں
پہروں پھرتا ہُوں اندھیروں کے گھنے جنگل میں
کوئی آسیب مجھے آکے ڈراتا بھی نہیں
ایک تِنکا ہُوں، پڑا ہُوں لبِ ساحل کب سے
کوئی جَھونکا مجھے پانی میں بہاتا بھی نہیں
سادہ سادہ سَحَر و شام گُزر جاتے ہیں
کوئی لڑتا بھی نہیں، کوئی مناتا بھی نہیں
یا وہ موتی تھا کہ بالوں میں گُندھا رہتا تھا
گُم گیا ہُوں تو کوئی ڈھونڈنے آتا بھی نہیں
ایک دِیوار ادُھوری ہی پڑی ہے کب سے
آپ گرتی بھی نہیں، کوئی اُٹھاتا بھی نہیں

good

[Afridi A]

حمد فراز
اُس کو جُدا ہُوئے بھی زمانہ بہت ہُوا
اب کیا کہیں، یہ قصّہ پرانا بہت ہُوا
ڈھلتی نہ تھی کسی بھی جتن سے شبِ فِراق
اے مرگِ ناگہاں تِرا آنا بہت ہُوا
ہم خُلد سے نِکل تو گئے ہیں پر اے خُدا
اِتنے سے واقعے کا فسانہ بہت ہُوا
اب ہم ہیں اور سارے زمانے کی دُشمنی
اُس سے زرا سا ربط بڑھانا بہت ہُوا
اب کیوں نہ زندگی پہ محبت کو وار دیں
اس عاشقی میں جان سے جانا بہت ہُوا
اب تک تو دِل کا دِل سے تعارف نہ ہو سَکا
مانا کہ اُس سے مِلنا مِلانا بہت ہُوا
کیا کیا نہ ہم خراب ہُوئے ہیں، مگر یہ دِل
اے یادِ یار تیرا ٹِھکانہ بہت ہُوا
کہتا تھا ناصحوں سے میرے منہ نہ آئیو
پھر کیا تھا ایک ہُو کا بہانہ بہت ہُوا
لو پھر تِرے لبوں پہ اُسی بے وفا کا ذِکر
احمد فراز تجھ سے کہا نا ! بہت ہُوا

- - - Updated - - -

سوچوں سے ان خوابوں کی زنجیریں کب اتریں گی
رستہ دیکھتی آنکھوں پر تعبیریں کب اتریں گی
نجم الثاقب

nice

- - - Updated - - -

ادھوری ہی سہی،،،،،، لیکن کوئی تدبیر کرتے ہیں
کبھی جو خواب دیکھے تھے،انہیں تعبیر کرتے ہیں
کوئی رخصت ہوا تھا،،،،،،،لوٹ کر واپس نہیں آیا
جو باقی ہیں، وفائو ں سے انہیں زنجیر کرتے ہیں
چلو پھر سے شرارت کر کے خود کو آزماتے ہیں
چلو پھر سے نگاہوں میں اسے تصویر کرتے ہیں
ہم اب تک کہ نہیں پائے کہ ہم کو بھی محبت ہے
چلو اظہار کرتے ہیں،،،،،،،، چلو تحریر کرتے ہیں
گھروندہ بارہا ہم نے بنایا،،،،، ریت پر امجد
چلو اس بار اک کچا مکان تعمیر کرتے ہیں

Nice

[Afridi A]

ادھوری ہی سہی،،،،،، لیکن کوئی تدبیر کرتے ہیں
کبھی جو خواب دیکھے تھے،انہیں تعبیر کرتے ہیں
کوئی رخصت ہوا تھا،،،،،،،لوٹ کر واپس نہیں آیا
جو باقی ہیں، وفائو ں سے انہیں زنجیر کرتے ہیں
چلو پھر سے شرارت کر کے خود کو آزماتے ہیں
چلو پھر سے نگاہوں میں اسے تصویر کرتے ہیں
ہم اب تک کہ نہیں پائے کہ ہم کو بھی محبت ہے
چلو اظہار کرتے ہیں،،،،،،،، چلو تحریر کرتے ہیں
گھروندہ بارہا ہم نے بنایا،،،،، ریت پر امجد
چلو اس بار اک کچا مکان تعمیر کرتے ہیں

Nice

[Afridi A]

" مِری فِطرت وفا ہے، دے رہا ہُوں اِمتحاں پھر بھی
وہ فطرت آشنا ہے، اور مجھ سے بدگماں پھر بھی "سیماب اکبر آبادی

- - - Updated - - -

پڑے عکس آکر نظر پر کئی
دِیا اِک تھا، اُس کے منظر کئی
خلا تہ بہ تہ نیل گُوں آسماں
مکاں ایک تھا، اُس کے اندر کئی
بہت دُور جا کر مِلا وہ مجھے
کہ در ایک تھا، اور پسِ در کئی
کئی رنگ پیدا ہُوئے برق سے
پڑے عکس دِیوار و در پر کئی
اُٹھا معبدوں سے اگر کا دُھواں
ہُوئے باغ اِس سے معنبر کئی
ہَوا شام کی آہِ آوارہ تھی
ہِلے اُس سے غم کے سمندر کئی
بہت خاک اُڑنے لگی ہر طرف !
کہ جیسے سفر میں ہوں لشکر کئی
سُخن ایسا کِس نے کِیا شہر میں
نگر میں تھے یُوں تو سُخنور کئی
مُنیر اِن دِنوں سے پریشاں نہ ہو
کہ دِن اِن سے گُزرے ہیں ابتر کئی
منیر نیازی

Nice Sis

[Afridi A]

جیسا ہُوں، ویسا کیوں ہُوں، سمجھا سکتا تھا میں
تم نے پُوچھا توہوتا، بتلا سکتاتھا میں
آسودہ رہنے کی خواہش مار گئی ورنہ !
آگے اور بہت آگے تک جاسکتا تھا میں
کہیں کہیں سے کُچھ مصرعے، ایک آدھ نظم، کچھ شعر
اِس پُونجی پہ کتنا شور مچا سکتا تھا میں
چھوٹی موٹی ایک لہر ہی تھی، میرے اندر
ایک لہر سے کیا طوفان اٹھا سکتا تھا میں
جیسے سب لکھتے رہتے ہیں غزلیں، نظمیں، گیت
ویسے لِکھ لِکھ کے انبار لگا سکتا تھا میں
اِفتخار عارف

- - - Updated - - -

انہی خوش گمانیوں میں کہیں جاں سے بھی نہ جاؤ
وہ جو چارہ گر نہیں ہے اسے زخم کیوں دکھاؤ
یہ اداسیوں کے موسم یونہی رائیگاں نہ جائیں
کسی یاد کو پکارو کسی درد کو جگاؤ
وہ کہانیاں ادھوری جو نہ ہو سکیں گی پوری
انہیں میں بھی کیوں سناؤں انہیں تم بھی کیوں سناؤ
یہ جدائیوں کے رستے بڑی دور تک گئے ہیں
جو گیا وہ پھر نہ آیا مری بات مان جاؤ
کسی بے وفا کی خاطر یہ جنوں فراز کب تک
جو تمہیں بھلا چکا ہے اسے تم بھی بھول جاؤ

Nice

[Afridi A]

شکیل بدایونی
دُنیا کی روایات سے بیگانہ نہیں ہُوں
چھیڑو نہ مجھے، میں کوئی دِیوانہ نہیں ہُوں
اِس کثرتِ غم پر بھی مجھے حسرتِ غم ہے
جو بھر کے چَھلک جائے ، وہ پیمانہ نہیں ہُوں
رُودادِ غمِ عِشق ہے تازہ مِرے دَم سے
عنوانِ ہر افسانہ ہُوں، افسانہ نہیں ہُوں
اِلزمِ جنُوں دیں نہ مجھے اہلِ محبّت
میں خود یہ سمجھتا ہُوں کہ دِیوانہ نہیں ہُوں
میں قائلِ خُوددارئ اُلفت سہی، لیکن
آدابِ محبّت سے تو بیگانہ نہیں ہُوں
ہے برقِ سرِ طوُر سے دِل شُعلہ بداماں
شمع سرِ محفِل ہُوں میں، پروانہ نہیں ہُوں
ہے گردشِ ساغر مِری تقدِیر کا چکّر
مُحتاجِ طوافِ درِ مے خانہ نہیں ہُوں
کانٹوں سے گُزر جاتا ہُوں دامن کو بچا کر
پُھولوں کی سیاست سے میں بیگانہ نہیں ہُوں
لذّت کشِ نطّارہ شکیل اپنی نظر ہے
محرُومِ جمالِ رُخِ جانانہ نہیں ہُوں

- - - Updated - - -

کیسے عجیب لوگ ہیں، غمناک بھی نہیں
یوں رائگاں ہوئے ہیں کہ ادراک بھی نہیں
مانا کہ ایک دوست نے رستہ بدل لیا
ہے سانحہ، پر اتنا المناک بھی نہیں
یہ حکم ہے کہ ہو کوئی تخلیق شاہکار
کوزہ گروں کے پاس کوئی چاک بھی نہیں
میرا لباس سچ ہے، وہی زیبِ تن بھی ہے
اور میرے پاس دوسری پوشاک بھی نہیں
وہ کون ہے، کرے جو ہواؤں سے گفتگو؟
اب میرے دل میں خواہشِ افلاک بھی نہیں
مجموعے چھاپ چھاپ کے لاتا ہے روز روز
جس شخص کا شعورِ سخن، خاک بھی نہیں
آخر سبھی حریف ہوئے رزقِ ماہ و سال
باقی ہے اک نبیلؔ، جو چالاک بھی نہیں

nice

[Afridi A]

تیرے اِرد گِرد وہ شور تھا، مِری بات بیچ میں رہ گئی
نہ میں کہ سکا نہ تُو سُن سکا، مِری بات بیچ میں رہ گئی
میرے دل کو درد سے بھر گیا، مجھے بے یقین سا کرگیا
تیرا بات بات پہ ٹوکنا، مِری بات بیچ میں رہ گئی
ترے شہر میں مِرا ہم سفر، وہ دُکھوں جمِّ غفیر تھا
مجھے راستہ نہیں مل سکا، مِری بات بیچ میں رہ گئی
وہ جو خواب تھے مِرے سامنے، جو سراب تھے مِرے سامنے
میں اُنہی میں ایسے اُلجھ گیا، مِری بات بیچ میں رہ گئی
عجب ایک چُپ سی لگی مجھے، اسی ایک پَل کے حِصار میں
ہُوا جس گھڑی ترا سامنا، مِری بات بیچ میں رہ گئی
کہیں بے کنار تھی خواہشیں، کہیں بے شمار تھی اُلجھنیں
کہیں آنسوؤں کا ہجوم تھا، مِری بات بیچ میں رہ گئی
تھا جو شور میری صداؤں کا، مِری نیم شب کی دعاؤں کا
ہُوا مُلتفت جو مِرا خدا، مِری بات بیچ میں رہ گئی
تی کھڑکیوں پہ جُھکے ہوئے، کئی پھول تھے ہمییں دیکھتے
تری چھت پہ چاند ٹھہر گیا، مِری بات بیچ میں رہ گئی
مری زندگی میں جو لوگ تھے، مِرے آس پاس سے اُٹھ گئے
میں تو رہ گیا اُنہیں روکتا، مِری بات بیچ میں رہ گئی
ِِتِری بے رخی کے حِصار میں، غم زندگی کے فشار میں
مرا سارا وقت نکل گیا، مِری بات بیچ میں رہ گئی
مجھے وہم تھا ترے سامنے، نہیں کھل سکے گی زباں مِری
سو حقیقتاً بھی وہی ہوا، مِری بات بیچ میں رہ گئی

nice

[Afridi A]

موچی ھی ھوں
شبدوں کے اک چوک میں بیٹھا
کیفیّت کی دری بچھائے
پھٹے پرانے جذبے گانٹھتا رہتا ھوں
جب آنسو میلے ھو جائیں
نظم کی اُجلی پالش سے چمکا دیتا ھوں
اب وہ جذبے ھوں یا جوتے
سینا تو سینا ھوتا ھے
جوتوں کے سلنے میں بھی محنت ھوتی ھے
لیکن پھر بھی
جذبوں کے سینے میں وقت بہت لگتا ھے..!
پھٹے ھوئے جذبوں میں ٹانکا بھرتے بھرتے
دھیان ذرا سا بھی ھٹ جائے
ھاتھ نہیں زخمی ھوتا ھے
دل ھوتا ھے .. !
دل کے ذخم ھمیشہ گہرے ھوتے ھیں
زخم کو گہرا ھونا بھی تو چاھئیے ھے
گہرا زخم ھی گہری نظم عطا کرتا ھے
اور یہ نظمیں
کہیں کہیں سے کھردری تو ھو سکتی ھیں
لیکن سچ کا ٹانکا پورا اور پکّا ھے
چُھو کر دیکھو
یہ اک موچی کی نظمیں ھیں ۔۔
موچی ھی ھوں
شبدوں کے اک چوک میں بیٹھا ۔۔ !
علی زریون

- - - Updated - - -

شاعری
.
شاعری ساز ہے ، آواز ہے، تصویریں ہیں
جس کی ہر حرف میں رقصاں کئی تعبیریں ہیں
ہیں مناظر لِئے احساس کو چُھوتی سطریں
ایک اِک شعر کی کیا کیا نہیں تفسیریں ہیں
یہ دِکھائے کبھی ہر رات سہانا سپنا
اور کبھی خواب کی اُلٹی لِکھی تعبیریں ہیں
قید ہیں لوگ کبھی گھر میں خود اپنے، اِس میں
اور کبھی صُبحِ نوآزادی کی تنوِیریں ہیں
دِل دُکھانے یا لُبھانے کو نہیں کیا اِس میں
سر چُھپانے کو نہیں گھر کہیں جاگیریں ہیں
گردِ غربت سے اٹے چہروں پہ وِیرانی لئے
عِصمتیں لُٹتی جہاں ہیں، وہ بھی دہلیزیں ہیں
اِس میں گردانا محبّت کو مُصیبت ہے کہیں
اور کہیں پیار محبّت ہی کی تدبیریں ہیں
حُسن مجبُور کہیں ہے، کہیں ظالم اِس میں
پائے عاشق میں کبھی آہنی زنجیریں ہیں
خوش خیالی رہے پڑھ کر کبھی رنجیدہ رہیں
دِل کے قرطاس پہ ایسی کئی تحریریں ہیں
شاعری، وہ نہ اندھیرے کی فقط رات خلش
راہ کی جس میں بُجھی ساری ہی قندیلیں ہیں
شاعری خُوب نہ سب کی، نہ بُری ساری خلش
ہے نمایاں کہیں خُوبی، کہیں تقصیریں ہیں
شفیق خلش

nice

[Afridi A]

اتنے اچھے تھے ہم دونوں
دھن کے پکے تھے ہم دونوں
مخلص مخلص پاگل پاگل
ایک ہی جیسے تھے ہم دونوں
مل جاتے تو پورے ہوتے
آدھے آدھے تھے ہم دونوں
واپس آنا تھا ناممکن
گزرے لمحے تھے ہم دونوں
خشک ہوئے صحرا کی صورت
جھیل سے گہرے تھے ہم دونوں
سلب کیا حالات نے ہم کو
خودرو پودے تھے ہم دونوں
یاد کرو اس پیار کی خاطر
سو دکھ سہتے تھےہم دونوں
کیوں اتنے بے دید ہوئے ہیں
دید کے پیاسے تھے ہم دونوں
لوگ بہت عیار تھے فاتح
بھولے بھالے تھے ہم دونوں
(ظہور فاتح )

- - - Updated - - -

اداس ہونٹوں پہ مسکراہٹ کے پھول آئیں تو جان لینا
کہ دل کے اندر کوئی اداسی بہت اداسی میں ڈھل رہی ہے

are wah