آئی ٹی ڈی موبائل ایپ سے فرینڈ ریکویسٹ کرنے

[Shaheen Latif]

آئی ٹی ڈی کے معزز ممبران

آج میں آپ کو آئی ٹی ڈی موبائل ایپ سے فرینڈ ریکویسٹ کرنے کا طریقہ بتاوں گا۔آج ایک ممبر نے اس کے متعلق پوچھا تو میں نے اس فورم پر سرچ کیا۔ یہاں مجھے پی سی سے فرینڈ ریکویسٹ کا تھریڈ تو ملا لیکن موبائل سے فرینڈ کو ریکویسٹ کرنے کا نہیں ملا۔ تو میں نے سوچا کہ کیوں نہ ایک تھریڈ بنا دیا جائے جو باقی ممبران کے بھی کام آئے۔ یہ ان ممبرز کے لیے ہے جن کو ابھی تک اس کے متعلق اگاہی نہیں ہے۔
تو چلتے ہیں تھریڈ کی جانب۔ یہ طریقہ اینڈرائڈ فونز کا ہے اور ہو سکتا ہے کہ آئی فون پر تھوڑا مختلف ہو۔
دوستو سب سے پہلے آپ نے اپنے موبائل پر آئی ٹی ڈی ایپ سے لاگ ان کرنا ہے۔ لاگ ان کرنے کے بعد آپ کو اس طرح کی سکرین نظر آئے گی



اب آپ نے سکرول کرتے ہوئے اس کے آخری ٹیب نمبر 9 تک جانا ہے اور اس سکرین شاٹ کے مطابق ویب ویو پر کلک کرنا ہے۔



جب آپ ویب ویو پر کلک کریں گے تو ساتھ ہی آئی ٹی ڈی کا ویب پیج کھل جائے گا جس طرح آپ کے پی سی پر کھلتا ہے۔
بعض موبائل پر یہ پیج کھلنے کے بعد دوبارہ لاگ ان کرنا پڑتا ہے اور کچھ موبائل پر خود بخود لاگ ان ہو جاتا ہے۔
اگر یہاں آپ سے یوزر نیم اور پاسورڈ مانگے تو اپنا یوزر نیم اور پاسورڈ دے کر لاگ ان کر لیں۔ یہ صرف پہلی دفعہ کرنا پڑے گا
بعد میں اس کی ضرورت نہیں پڑے گی جب تک آپ لاگ آؤٹ نہ کریں۔
اب آپ کو اس کا ویو آپ کے پی سی والا نظر آئے گا۔ آپ اس کو سکرول کر کے نیچے سارے سیکشن دیکھ سکتے ہیں ۔



اب آپ جس ممبر کو فرینڈ ریکویسٹ بھیجنا چاہتے ہیں اس کا تھریڈ اوپن کر لیں ۔میں آپ کو سمجھانے کے لیے انٹروڈکشن والے سیکشن میں سے کسی کا تھریڈ اوپن کرتا ہوں


اب میں نے اس میں یہ ممبر سلیکٹ کیا ہے۔ آپ اسی طرح اپنا مطلوبہ ممبر سلیکٹ کر سکتے ہیں۔



جب ہم اس ممبر پر کلک کریں گے تو ہم کو اس طرح کی سکرین نظر آئے گی۔ یہاں آپ نے تیر والے نشان پر( یعنی ممبر کے نام پر) کلک کرنا ہے۔ یاد رہے اگر ممبر کی تصویر لگی ہو تو آپ نے تصویر پر کلک کرنا ہے۔



اس کے بعد آپ کو یہ سکرین نظر آئے گی۔یہاں آپ نے تیر کے نشان پر (یعنی ویو پروفائل) پر کلک کرنا ہے۔



اب آپ کو یہ سکرین نظر آئے گی یہاں آپ نے پھر تیر والی جگہ ( یعنی) ایڈ ایز فرینڈ پر کلک کرنا ہے



اب آپ کے سامنے اس طرح سکرین نظر آئے گی۔ یہاں آپ نے تیر کے نشان پر (یعنی) یس پر کلک کرنا ہے اور کام ختم۔



جیسے ہے آپ یس کا بٹن دبایئں گے آپ کی فرینڈ ریکویسٹ آپ کے فرینڈ کو چلی جائے گی۔
نوٹ: جب تک وہ ممبر جس کو آپ نے ریکویسٹ بھیجی ہے اس کو او کے یا منظور نہیں کرے گا اس وقت تک وہ ممبر آپ کو اپنی فرینڈ لسٹ میں نظر نہیں آئے گا۔

میرا تھریڈ مکمل ہو گیا ہے۔ اگر کسی ممبر کو مزید کچھ پوچھنا ہو تو پوچھ سکتا ہے۔
فی امان اللہ