اللہ کو ناراض نہ کریں
السلام علیکم
پیدائش سے لے کر آج تک اللہ کی مہربانیوں پر نظر ڈالیں تو ہم اللہ کی مہر بانیوں اور کرم نوازیوں کو گن بھی نہیں سکتے، جب دنیا میں آئے تو گھر والوں اور عزیز و اقارب کے لئے ایک کھلونا بنے رہے اور لوگ ہم سے کھیلتے اور خوش ہوتے اور پھر آہستہ آہستہ ہم نے رینگنا سیکھا، پھر بیٹھنا سیکھا پھر کھڑے ہونا اوربار بارگرجانا اور پھر آہستہ آہستہ چلنا اور کبھی کبھی چلتے چلتے گر جانا اور پھر دوڑنا اور وقت گزرتا گیا حالات اور واقعات بدلتے رہے اور ہم آہستہ آہستہ تندرست اور ہوش کے مراحل طے کرتے کرتے باشعور کہلائے اور بالغ کہلانے لگے اور جب اللہ تعالیٰ نے ہمیں پھرپور صلاحیتوں سے لبریز کردیا تو پھر ہم نے کھلم کھلا اللہ کی نافرمانی شروع کردی اور پھر ہم صرف اور صرف دنیا کمانے کے دھن میں مشغول ہوگئے آذان کی آواز پانچ وقت ہمارے کانوں میں آتی لیکن ہم اتنے مصروف کے ہمیں نماز پڑھنے کی فرصت نہیں، ہم اتنے مصروف کے ہمیں تلاوت کی فرصت نہیں ہم اتنے مصروف کے سہی قرآن پڑھنے اور سیکھنے کی فرصت نہیں، نیکی اور بدی میں فرق، حلال اور حرام میں فرق چھوٹے اور بڑوں سے پیار اور احترام استاد کا ادب اور لحاظ سب ایک طرف بس دنیاوی تعلیم اور دنیاوی عیش و عشرت حاصل کرنے کے چکر میں پڑھے رہے ۔
کبھی ہم نے سوچا کہ ہم اللہ تعالیٰ کے احسانات کا شکر ادا کریں ، اور آخرت کی تیاری کریں دنیا بنانے سے زیادہ ہمیں آخرت بنانے کی فکر ہونی چاہئیے، یہ دنیا تو ایک دھوکہ ہے اور آخرت کبھی نہ ختم ہونے والی زندگی، ابھی وقت ہے اس سے پہلے کہ ہمارا واپسی کا سفر شروع ہوجائے آئیے عہد کرتے ہیں کے ہم اپنے خالق ، مالک اور رازق کو کبھی بھی نازاض نہیں کریں گے نمازوں کی پابندی کریں گے، قرآن کو سہی پڑھنے کی فکر کریں گے اور گناہوں سے ہر صورت بچنے کی فکر اور کوشش کریں گے
اللہ تعالیٰ مجھے بھی اور آپ سب کو عمل کی توفیق نصیب فرمائے اور موت سے پہلے موت کی تیاری نصیب فرمائے۔ آمین
Reply With Quote
Bookmarks