السلام علیکم
دین اسلام امن کا مذہب اور ایک مکمل نظام زندگی ہے، ہمارے پیارے مذہب میں رہن سہن کے طریقے والدین اور گھر والوں، رشتے داروں اورمحلے والوں ، انسانوں اور حیوانوں سے ہمدردی اور ان کا خیال رکھنے کے طریقے بتائے گئے ہیں۔
صبح سے شام تک کی زندگی کیسے گزاری جائے یہاں تک کے بیت الخلاء جانے کا طریقہ بھی ہمیں سیکھایا گیا گویا کہ ہمیں چھوٹی بڑی ہر بات اور ہر کام کو کرنے کا طریقہ سیکھایا گیا لیکن آج ہم مغربی تہذیب سے اتنے متاثر ہوئے کہ ہم سب بھول گئے کہ ہم کس کے بندے ہیں اور کس کے امتی ہیں ہمیں کس نے پیدا کیا اور ہمیں کسی بھی لمحے واپس پیدا کرنے والے کے پاس جانا ہے اور ایک دن اپنے رب کے سامنے حاضر ہونا ہے اور ہمارے نامہ اعمال پیش ہونے ہیں۔
اللہ تعالیٰ جو سارے جہانوں کا خالق، مالک اور ہمارا رازق ہے اس نے ہمیں ایک خاص مقصد کے لئے دنیا میں بھیجا اور ہم ایک مخصوص وقت تک اس دنیا میں رہ کر مٹی سے بنے اور مٹی میں جانے والے ہیں، قبر ایک مٹی کا گڑھا ہے اور ہماری آخرت کے سفر کی پہلی منزل ہے جہاں ہم سے سوال ہوں گے
مَن رَّبُّکَ (تیرا رب کون ہے)
مَن نَّبِیُّکَ ( تیرا نبی کون ہے)
مَا دِینُکَ ( تیرا دین کیا ہے)
اگر دنیا میں اللہ کی فرمابرداری کی اور نبی پاک صلی اللہ علیہ وسلم کے طریقوں کو اپنا کر زندگی بسر کو تو ہر مسلمان قبر کے امتحان میں بآسانی کامیاب ہوجائے گا اور ان شا ء اللہ جب پہلی منزل طے ہوگئی تو پھر اگلی منزلیں بھی آسان ہوجائیں اور اس طرح ہم اپنے آخرت کے سفر کو بآسانی طے کرکے جنت کے مزے لوٹ رہے ہوں گے جہاں ہمیں ہمیشہ ہمیشہ رہنا ہے اور کبھی نہ ختم ہونے والی زندگی بسر کرنی ہے ۔ اللہ تعالیٰ ہم سب کو جہنم میں جانے سے محفوظ فرمائے اور جنت کی نعمتوں سے مالا مال فرمائے۔ آمین
جنت میں جانا بہت آسان ہے، دنیا میں رہتے ہوئے سارے کام کریں بس صرف ایک کام نہ کریں، وہ ایک کام کیا ہے؟
گناہ نہ کریں
Bookmarks