نماز ادا نہ کرنا بہت سخت گناہ ہے
السلام علیکم
نماز ادا نہ کرنا بہت سخت گناہ ہے
ایمان کے بعد سب سے اہم رکن نماز ہے اور قیامت میں سب سے پہلے نماز ہی کے بارے میں سوال ہوگا۔ نماز نہ پڑھنا، جانتے بوجھتے نماز چھوڑدینا یہ کبیرا گناہوں میں سے ایک گناہ ہے۔ اور بہت بڑا گناہ ہے جس کی سزا جہنم کی بھڑکتی ہوئی آگ ہے۔
قرآن میں سورۃ المدثر سپارہ 29 آیت نمبر 42 اور 43 میں جنت والے سوال کررہے ہیں جہنم والوں سے اور ایک مکالمہ ہورہا ہے ۔ جنت والے سوال کررہے ہیں "اے جہنم والوں کس بات نے تمہیں جہنم میں ڈال دیا تمہارے کیا برے اعمال تھے جس کی وجہ سے آج تمھیں بھڑکتی ہوئی آگ میں ڈال دیا گیا"۔
وہ جواب دیں گے "ہم نماز نہیں پڑھتے تھے" اللہ تعالیٰ مجھے اور آپ کو جہنم کی آگ سے محفوظ فرمائے۔
ہم حیٰ الصلوۃ کی پکار رمضان المبارک میں بھی سنتے ہیں اور رمضان المبارک کے علاوہ بھی سنتے ہیں رمضان المبارک میں نمازیوں کی تعداد مسجد میں زیادہ نظر آتی ہے اور عام دنوں میں جمعہ کی نماز میں نمازی زیادہ ہوتے ہیں لیکن عام نمازوں میں تعداد کیوں کم ہوجاتی ہے؟
ذرا غور کریں، حیٰ الصلوۃ کی آواز پر اللہ کے گھر کا طواف بھی روک جاتا ہے اور لوگ نماز کی طرف چل پڑھتے ہیں لیکن ذرا سوچئے کیا وہ کام جس کی وجہ سے ہم نماز چھوڑ رہے ہیں کیا وہ کام اللہ کے گھر کا طواف کرنے سے بڑھ کر ہیں؟ کیا آپ کی مصروفیات اللہ کے گھر کے طواف سے بڑھ کر ہیں؟
ہمارے قدم حج اور عمرے کے لئے اٹھیں رمضان میں نمازوں کے لئے اٹھیں جمعہ میں دو رکعت نماز فرض پڑھنے کے لئے اٹھیں لیکن اس کے علاوہ نمازوں کے لئے نہ اٹھیں بہت افسوس کی بات ہے۔
بندے کے پاس اپنے خالق اپنے مالک اور اپنے رازق کے سامنے جھکنے کے لئے وقت نہیں تعجب ہے۔
اللہ کے رسول صلی اللہ علیہ وسلم نے فرمایا ترمذی شریف کی حدیث ہے "جس نے جان بوجھ کر نماز ترک کردی وہ کفر کرچکا" اللہ تعالیٰ میری اور آپ کی حفاظت فرمائے۔
اللہ کے رسول صلی اللہ علیہ وسلم نے فرمایا طبرانی شریف میں روایت ہے۔ "قیامت کے دن سب سے پہلا سوال نماز کے بارے میں ہوگا" جس کی نماز درست نکلی اس کے بقیہ معملات بھی درست ہونگے، اور جس کی نماز درست نہیں ہوگی اس کے تمام بقیہ معملات غلط ہو جائیں گے۔ اللہ تعالیٰ مجھے اور آپ کو تمام نمازوں کی حفاظت کی توفیق نصیب فرمائے۔
اللہ کے رسول صلی اللہ علیہ وسلم نے فرمایا، ترمذی شریف کی روایت ہے۔ "بے نمازی کا انجام کل قیامت کے دن فرعون، حامان، شداد، عمہ بن خلف ایسے مجرموں کے ساتھ ہوگا۔ یہ ہے نماز نہ ادا کرنے کا وبال نماز نہ ادا کرنے کا انجام کل جہنم کی بھڑکتی ہوئی آگ میں ڈالا جائے گا بے نمازیوں کو اور ظالموں کے ساتھ کھڑا کیا جائے گا اس کو جس نے آج اللہ کے سامنے جھکنے کی کوشش نہیں کی کل اس کو بھڑکتی ہوئی آگ میں ڈالا جائے گا۔
قرآن بتاتا ہے سورۃ قلم کے آخر میں کہ کل اللہ اپنے بندوں کو حکم دیں گے کہ سجدہ کرو انہیں بلایا جائے گا پکارا جائے گا سجدوں کے لئے مگر ان کی استطاعت نہیں ہوگی وہ سجدہ نہیں کرسکیں گے۔ دنیا میں جب بلایا گیا اور سہی سالم تھے مگر نماز کو ںہیں آتے تھے کل قیامت کے دن رب کائنات جھکنے کا حکم دیگا مگر نہیں جھک سکیں گے،
بخاری شریف کی حدیث ہے اللہ کے نبی صلی اللہ علیہ وسلم نے فرمایا، "ایسے لوگوں کی کمر تختے کی طرح کردی جائے گی اگر وہ جھکنا بھی چاہیں گے تو جھک نہیں سکیں گے" استغفر اللہ
اللہ تعالیٰ ہم سب کو جہنم کے عذاب ذلت اور رسوائی سے ہم سب کو بچائے۔ آج وقت ہے اللہ مجھے اور آپ سب کو تمام نمازوں کی پابندی کرنے کی توفیق نصیب فرمائے۔ آمین۔
Reply With Quote
Bookmarks