Saajila sana's Choice

[Afridi A]

بدل سکا نہ جدائی کے غم اُٹھا کر بھی
کہ میں تو میں ہی رہا تجھ سے دُور جا کر بھی
میں سخت جان تھا اس کرب سے بھی بچ نکلا
میں جی رہا ہوں تجھے ہاتھ سے گنوا کر بھی
خُدا کرے تجھے دُوری ہی راس آجائے
تو کیا کرے گا بھلا اب یہاں پہ آکر بھی
ابھی تو میرے بکھرنے کا کھیل باقی ہے
میں خوش نہیں ہوں ابھی اپنا گھر لُٹا کر بھی
ابھی تک اُس نے کوئی بھی تو فیصلہ نہ کیا
وہ چُپ ہے مجھ کو ہر اک طرح آزما کر بھی
کھلا یہ بھید کہ تنہائیاں ہی قسمت ہیں
اک عمر دیکھ لیا محفلیں سجا کر بھی
ریاض مجید

- - - Updated - - -

مشام جاں کہ معطر ہے خوشبو ؤں کی طرح

کسی کی یاد فروزاں ہے جگنوؤں کی طرح

میں کیا بتاؤں مجھے کس قدر عزیز تھا وہ

بچھڑ گیا ہے جو مجھ سے گئی رتوں کی طرح

کسی نے اس کو سکھائی ہے دشمنی ورنہ

وہ بےوفا کبھی ملتا تھا دوستوں کی طرح


فریب وعدہ فردا کا زخم خوردہ ہے

تری گلی میں جو پھرتا ہے پاگلوں کی طرح


تھپیڑے موج حوادث کے ہیں نصیبوں میں

فصیل جسم شکستہ ہے ساحلوں کی طرح


کبھی وصال کی چھاؤں،کبھی فراق کی دھوپ


مزاج یار ہے ساون کے بادلوں کی طرح


یوسف خالد

nyc sis

[Nomi raan]

Thanks for Sharing such a NiCE Thread

[Baazigar]

یہ عجب ساعتِ رخصت ہے کہ ڈر لگتا ہے

شہر کا شہر مجھے رختِ سفر لگتا ہے

ہم کو دل نے نہیں حالات نے نزدیک کیا

دھوپ میں دور سے ہر شخص شجر لگتا ہے

جس پہ چلتے ہوئے سوچا تھا کہ لوٹ آؤنگا

اب وہ رستہ بھی مجھے شہر بدر لگتا ہے


وقت لفظوں سے بنائی ہوئی چادر جیسا

اوڑھ لیتا ہوں تو سب خوابِ ہنر لگتا ہے


ایک مدت سے مری ماں نہیں سوئی تابش


میں نے اک بار کہا تھا مجھے ڈر لگتا ہے


(عباس تابش)

- - - Updated - - -

یہ چاہتیں یہ پذیرائیاں بھی جھوٹی ہیں
یہ عمر بھر کی شناسائیاں بھی جھوٹی ہیں
یہ لفظ لفظ محبت کی یورشیں بھی فریب،
یہ زخم زخم مسیحائیاں بھی جھوٹی ہیں
مرے جنوں کی حقیقت بھی سر بسر جھوٹی،
ترے جمال کی رعنائیاں بھی جھوٹی ہیں
کھلی جو آنکھ تو دیکھا کہ شہرِ فرقت میں،
تری مہک تری پرچھائیاں بھی جھوٹی ہیں۔۔
فریب کار ہیں اظہار کے سب وسیلے بھی
خیال و فکر کی گہرائیاں بھی جھوٹی ہیں
تمام لفظ و معنی بھی جھوٹ ہیں ساجد
ہمارے عہد کی سچائیاں بھی جھوٹی ہیں

اعلی

[Baazigar]

کوئی بھی لمحہ کبھی لوٹ کر نہیں آیا

وہ شخص ایسا گیا پھر نظر نہیں آیا

وفا کے دشت میں رستہ نہیں ملا کوئی

سوائے گرد سفرہم سفر نہیں آیا

پَلٹ کے آنے لگے شام کے پرندے بھی

ہمارا صُبح کا بُھولا مگر نہیں آیا


کِسی چراغ نے پُوچھی نہیں خبر میری

کوئی بھی پُھول مِرے نام پر نہیں آیا


چلو کہ کوچہء قاتل سے ہم ہی ہو آئیں

کہ نخلِ دار پہ کب سے ثمر نہیں آیا!


خُدا کے خوف سے دل لرزتے رہتے ہیں

اُنھیں کبھی بھی زمانے سے ڈر نہیں آیا


کدھر کو جاتے ہیں رستے ، یہ راز کیسے کُھلے

جہاں میں کوئی بھی بارِدگر نہیں آیا


یہ کیسی بات کہی شام کے ستارے نے

کہ چَین دل کو مِرے رات بھر نہیں آیا


ہمیں یقین ہے امجد نہیں وہ وعد ہ خلاف

پہ عُمر کیسے کٹے گی ، اگر نہیں آیا


امجد اسلام امجد

- - - Updated - - -

(خلیل اللہ فاروقی)
خوشحال سے تُم بھی لگتے ہو
یوں افسردہ تو ہم بھی نہیں
پر جاننے والے جانتے ہیں
خوش تم بھی نہیں خوش ہم بھی نہیں
تم اپنی خودی کے پہرے میں
ہم اپنے زعم کے نرغے میں
انا ہاتھ ہمارے پکڑے ہوئے
اک مدت سے غلطاں پیچاں
ہم اپنے آپ سے الجھے ہوئے
پچھتاوں کے انگاروں میں
محصورِ تلاطم آج بھی ہیں
گو تم نے کنارے ڈھونڈ لیئے
طوفاں سے سنبھلے ہم بھی نہیں
کہنے کو سہارے ڈھونڈ لیئے
خاموش سے تم، ہم مہر بہ لَب
جگ بیت گئے ٹُک بات کیئے
سنو کھیل ادھورا چھوڑتے ہیں
بِنا چال چلے بِنا مات دیئے
جو چلتے چلتے تھک جایئں
وہ سائے رک بھی سکتے ہیں
چلو توڑو قسم اقرار کریں
ہم دونوں جھک بھی سکتے ہیں

بھت عمدہ

[Baazigar]

اے گردشِ حیات! کبھی تو دِکھا وہ نیند

جِس میں شبِ وصال کا نشّہ ہو، وہ نیند

ہرنی سی ایک، آنکھ کی مستی میں قید تھی

اِک عمر جس کی کھوج میں پھرتا رہا، وہ نیند

پُھوٹیں گے اب نہ ہونٹ کی ڈالی پہ کیا گلاب؟

آئے گی اب نہ لَوٹ کے آنکھوں میں کیا، وہ نیند


کُچھ رُتجگے سے جاگتی آنکھوں میں رہ گئے

زنجیرِ انتظار کا تھا سلسلہ، وہ نیند


دیکھا کُچھ اس طرح سے، کسی خوش نگاہ نے

رُخصت ہُوا تو ساتھ ہی لیتا گیا وہ، نیند


خوشبو کی طرح مجھ پہ جو بکھری تمام شب

میں اُس کی مست آنکھ سے چُنتا رہا، وہ نیند


گھومی ہے رُتجگوں کے نگر میں تمام عُمر

ہر رہگزارِ درد سے ہے آشنا، وہ نیند


تُو جس کے بعد حشر کا میلہ سجائے گا

میں جس کے انتظار میں ہوں اے خدا، وہ نیند


امجدؔ ہماری آنکھ میں لَوٹی نہ پھر کبھی

اُس بے وفا کے ساتھ گئی بے وفا وہ نیند


امجد اسلام امجدؔ

- - - Updated - - -

تیرے خیال سے لو دے اُٹھی ہے تنہائی

شبِ فراق ہے یا تیری جلوہ آرائی

تُو کس خیال میں ہے منزلوں کے شیدائی

انہیں بھی دیکھ جنہیں راستے میں نیند آئی

پکار اے جرسِ کاروانِ صبح طرب

بھٹک رہے ہیں اندھیروں میں تیرے سودائی


ٹھہر گئے ہیں سرِراہ خاک اڑانے کو

مسافروں کو نہ چھیڑ اے ہوائے صحرائی


رہِ حیات میں کچھ مرحلے تو دیکھ لیے

یہ اور بات تری آرزو نہ راس آئی


یہ سانحہ بھی محبت میں بارہا گزرا

کہ اس نے حال بھی پوچھا تو آنکھ بھر آئی


دل افسردہ میں پھر دھڑکنوں کا شور اٹھا

یہ بیٹھے بیٹھے مجھے کن دنوں کی یاد آئی


کھلی جو آنکھ تو کچھ اور ہی سماں دیکھا

وہ لوگ تھے نہ وہ جلسے نہ شہر رعنائی


پھر اس کی یاد میں دل بے قرار ہے ناصر

بچھڑ کے جس سے ہوئی شہر شہر رسوائی


ناصر کاظمی

بھت اچھے

[IT Helper]

Nice SHaring

[Baazigar]

سراپا عشق ہوں میں اب بکھر جاؤں تو بہتر ہے

جدھر جاتے ہیں یہ بادل ادھر جاؤں تو بہتر ہے

ٹھہر جاؤں یہ دل کہتا ہے تیرے شہر میں کچھ دن

مگر حالات کہتے ہیں کہ گھر جاؤں تو بہتر ہے

دلوں میں فرق آئیں گے تعلق ٹوٹ جائیں گے

جو دیکھا جو سنا اس سے مکر جاؤں تو بہتر ہے


یہاں ہے کون میرا جو مجھے سمجھے گا فراز

میں کوشش کر کے اب خود ہی سنور جاؤں تو بہتر ہے

- - - Updated - - -

بند دریچے سونی گلیاں ان دیکھے انجانے لوگ

کس نگری میں آ نکلے ہیں ساجد ہم دیوانے لوگ

ایک ہم ہی ناواقف ٹھرے روپ نگر کی گلیوں سے

بھیس بدل کر ملنے والے سب جانے پہچانے لوگ

دن کو رات کہیں سو برحق صبح کو شام کہیں سو خوب

آپ کی بات کا کہنا ہی کیا آپ ہوئے فرزانے لوگ


شکوہ کیا اور کیسی شکایت آ کر کچھ بنیاد تو ہو

تم پر میرا حق ہی کیا ہے، تم ٹھہرے بیگانے لوگ


شہر کہاں خالی رہتا ہے یہ دریا ہر دم بہتا ہے

اور بہت سے مل جائیں گے ہم ایسے دیوانے لوگ


سنا ہے اس کے عہد وفا میں ہوا بھی مفت نہیں ملتی

ان گلیوں میں ہر ہر سانس پہ بھرتے ہیں جرمانے لوگ


اعتبار ساجد

لا جواب شیئرنگ ہے

[Baazigar]

ﺁﺭﺍﺋﺶِ ﺧﯿﺎﻝ ﺑﮭﯽ ﮨﻮ ﺩﻝ ﮐﺸﺎ ﺑﮭﯽ ﮨﻮ
ﻭﮦ ﺩﺭﺩ ﺍﺏ ﮐﮩﺎﮞ ﺟﺴﮯ ﺟﯽ ﭼﺎﮨﺘﺎ ﺑﮭﯽ ﮨﻮ
ﯾﮧ ﮐﯿﺎ ﮐﮧ ﺭﻭﺯ ﺍﯾﮏ ﺳﺎ ﻏﻢ ﺍﯾﮏ ﺳﯽ ﺍﻣﯿﺪ
ﺍﺱ ﺭﻧﺞِ ﺑﮯ ﺧﻤﺎﺭ ﮐﯽ ﺍﺏ ﺍﻧﺘﮩﺎ ﺑﮭﯽ ﮨﻮ
ﯾﮧ ﮐﮧ ﺍﯾﮏ ﻃﻮﺭ ﺳﮯ ﮔﺰﺭﮮ ﺗﻤﺎﻡ ﻋﻤﺮ
ﺟﯽ ﭼﺎﮨﺘﺎ ﮨﮯ ﺍﺏ ﮐﻮﺋﯽ ﺗﯿﺮﮮ ﺳﻮﺍ ﺑﮭﯽ ﮨﻮ
ﭨﻮﭨﮯ ﮐﺒﮭﯽ ﺗﻮ ﺧﻮﺍﺏِ ﺷﺐ ﻭ ﺭﻭﺯ ﮐﺎ ﻃﻠﺴﻢ
ﺍﺗﻨﮯ ﮨﺠﻮﻡ ﻣﯿﮟ ﮐﻮﺋﯽ ﭼﮩﺮﮦ ﻧﯿﺎ ﺑﮭﯽ ﮨﻮ
ﺩﯾﻮﺍﻧﮕﺊِ ﺷﻮﻕ ﮐﻮ ﯾﮧ ﺩﮬﻦ ﮨﮯ ﮐﮧ ﺍﻥ ﺩِﻧﻮﮞ
ﮔﮭﺮ ﺑﮭﯽ ﮨﻮ ﺍﻭﺭ ﺑﮯ ﺩﺭﻭﺩﯾﻮﺍﺭﺳﺎ ﺑﮭﯽ ﮨﻮ
ﺟﺰ ﺩﻝ ﮐﻮﺋﯽ ﻣﮑﺎﻥ ﻧﮩﯿﮟ ﺩﮨﺮ ﻣﯿﮟ ﺟﮩﺎﮞ
ﺭﮨﺰﻥ ﮐﺎ ﺧﻮﻑ ﺑﮭﯽ ﻧﮧ ﺭﮨﮯ ﺩﺭﮐﮭﻼ ﺑﮭﯽ ﮨﻮ
ﮨﺮ ﺫﺭﮦ ﺍﯾﮏ ﻣﺤﻤﻞِ ﻋﺒﺮﺕ ﮨﮯ ﺩﺷﺖ ﮐﺎ
ﻟﯿﮑﻦ ﮐﺴﮯ ﺩﮐﮭﺎﺅﮞ ﮐﻮﺋﯽ ﺩﯾﮑﮭﺘﺎ ﺑﮭﯽ ﮨﻮ
ﮨﺮ ﺷﮯ ﭘﮑﺎﺭﺗﯽ ﮨﮯ ﭘﺲ ﭘﺮﺩۂ ﺳﮑﻮﺕ
ﻟﯿﮑﻦ ﮐﺴﮯ ﺳﻨﺎﺅﮞ ﮐﻮﺋﯽ ﮨﻢ ﻧﻮﺍ ﺑﮭﯽ ﮨﻮ

Excellent Poetry

[Baazigar]

یہ عجب ساعتِ رخصت ہے کہ ڈر لگتا ہے

شہر کا شہر مجھے رختِ سفر لگتا ہے

ہم کو دل نے نہیں حالات نے نزدیک کیا

دھوپ میں دور سے ہر شخص شجر لگتا ہے

جس پہ چلتے ہوئے سوچا تھا کہ لوٹ آؤنگا

اب وہ رستہ بھی مجھے شہر بدر لگتا ہے


وقت لفظوں سے بنائی ہوئی چادر جیسا

اوڑھ لیتا ہوں تو سب خوابِ ہنر لگتا ہے


ایک مدت سے مری ماں نہیں سوئی تابش


میں نے اک بار کہا تھا مجھے ڈر لگتا ہے


(عباس تابش)

- - - Updated - - -

یہ چاہتیں یہ پذیرائیاں بھی جھوٹی ہیں
یہ عمر بھر کی شناسائیاں بھی جھوٹی ہیں
یہ لفظ لفظ محبت کی یورشیں بھی فریب،
یہ زخم زخم مسیحائیاں بھی جھوٹی ہیں
مرے جنوں کی حقیقت بھی سر بسر جھوٹی،
ترے جمال کی رعنائیاں بھی جھوٹی ہیں
کھلی جو آنکھ تو دیکھا کہ شہرِ فرقت میں،
تری مہک تری پرچھائیاں بھی جھوٹی ہیں۔۔
فریب کار ہیں اظہار کے سب وسیلے بھی
خیال و فکر کی گہرائیاں بھی جھوٹی ہیں
تمام لفظ و معنی بھی جھوٹ ہیں ساجد
ہمارے عہد کی سچائیاں بھی جھوٹی ہیں

لا جواب تھریڈ ہے
بہت خوبصورت اشعار ہیں

[Baazigar]

ﺩﯾﻮﺍﺭﻭﮞ ﺳﮯ ﻣﻞ ﮐﺮ ﺭﻭﻧﺎ ﺍﭼﮭﺎ ﻟﮕﺘﺎ ﮨﮯ
ﮨﻢ ﺑﮭﯽ ﭘﺎﮔﻞ ﮨﻮ ﺟﺎﺋﯿﮟ ﮔﮯ ﺍﯾﺴﺎ ﻟﮕﺘﺎ ﮨﮯ
ﮐﺘﻨﮯ ﺩﻧﻮﮞ ﮐﮯ ﭘﯿﺎﺳﮯ ﮨﻮﮞ ﮔﮯ ﯾﺎﺭﻭ ﺳﻮﭼﻮ ﺗﻮ
ﺷﺒﻨﻢ ﮐﺎ ﻗﻄﺮﮦ ﺑﮭﯽ ﺟﻦ ﮐﻮ ﺩﺭﯾﺎ ﻟﮕﺘﺎ ﮨﮯ
ﺁﻧﮑﮭﻮﮞ ﮐﻮ ﺑﮭﯽ ﻟﮯ ﮈﻭﺑﺎ ﯾﮧ ﺩﻝ ﮐﺎ ﭘﺎﮔﻞ ﭘﻦ
ﺁﺗﮯ ﺟﺎﺗﮯ ﺟﻮ ﻣﻠﺘﺎ ﮨﮯ ﺗﻢ ﺳﺎ ﻟﮕﺘﺎ ﮨﮯ
ﺍﺱ ﺑﺴﺘﯽ ﻣﯿﮟ ﮐﻮﻥ ﮨﻤﺎﺭﮮ ﺁﻧﺴﻮ ﭘﻮﻧﭽﮭﮯ ﮔﺎ
ﺟﻮ ﻣﻠﺘﺎ ﮨﮯ ﺍﺱ ﮐﺎ ﺩﺍﻣﻦ ﺑﮭﯿﮕﺎ ﻟﮕﺘﺎ ﮨﮯ
ﺩﻧﯿﺎ ﺑﮭﺮ ﮐﯽ ﯾﺎﺩﯾﮟ ﮨﻢ ﺳﮯ ﻣﻠﻨﮯ ﺁﺗﯽ ﮨﯿﮟ
ﺷﺎﻡ ﮈﮬﻠﮯ ﺍﺱ ﺳﻮﻧﮯ ﮔﮭﺮ ﻣﯿﮟ ﻣﯿﻠﮧ ﻟﮕﺘﺎ ﮨﮯ
ﮐﺲ ﮐﻮ ﭘﺘﮭﺮ ﻣﺎﺭﻭﮞ ﻗﯿﺺؔﺭ ﮐﻮﻥ ﭘﺮﺍﯾﺎ ﮨﮯ
ﺷﯿﺶ ﻣﺤﻞ ﻣﯿﮟ ﺍﮎ ﺍﮎ ﭼﮩﺮﮦ ﺍﭘﻨﺎ ﻟﮕﺘﺎ ﮨﮯ
ﻗﯿﺼﺮﺍﻟﺠﻌﻔﺮﯼ

واہ کیا جنون ہے

[Baazigar]

دِل کے بے چین جزیروں میں اُتر جائے گا
درد آہوں کے مقدّر کا پتہ لائے گا
میرے بچھڑے ہُوئے لمحات سجا کر رکھنا
وقت لفظوں میں غزل بن کے ٹھہر جائے گا
اُس کی ہر بات جَفا پیشہ ہُوئی ہے اکثر
زخم کا خوف کبھی اُس کو بھی دہلائے گا
وقت خاموش ہے ٹوٹے ہُوئے رِشتوں کی طرح
وہ بَھلا کیسے مِرے دِل کی خبر پائے گا
شام غم آج بھی گزُری ہے حَسیں خوابوں میں
غم جاناں تو محبّت میں سِتم ڈھائے گا
دِل مِرا آج جفاؤں پہ بہت نازاں ہے
میرے ہونٹوں پہ تبسّم ہی نظر آئے گا
اُس کے مضراب سے جب راگ بنیں گے دِیپک
میگھ چُپکے سے مِرے دل پہ بَرس جائے گا
اندرا ورما

- - - Updated - - -

اس کی آنکھوں کا سوگ کہتا ہے
پھر کوئی خواب مر گیا شائید

واہ کیا انداز ہے

[BabeR670]

NicE pOetRy