تمام آئی ٹی ڈی یوزر السلام علیکم
دوستو آج کا مضمون اس لحاظ سے بہت اہم ہے کہ ہم ریاکاری کے مرتکب ہوتے ہیں لیکن ہمیں قطعاً اس کا پتہ نہیں چلتا۔ کیونکہ ریا کاری آج کل فیشن بن گئی ہے۔ ریا کاری اصل میں کیا ہے اس کا جواب ذرا مشکل ہے لیکن اپنی طرف سے کوشش کروں گا آپ کو سمجھ میں آ جائے ۔ ریا کاری اس چیز کو کہتے ہیں جوکام خالصتاً اللہ پاک کی رضا کے لیے مقصود ہو لیکن انسان مخلوق کو دکھاوے کے طور پر کرے۔ اس میں تمام اسلامی فرائض اور حتیٰ کہ شہادت بھی آ جاتی ہے۔ جس بھی کام میں نیت دکھاوے پہ آ جائے اسے ریا کاری کہتے ہیں۔ ہمارے پیارے آقا ﷺ نے فرمایا انسان نے جو عمل کیا اس کا ثواب اس کی نیت کے حساب سے ملے گا۔ اس لیے ہمیں کسی بھی نیک کام کرنے سے پہلے یہ نیت ضرور کرنی چاہیے کہ اللہ تعالیٰ ہمیں دیکھ رہا ہے اور یہ کام ہم اس کی رضا کے لیے کر رہے ہیں ۔
Bookmarks