ﻏﺎﺯﯼ ﻋﻠﻢ ﺩﯾﻦ ؛
ﯾﮧ ﺗﮭﺎ ﻻﮨﻮﺭ ﮐﺎ ﺭﮨﺎﺋﺸﯽ 19 ﺳﺎﻟﮧ ﻏﺎﺯﯼ ﻋﻠﻢ ﺩﯾﻦ ﭘﯿﺸﮯ ﮐﮯ ﻟﺤﺎﻅ ﺳﮯ ﺍﯾﮏ ﺑﮍﮬﺌﯽ ﺗﮭﺎ۔ ﺗﻘﺴﯿﻢ ﮨﻨﺪ ﺳﮯ ﭘﮩﻠﮯ ﺍﻧﮉﯾﺎ ﻣﯿﮟ ﮨﻮﻧﮯ ﻭﺍﻟﮯ ﺍﯾﮏ ﻭﺍﻗﻌﮧ ﻧﮯ ﻋﻠﻢ ﺩﯾﻦ ﮐﯽ ﺯﻧﺪﮔﯽ ﻣﯿﮟ ﮨﻠﭽﻞ ﺑﺮﭘﺎ ﮐﺮﺩﯼ۔ 1923 ﻣﯿﮟ ﺍﯾﮏ ﺍﻧﺘﮩﺎ ﭘﺴﻨﺪ ﮨﻨﺪ ﻭ ﻧﮯ ﺭﺳﻮﻝ ﺍﮐﺮﻡ ﷺ ﮐﯽ ﺷﺎﻥ ﻣﯿﮟ ﺍﯾﮏ ﻧﮩﺎﯾﺖ ﮔﺴﺘﺎﺧﺎﻧﮧ ﮐﺘﺎﺏ ﮐﮯ ﻧﺎﻡ ﺳﮯ ﺗﺤﺮﯾﺮ ﮐﯽ۔ ﯾﮧ ﮐﺘﺎﺏ ﺍﯾﮏ ﻓﺮﺿﯽ ﻧﺎﻡ ﺳﮯ ﻟﮑﮭﯽ ﮔﺌﯽ ﺟﺴﮯ ﻻﮨﻮﺭ ﮐﮯ ﺍﯾﮏ ﮨﻨﺪﻭ ﭘﺒﻠﺸﺮ ﺭﺍﺟﭙﺎﻝ ﻧﮯ ﺷﺎﺋﻊ ﮐﯿﺎ۔ ﮐﺘﺎﺏ ﻣﯿﮟ ﺍﻧﺘﮩﺎﺋﯽ ﻧﺎﺯﯾﺒﺎ ﺑﺎﺗﯿﮟ ﺩﺭﺝ ﺗﮭﯿﮟ ﺟﻨﮩﯿﮟ ﮐﻮﺋﯽ ﺑﮭﯽ ﻣﺴﻠﻤﺎﻥ ﺑﺮﺩﺍﺷﺖ ﻧﮩﯿﮟ ﮐﺮﺳﮑﺘﺎ ﺗﮭﺎ۔ ﮐﺘﺎﺏ ﮐﯽ ﺍﺷﺎﻋﺖ ﺳﮯ ﭘﻮﺭﮮ ﺑﺮﺻﻐﯿﺮ ﮐﮯ ﻣﺴﻠﻤﺎﻧﻮﮞ ﻣﯿﮟ ﺷﺪﯾﺪ ﻏﻢ ﻭ ﻏﺼﮯ ﮐﯽ ﻟﮩﺮ ﺩﻭﮌ ﮔﺌﯽ۔ ﻣﺴﻠﻤﺎﻧﻮﮞ ﻧﮯ ﺍﺱ ﮐﺘﺎﺏ ﭘﺮ ﭘﺎﺑﻨﺪﯼ ﮐﺎ ﻣﻄﺎﻟﺒﮧ ﮐﯿﺎ ﺍﻭﺭ ﺍﺱ ﮐﮯ ﭘﺒﻠﺸﺮ ﮐﮯ ﺧﻼﻑ ﻋﺪﺍﻟﺖ ﻣﯿﮟ ﻣﻘﺪﻣﮧ ﺩﺍﺋﺮ ﮐﺮﺩﯾﺎ۔ ﺳﯿﺸﻦ ﮐﻮﺭﭦ ﻧﮯ ﺭﺍﺟﭙﺎﻝ ﮐﻮ ﻣﺠﺮﻡ ﻗﺮﺍﺭ ﺩﯾﺘﮯ ﮨﻮﺋﮯ ﺳﺰﺍ ﺳﻨﺎﺩﯼ ﺟﺲ ﮐﮯ ﺑﻌﺪ ﻻﮨﻮﺭ ﮨﺎﺋﯿﮑﻮﺭﭦ ﻧﮯ ﺍﺱ ﺳﺰﺍ ﮐﮯ ﺧﻼﻑ ﺍﭘﯿﻞ ﮐﯽ۔ ﺳﻤﺎﻋﺖ ﻣﯿﮟ ﻣﺠﺮﻡ ﺭﺍﺟﭙﺎﻝ ﮐﻮ ﺍﺱ ﻭﺟﮧ ﺳﮯ ﺭﮨﺎ ﮐﺮﺩﯾﺎ ﮐﮧ ﺍﺱ ﻭﻗﺖ ﻣﺬﮨﺐ ﮐﮯ ﺧﻼﻑ ﮔﺴﺘﺎﺧﯽ ﮐﺎ ﮐﻮﺋﯽ ﻗﺎﻧﻮﻥ ﻣﻮﺟﻮﺩ ﻧﮧ ﺗﮭﺎ۔
ﻣﺴﻠﻤﺎﻧﻮﮞ ﻧﮯ ﮨﺎﺋﯿﮑﻮﺭﭦ ﮐﮯ ﺍﺱ ﻓﯿﺼﻠﮯ ﮐﮯ ﺧﻼﻑ ﭘﻮﺭﮮ ﻣﻠﮏ ﻣﯿﮟ ﺗﺤﺮﯾﮏ ﺷﺮﻭﻉ ﮐﺮﺩﯼ۔ ﻧﻮﺟﻮﺍﻥ ﻋﻠﻢ ﺩﯾﻦ ﺍﭘﻨﮯ ﺩﻭﺳﺖ ﺭﺷﯿﺪ ﮐﮯ ﺳﺎﺗﮫ ﻻﮨﻮﺭ ﮐﯽ ﺗﺎﺭﯾﺨﯽ ﻭﺯﯾﺮ ﺧﺎﻥ ﻣﺴﺠﺪ ﮐﮯ ﺳﺎﻣﻨﮯ ﺍﺱ ﮨﺠﻮﻡ ﻣﯿﮟ ﻣﻮﺟﻮﺩ ﺗﮭﺎ ﺟﻮ ﮨﻨﺪﻭ ﺭﺍﺋﭩﺮ ﺭﺍﺟﭙﺎﻝ ﮐﮯ ﺧﻼﻑ ﻧﻌﺮﮮ ﻟﮕﺎﺭﮨﺎ ﺗﮭﺎ۔ ﺟﺬﺑﺎﺕ ﮐﺎ ﺍﯾﮏ ﺗﻼﻃﻢ ﺗﮭﺎ ﺟﻮ ﮨﺠﻮﻡ ﮐﮯ ﻧﻌﺮﻭﮞ ﮐﯽ ﮔﻮﻧﺞ ﻣﯿﮟ ﺍﻣﻨﮉ ﺭﮨﺎ ﺗﮭﺎ۔ ﺍﻣﺎﻡ ﻣﺴﺠﺪ ﻧﮯ ﺍﻧﺘﮩﺎﺋﯽ ﺩﺭﺩ ﺑﮭﺮﯼ ﺁﻭﺍﺯ ﻣﯿﮟ ﮐﮩﺎ۔ ” ﻣﺴﻠﻤﺎﻧﻮﮞ ﺷﯿﻄﺎﻥ ﺭﺍﺟﭙﺎﻝ ﻧﮯ ﺍﭘﻨﯽ ﮐﺘﺎﺏ ﻣﯿﮟ ﮨﻤﺎﺭﮮ ﺣﻀﻮﺭ ﺍﮐﺮﻡ ﷺ ﮐﯽ ﺷﺎﻥ ﺍﻗﺪﺱ ﻣﯿﮟ ﮔﺴﺘﺎﺧﯽ ﮐﯽ ﮨﮯ ﺍﻭﺭ ﻋﺪﺍﻟﺘﻮﮞ ﻧﮯ ﺍﺳﮯ ﺑﺮﯼ ﮐﺮﺩﯾﺎ ﮨﮯ ﺟﺲ ﺳﮯ ﺍﺳﻼﻡ ﺩﺷﻤﻨﻮﮞ ﮐﯽ ﺣﻮﺻﻠﮧ ﺍﻓﺰﺍﺋﯽ ﮨﻮﺋﯽ ﮨﮯ۔ “ ﺍﻣﺎﻡ ﻣﺴﺠﺪ ﮐﮯ ﯾﮧ ﺍﻟﻔﺎﻅ ﻏﺎﺯﯼ ﻋﻠﻢ ﺩﯾﻦ ﮐﮯ ﺩﻝ ﻣﯿﮟ ﺍﺗﺮ ﮔﺌﮯ ﺍﻭﺭ ﺍﺱ ﻧﮯ ﺍﺳﯽ ﻭﻗﺖ ﻓﯿﺼﻠﮧ ﮐﯿﺎ ﮐﮧ ﻭﮦ ﮔﺴﺘﺎﺥ ﺭﺳﻮﻝ ﮐﻮ ﻭﺍﺻﻞ ﺟﮩﻨﻢ ﮐﺮﮐﮯ ﮨﯽ ﺩﻡ ﻟﮯ ﮔﺎ۔ ﺍﺱ ﻧﮯ ﺍﭘﻨﯽ ﺍﺱ ﺧﻮﺍﮨﺶ ﮐﺎ ﺍﻇﮩﺎﺭ ﺍﭘﻨﮯ ﻗﺮﯾﺒﯽ ﺩﻭﺳﺖ ﺭﺷﯿﺪ ﺳﮯ ﮐﯿﺎ۔ ﻭﮦ ﺑﮭﯽ ﺭﺍﺟﭙﺎﻝ ﮐﻮ ﺍﺱ ﮔﺴﺘﺎﺧﯽ ﮐﺎ ﻣﺰﺍ ﭼﮑﮭﺎﻧﺎ ﭼﺎﮨﺘﺎ ﺗﮭﺎ۔ ﺩﻭﻧﻮﮞ ﺩﻭﺳﺘﻮﮞ ﻧﮯ ﺍﺱ ﻣﺴﺌﻠﮯ ﭘﺮ ﺗﯿﻦ ﻣﺮﺗﺒﮧ ﻗﺮﻋﮧ ﺍﻧﺪﺍﺯﯼ ﮐﯽ ﺍﻭﺭ ﺗﯿﻨﻮﮞ ﻣﺮﺗﺒﮧ ﻋﻠﻢ ﺩﯾﻦ ﮐﺎ ﻧﺎﻡ ﺁﯾﺎ، ﺁﺧﺮﮐﺎﺭ ﺭﺷﯿﺪ، ﻋﻠﻢ ﺩﯾﻦ ﮐﮯ ﺣﻖ ﻣﯿﮟ ﺩﺳﺘﺒﺮﺩﺍﺭ ﮨﻮﮔﯿﺎ۔ ﺍﻟﻠﮧ ﻧﮯ ﯾﮧ ﺳﻌﺎﺩﺕ ﺷﺎﯾﺪ ﻋﻠﻢ ﺩﯾﻦ ﮐﮯ ﮨﯽ ﻧﺼﯿﺐ ﻣﯿﮟ ﻟﮑﮭﯽ ﺗﮭﯽ۔
6 ﺳﺘﻤﺒﺮ 1929 ﺀ ﮐﻮ ﻋﻠﻢ ﺩﯾﻦ ﺑﺎﺯﺍﺭ ﺳﮯ ﺍﯾﮏ ﭼﮭﺮﯼ ﺧﺮﯾﺪﮐﺮ ﺳﯿﺪﮬﺎ ﺭﺍﺟﭙﺎﻝ ﮐﯽ ﺩﮐﺎﻥ ﮐﯽ ﻃﺮﻑ ﺭﻭﺍﻧﮧ ﮨﻮﺍ۔ ﺭﺍﺟﭙﺎﻝ ﺍﺑﮭﯽ ﺩﮐﺎﻥ ﭘﺮ ﻧﮩﯿﮟ ﺁﯾﺎ ﺗﮭﺎ۔ ﻋﻠﻢ ﺩﯾﻦ ﻧﮯ ﺍﺱ ﮐﺎ ﺍﻧﺘﻈﺎﺭ ﮐﯿﺎ ﺍﻭﺭ ﺟﯿﺴﮯ ﮨﯽ ﺭﺍﺟﭙﺎﻝ ﺍﭘﻨﯽ ﺩﮐﺎﻥ ﻣﯿﮟ ﺩﺍﺧﻞ ﮨﻮﺍ ﻋﻠﻢ ﺩﯾﻦ ﻧﮯ ﭼﮭﺮﯼ ﺳﮯ ﺍﺱ ﮐﮯ ﺳﯿﻨﮯ ﭘﺮ ﺯﻭﺭﺩﺭ ﻭﺍﺭ ﮐﯿﺎ ﺟﻮ ﺍﺱ ﮐﮯ ﺩﻝ ﻣﯿﮟ ﭘﯿﻮﺳﺖ ﮨﻮﮔﯿﺎ۔ﺭﺍﺟﭙﺎﻝ ﻣﻮﻗﻊ ﭘﺮ ﮨﯽ ﮈﮬﯿﺮ ﮨﻮﮔﯿﺎ۔ ﭘﻮﻟﯿﺲ ﻧﮯ ﺍﺳﮯ ﮔﺮﻓﺘﺎﺭ ﮐﺮﻟﯿﺎ ﺍﻭﺭ ﺍﺱ ﭘﺮ ﻗﺘﻞ ﮐﺎ ﻣﻘﺪﻣﮧ ﺩﺭﺝ ﮐﺮﮐﮯ ﮐﯿﺲ ﭼﻼﯾﺎ ﮔﯿﺎ۔ ﻋﻼﻣﮧ ﺍﻗﺒﺎﻝ ﮐﯽ ﺩﺭﺧﻮﺍﺳﺖ ﭘﺮ ﻗﺎﺋﺪﺍﻋﻈﻢ ﻣﺤﻤﺪ ﻋﻠﯽ ﺟﻨﺎﺡ ﻧﮯ ﻋﻠﻢ ﺩﯾﻦ ﮐﺎ ﻣﻘﺪﻣﮧ ﻟﮍﺍ۔ ﻗﺎﺋﺪﺍﻋﻈﻢ ﻧﮯ ﺍﯾﮏ ﻣﻮﻗﻊ ﭘﺮ ﻋﻠﻢ ﺩﯾﻦ ﺳﮯ ﮐﮩﺎ ﮐﮧ ﻭﮦ ﺟﺮﻡ ﮐﺎ ﺍﻗﺮﺍﺭ ﻧﮧ ﮐﺮﮮ۔ ﻏﺎﺯﯼ ﻋﻠﻢ ﺩﯾﻦ ﻧﮯ ﮐﮩﺎﮐﮧ ﻣﯿﮟ ﯾﮧ ﮐﯿﺴﮯ ﮐﮩﮧ ﺩﻭﮞ ﮐﮧ ﻣﯿﮟ ﻧﮯ ﯾﮧ ﻗﺘﻞ ﻧﮩﯿﮟ ﮐﯿﺎ،ﻣﺠﮭﮯ ﺍﺱ ﻗﺘﻞ ﭘﺮ ﻧﺪﺍﻣﺖ ﻧﮩﯿﮟ ﺑﻠﮑﮧ ﻓﺨﺮ ﮨﮯ، ﮐﻮﺭﭦ ﻧﮯ ﻋﻠﻢ ﺩﯾﻦ ﮐﻮ ﺳﺰﺍﺋﮯ ﻣﻮﺕ ﺩﯼ۔ ﻗﺎﺋﺪﺍﻋﻈﻢ ﻣﺤﻤﺪ ﻋﻠﯽ ﺟﻨﺎﺡ ﻟﺒﺮﻝ ﺗﺼﻮﺭ ﮐﺌﮯ ﺟﺎﺗﮯ ﺗﮭﮯ ﺍﻭﺭ ﺍﺱ ﻭﻗﺖ ﮨﻨﺪﻭ ﻣﺴﻠﻢ ﺍﺗﺤﺎﺩ ﮐﮯ ﺑﮩﺖ ﺑﮍﮮ ﺣﺎﻣﯽ ﺗﮭﮯ، ﮨﻨﺪﻭ ﺍﺧﺒﺎﺭﺍﺕ ﻧﮯ ﺍﻥ ﭘﺮ ﮐﮍﯼ ﺗﻨﻘﯿﺪ ﮐﯽ ﻟﯿﮑﻦ ﻗﺎﺋﺪﺍﻋﻈﻢ ﻧﮯ ﺍﺱ ﺗﻨﻘﯿﺪ ﮐﻮ ﺭﺩ ﮐﺮﺗﮯ ﮨﻮﺋﮯ ﮐﮩﺎ ” ﻣﺴﻠﻤﺎﻧﻮﮞ ﮐﯿﻠﺌﮯ ﺣﻀﻮﺭ ﺍﮐﺮﻡ ﷺ ﮐﯽ ﺫﺍﺕ ﻣﺒﺎﺭﮐﮧ ﮨﺮ ﭼﯿﺰ ﺳﮯ ﺑﮍﮪ ﮐﺮ ﮨﮯ۔ “
31 ﺍﮐﺘﻮﺑﺮ 1929 ﺀ ﻏﺎﺯﯼ ﻋﻠﻢ ﺩﯾﻦ ﺷﮩﯿﺪ ﮐﯽ ﺳﺰﺍﺋﮯ ﻣﻮﺕ ﭘﺮ ﻋﻤﻠﺪﺭﺁﻣﺪ ﮐﺎ ﺩﻥ ﺗﮭﺎ۔ ﻋﻠﻢ ﺩﯾﻦ ﺳﮯ ﺍﻥ ﮐﯽ ﺁﺧﺮﯼ ﺧﻮﺍﮨﺶ ﭘﻮﭼﮭﯽ ﮔﺌﯽ ﺗﻮ ﺍﻧﮩﻮﮞ ﻧﮯ ﮐﮩﺎ ﮐﮧ ﻣﺠﮭﮯ ﺻﺮﻑ ﺩﻭ ﺭﮐﻌﺖ ﻧﻤﺎﺯ ﭘﮍﮬﻨﮯ ﮐﯽ ﺍﺟﺎﺯﺕ ﺩﯼ ﺟﺎﺋﮯ۔ ﻏﺎﺯﯼ ﻋﻠﻢ ﺩﯾﻦ ﮐﻮ ﺟﺐ ﭘﮭﺎﻧﺴﯽ ﮔﮭﺎﭦ ﭘﺮ ﻻﯾﺎ ﮔﯿﺎ ﺍﻭﺭ ﺟﺐ ﭘﮭﻨﺪﺍ ﺍﻥ ﮐﯽ ﮔﺮﺩﻥ ﻣﯿﮟ ﮈﺍﻻ ﮔﯿﺎ ﺗﻮ ﺍﺱ ﻧﮯ ﻭﮨﺎﮞ ﻣﻮﺟﻮﺩ ﻟﻮﮔﻮﮞ ﺳﮯ ﮐﮩﺎ ” ﺍﮮ ﻟﻮﮔﻮ ! ﮔﻮﺍﮦ ﺭﮨﻨﺎ ﻣﯿﮟ ﻧﮯ ﺭﺍﺟﭙﺎﻝ ﮐﻮ ﻧﺒﯽ ﮐﺮﯾﻢ ﷺ ﮐﯽ ﺷﺎﻥ ﻣﯿﮟ ﮔﺴﺘﺎﺧﯽ ﮐﺮﻧﮯ ﭘﺮ ﻭﺍﺻﻞ ﺟﮩﻨﻢ ﮐﯿﺎ ﮨﮯ، ﺁﺝ ﻣﯿﮟ ﺁﭖ ﺳﺐ ﮐﮯ ﺳﺎﻣﻨﮯ ﮐﻠﻤﮧ ﻃﯿﺒﮧ ﮐﺎ ﻭﺭﺩ ﮐﺮﮐﮯ ﺣﺮﻣﺖ ﺭﺳﻮﻝ ﷺ ﭘﺮ ﺍﭘﻨﯽ ﺟﺎﻥ ﻧﭽﮭﺎﻭﺭ ﮐﺮﺭﮨﺎ ﮨﻮﮞ۔ “ ﻏﺎﺯﯼ ﻋﻠﻢ ﺩﯾﻦ ﺷﮩﯿﺪ ﮐﻮ ﭘﮭﺎﻧﺴﯽ ﮐﮯ ﺑﻌﺪ ﺑﺮﻃﺎﻧﻮﯼ ﺣﮑﻮﻣﺖ ﻧﮯ ﺍﻥ ﮐﯽ ﻣﯿﺖ ﺑﻐﯿﺮ ﻧﻤﺎﺯ ﺟﻨﺎﺯﮦ ﺟﯿﻞ ﮐﮯ ﻗﺒﺮﺳﺘﺎﻥ ﻣﯿﮟ ﺩﻓﻨﺎﺩﯼ ﺟﺲ ﭘﺮ ﻣﺴﻠﻤﺎﻧﻮﮞ ﻧﮯ ﺷﺪﯾﺪ ﺍﺣﺘﺠﺎﺝ ﮐﯿﺎ ﺍﻭﺭ ﻋﻼﻣﮧ ﺍﻗﺒﺎﻝ ﻧﮯ ﺍﯾﮏ ﻣﮩﻢ ﭼﻼﺋﯽ ﺍﻭﺭ ﺁﺧﺮ ﮐﺎﺭ ﺍﻧﮕﺮﯾﺰﻭﮞ ﮐﻮ ﯾﮧ ﯾﻘﯿﻦ ﺩﮨﺎﻧﯽ ﮐﮯ ﺑﻌﺪ ﮐﮧ ” ﻻﮨﻮﺭ ﻣﯿﮟ ﺗﺪﻓﯿﻦ ﮐﮯ ﻣﻮﻗﻊ ﭘﺮ ﮨﻨﮕﺎﻣﮧ ﺁﺭﺍﺋﯽ ﻧﮩﯿﮟ ﮨﻮﮔﯽ “ ﺍﺱ ﮐﯽ ﺍﺟﺎﺯﺕ ﺩﮮ ﺩﯼ ﮔﺌﯽ۔ 15 ﺩﻥ ﺑﻌﺪ ﺟﺐ ﻏﺎﺯﯼ ﻋﻠﻢ ﺩﯾﻦ ﺷﮩﯿﺪ ﮐﯽ ﻣﯿﺖ ﮐﻮ ﻗﺒﺮﺳﮯ ﻧﮑﺎﻻ ﮔﯿﺎ ﺗﻮ ﺍﻥ ﮐﺎ ﺟﺴﺪ ﺧﺎﮐﯽ ﭘﮩﻠﮯ ﺩﻥ ﮐﯽ ﻃﺮﺡ ﺗﺮﻭﺗﺎﺯﮦ ﺗﮭﺎ۔ ﻋﻠﻢ ﺩﯾﻦ ﺷﮩﯿﺪ ﮐﮯ ﻭﺍﻟﺪ ﻧﮯ ﻋﻼﻣﮧ ﺍﻗﺒﺎﻝ ﺳﮯ ﻋﻠﻢ ﺩﯾﻦ ﮐﯽ ﻧﻤﺎﺯ ﺟﻨﺎﺯﮦ ﭘﮍﮬﺎﻧﮯ ﮐﯽ ﺩﺭﺧﻮﺍﺳﺖ ﮐﯽ ﺟﺲ ﭘﺮ ﻋﻼﻣﮧ ﺍﻗﺒﺎﻝ ﻧﮯ ﺍﻥ ﺳﮯ ﮐﮩﺎ ﮐﮧ ﻭﮦ ﺑﮩﺖ ﮔﻨﺎﮦ ﮔﺎﺭ ﺍﻧﺴﺎﻥ ﮨﯿﮟ، ﺍﺱ ﻟﺌﮯ ﺍﺗﻨﮯ ﺑﮍﮮ ﺷﮩﯿﺪ ﮐﯽ ﻧﻤﺎﺯ ﺟﻨﺎﺯﮦ ﻭﮦ ﻧﮩﯿﮟ ﭘﮍﮬﺎﺳﮑﺘﮯ۔ “ ﻏﺎﺯﯼ ﻋﻠﻢ ﺩﯾﻦ ﺷﮩﯿﺪ ﮐﯽ ﻧﻤﺎﺯ ﺟﻨﺎﺯﮦ ﻻﮨﻮﺭ ﮐﯽ ﺗﺎﺭﯾﺦ ﮐﯽ ﺳﺐ ﺳﮯ ﺑﮍﯼ ﻧﻤﺎﺯ ﺟﻨﺎﺯﮦ ﺗﮭﯽ ﺟﺲ ﻣﯿﮟ ﻻﮐﮭﻮﮞ ﻟﻮﮔﻮﮞ ﻧﮯ ﺷﺮﮐﺖ ﮐﯽ۔ ﮨﺮ ﺍﯾﮏ ﮐﯽ ﺧﻮﺍﮨﺶ ﺗﮭﯽ ﮐﮧ ﻋﺎﺷﻖ ﺭﺳﻮﻝ ﮐﮯ ﺟﻨﺎﺯﮮ ﮐﻮ ﮐﻨﺪﮬﺎ ﺩﮮ۔ ﻋﻼﻣﮧ ﺍﻗﺒﺎﻝ ﻧﮯ ﻏﺎﺯﯼ ﻋﻠﻢ ﺩﯾﻦ ﺷﮩﯿﺪ ﮐﯽ ﻣﯿﺖ ﮐﻮ ﮐﻨﺪﮬﺎ ﺩﯾﺎ ﺍﻭﺭ ﺍﭘﻨﮯ ﮨﺎﺗﮭﻮﮞ ﺳﮯ ﺍﻧﮩﯿﮟ ﻗﺒﺮ ﻣﯿﮟ ﺍﺗﺎﺭﺍ۔ ﺍﺱ ﻣﻮﻗﻊ ﭘﺮ ﻋﻼﻣﮧ ﺍﻗﺒﺎﻝ ﻧﮯ ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﮐﮩﺎ ۔ ” ﺗﺮﮐﮭﺎﻥ ﮐﺎ ﺑﯿﭩﺎ ﺁﺝ ﮨﻢ ﭘﮍﮬﮯ ﻟﮑﮭﻮﮞ ﭘﺮ ﺑﺎﺯﯼ ﻟﮯ ﮔﯿﺎ ﺍﻭﺭ ﮨﻢ ﺩﯾﮑﮭﺘﮯ ﮨﯽ ﺭﮦ ﮔﺌﮯ۔ “ ﻋﻠﻢ ﺩﯾﻦ ﺷﮩﯿﺪ ﮐﯽ ﭘﮭﺎﻧﺴﯽ ﮐﮯ ﺑﻌﺪ ﺍﯾﺴﮯ ﺣﺎﻻﺕ ﭘﯿﺪﺍ ﮨﻮﺋﮯ ﺟﺲ ﮐﮯ ﺑﻌﺪ ﺍﻧﮕﺮﯾﺰﻭﮞ ﮐﻮ ﻗﻮﺍﻧﯿﻦ ﻣﯿﮟ ﺗﺒﺪﯾﻠﯽ ﮐﺮﻧﺎ ﭘﮍﯼ ﺍﻭﺭ ﮐﺴﯽ ﺑﮭﯽ ﻣﺬﮨﺐ ﮐﯽ ﺗﻮﮨﯿﻦ ﮐﻮ ﺟﺮﻡ ﻗﺮﺍﺭ ﺩﯾﺎ ﮔﯿﺎ ﺍﻭﺭ ﺍﺱ ﻃﺮﺡ ﺍﯾﮏ ﻧﻮﺟﻮﺍﻥ ﮐﯽ ﻗﺮﺑﺎﻧﯽ ﻗﺎﻧﻮﻥ ﻣﯿﮟ ﺗﺒﺪﯾﻠﯽ ﮐﺎ ﭘﯿﺶ ﺧﯿﻤﮧ ﺑﻨﯽ۔ﺁﺯﺍﺩﯼ ﭘﺎﮐﺴﺘﺎﻥ ﮐﮯ ﺑﻌﺪ ﺗﻮﮨﯿﻦ ﺭﺳﺎﻟﺖ ﮐﮯ ﻗﺎﻧﻮﻥ ﮐﻮ ” ﭘﺎﮐﺴﺘﺎﻥ ﭘﯿﻨﻞ ﮐﻮﮈ “ ﮐﺎ ﺣﺼﮧ ﺑﻨﺎﯾﺎ ﮔﯿﺎ ﺍﻭﺭ 1982 ﺀ ﻣﯿﮟ ﺍﺱ ﻭﻗﺖ ﮐﮯ ﺻﺪﺭ ﺟﻨﺮﻝ ﺿﯿﺎﺀ ﺍﻟﺤﻖ ﻧﮯ ﺍﺱ ﻗﺎﻧﻮﻥ ﻣﯿﮟ ﺗﺮﻣﯿﻢ ﮐﺮﺗﮯ ﮨﻮﺋﮯ ﻗﺮﺁﻥ ﮐﺮﯾﻢ ﮐﯽ ﺗﻮﮨﯿﻦ ﮐﯽ ﺳﺰﺍ ﻋﻤﺮ ﻗﯿﺪ ﺟﺒﮑﮧ ﺣﻀﻮﺭ ﺍﮐﺮﻡ ﷺ ﮐﯽ ﺗﻮﮨﯿﻦ ﮐﯽ ﮐﻢ ﺍﺯ ﮐﻢ ﺳﺰﺍ ﻣﻮﺕ ﺭﮐﮭﯽ۔