سنت کی اہمیت
💠🌺💠🌺💠🌺
*بسم اللہ الرحمن الرحیم*
🌻 *سنت کی اہمیت*🌻
میرے پاس جو بچے قرآن پڑھنے آتے ہیں، میں انہیں ساتھ ساتھ سنتیں بھی سکھاتی ہوں۔ بیٹا اس طرح سونا اس طرح جاگنا، باتھ روم میں ایسے جانا ایسے واپس آنا یہ دعائیں پڑھنی ہیں ۔ کھانا کھانے کی سنتیں اور دعائیں وغیرہ ۔۔۔۔۔
اور کافی عرصہ ہوگیا ھے مجھے یہ سب انہیں سکھاتے ہوئے۔۔۔۔
روزانہ میں کسی نہ کسی سنت عمل کے بارے میں پوچھتی ہوں،، آپ نے اس پر عمل کیا۔۔۔؟ سوکر اٹھنے کی دعا پڑھی، کلمہ پڑھا؟؟؟ رات سوتے وقت اللہ کا ذکر کر کے اور دعا پڑھ کر سوئے تھے۔۔۔؟
پچے کبھی ہاں کہتے ہیں، کبھی ناں کہتے ہیں ۔۔۔
میں پوچھتی ہوں کیوں نہیں کیا تو وہ کہتے ہیں بھول گئے تھے۔ اور اکثر نہ کرنے کی وجہ، بھول جانا ہوتا ھے ۔۔۔
میں ان سے کہتی ہوں آپ اپنی امی سے کہا کریں کہ وہ آ پ کو یاد دلا دیا کریں ۔۔۔
*مگر بچے مسکرا کر خاموش ہو جاتے ہیں...... ماں کیسے یاد دلائے۔۔۔؟*
ماں کو تو خود یاد نہیں رہتا، خود جو چیز عمل میں نہیں ھے بچوں کو کیسے یاد دلائیں گی۔۔۔۔؟
*یا پھر اس چیز کی کوئی اہمیت ہی نہیں ھے نظر میں ۔۔۔۔*۔۔
کہ ٹیچر جو بچوں کے ساتھ اسکول اور مدرسوں میں اتنی محنت کرتی ہیں تو کیا اس لئے کہ آج یاد کریں اور کل بھول جائیں .......؟؟
*صرف یاد کرلینے کا فائدہ کیا ھے جب تک وہ چیز عمل میں نہ آئے۔۔۔۔؟*
آج میں پھر پوچھ رہی تھی بیٹا سوکر اٹھنے کی دعا پڑھی تھی صبح۔۔۔ ؟
نہیں جی، بھول گئے تھے ۔
بچے تو بچے ہی ہیں بھول جاتے ہیں، *یہ تو ماں کا کام ھے،جب بچے کو جگائے تو یاد دلا دے کہ بیٹا جی اٹھیں شاباش، دعا پڑھ لیں*، کلمہ پڑھ لیں، آنکھوں کو آہستگی سے مل لیں۔۔۔
باتھ روم میں جانے لگیں تو یاد دلادے، بیٹا دعا پڑھ لیں اور الٹے پاؤں سے داخل ہوں۔ باہر نکلتے وقت سیدھا پاؤں پہلے باہر رکھیں ۔
*کپڑے پہننے اور اتارنے کا سنت طریقہ بتائیں اور دعائیں پڑھوائیں بچوں سے،*
یقین کیجئے گھر کا ماحول بھی اتنا نورانی سا ہو جاتا ھے ۔۔۔۔۔
*گھر سے باہر جانے لگیں تو دعا پڑھنا یاد دلا دیں ۔۔۔ آیۃ الکرسی یاد دلا دیں* ۔
ہر موقع پر سنت طریقہ اور مسنون دعائیں پڑھنے کی تلقین کریں،
یہ سب گھر کے اندر ماں کے کرنے کے کام ہیں ۔۔۔۔۔۔
یہ سب کچھ ٹیچر گھر آکر نہیں سکھائے گی۔
*مگر ماؤں کے پاس وقت نہیں ھے، جس مقصد کیلئے انہیں ماں بنایا گیا تھا آج اسی کام کے لئے ٹائم نہیں ھے ماؤں کے پاس*۔۔۔۔۔۔
اہمیت کس چیز کی ھے، بس ٹیسٹ میں نمبر پورے لینے ہیں۔۔۔!!! *کلاس میں فرسٹ پوزیشن لینی ھے* ۔۔۔۔۔۔۔
*سنتیں زندگی میں آتی ہیں یا نہیں آتیں، اس سے کوئی غرض نہیں* ۔۔۔۔۔
بہت افسوس کی بات ھے ۔
اللہ نے کیا فرمایا ھے قرآن مجید میں؟
📖 *قل ان کنتم تحبون اللہ فاتبعونی یحببکم اللہ ویغفرلکم ذنوبکم۔* آل عمران 31
ترجمہ! (اے نبی صلی اللہ علیہ وسلم، لوگوں سے )کہہ دیجئے، کہ اگر تم اللہ کی محبت حاصل کرنا چاہتے ہو تو میرا اتباع کرو۔ تو اللہ تم سے محبت کریگا اور تمہارے گناہوں کو بخش دیگا۔۔۔
کتنی بڑی بات ھے کہ اللہ رب العالمین خود کہہ رہے ہیں کہ تم میرے نبیؐ صلی اللہ علیہ وسلم کے مبارک طریقوں پر چلو تو میں تم سے محبت بھی کرونگا اور تمھارے گناہوں کو بھی بخش دونگا ۔۔۔۔۔۔
*اللہ تعالیٰ کا محبوب بننے کا کتنا آسان طریقہ ھے کہ سنت پر عمل کرو*۔۔۔ کام تو دنیا کے سارے کرنے ہی ہیں تو کیا حرج ھے کہ اپنے محبوب نبی صلی اللہ علیہ وسلم کے طریقے پر کر لیں، ہمارا عمل بھی عبادت بن جائے اور اللہ اور اسکے رسول صلی علیہ وسلمؐ بھی ہم سے محبت کرنے لگیں۔۔۔۔۔۔
جب سارے جہانوں کا بادشاہ ہم سے محبت کرنے لگے تو ہمیں اور کیا چاہئے،،،،،،؟
*ہم سنت کے مطابق کھانا کھائیں تو ، اللہ کے محبوب۔۔۔ کپڑے، جوتے پہنیں تو اللہ کے محبوب۔۔۔ باتھ روم جائیں تو اللہ کے محبوب ۔۔۔سنت کے مطابق گھر سے باہر آئیں، جائیں تو اللہ کے محبوب ۔۔۔سنت کے* مطابق سوئیں تو اللہ کے محبوب اور ساری رات کا سونا عبادت، ذرا سوچیں تو کتنی لمبی راتیں ہیں، ساری رات عبادت میں شمار ہوگی۔۔۔۔
*مگر ہم کس قدر غافل ہیں* ۔۔۔۔۔۔؟؟؟
ابھی کوئی آکر کہہ دے فلاں جگہ بڑی اچھی سیل لگی ھے آدھی قیمت پہ برانڈڈ مال مل رہا ھے، اس کے لئے سب دوڑ لگا دینگے، بھاگے چلے جائیں گے ۔۔۔
*مگر اللہ کی محبت اور اسکی رضا، کیا ان فانی چیزوں سے بھی گئی گزری ھے ہماری نظر میں ۔۔۔۔۔۔؟؟؟*
ایک سنت پے عمل کرنے سے 100 شہیدوں کا ثواب ھے۔۔
اس کے لئے کوئی کوشش نہیں، کوئی دوڑ نہیں، کوئی جوش و جذبہ نہیں ۔۔۔۔ ؟
اللہ کی قسم بڑے نقصان کا سودا کررہے ہیں ۔۔۔
*اللہ تعالیٰ ہمیں اپنی اور اپنے رسول صلی اللہ علیہ وسلم کی سچی محبت اور آخرت کا پختہ یقین نصیب کرے۔ آمین*
🌺🍀🌺🍀🌺
Reply With Quote
maktabweb said:
Bookmarks