ﭼﯿﻦ ﺳﮯ ﭼﺎﺋﮯ ﮐﯽ ﮐﺎﺷﺖ ﮐﺎ ﺻﺪﯾﻮﮞ ﭘﺮﺍﻧﺎ ﺭﺍﺯ
ر
ﭼﺎﺋﮯ ﮐﮯ ﻋﺎﻟﻤﯽ ﺩﻥ ﮐﮯ ﻣﻮﻗﻌﮯ ﭘﺮ ﻟﮑﮭﯽ ﺟﺎﻧﮯ ﻭﺍﻟﯽ ﺧﺼﻮﺻﯽ ﺗﺤﺮﯾﺮ )
ﻟﻤﺒﮯ ﺗﮍﻧﮕﮯ ﺭﺍﺑﺮﭦ ﻓﺎﺭﭼﯿﻮﻥ ﻧﮯ ﻗﻠﯽ ﮐﮯ ﺁﮔﮯ ﺳﺮ ﺟﮭﮑﺎ ﺩﯾﺎ۔ ﺍﺱ ﻧﮯ ﺍﯾﮏ ﺯﻧﮓ ﺁﻟﻮﺩ ﺍﺳﺘﺮﺍ ﻧﮑﺎﻻ ﺍﻭﺭ ﻓﺎﺭﭼﯿﻮﻥ ﮐﮯ ﺳﺮ ﮐﺎ ﺍﺑﺘﺪﺍﺋﯽ ﺣﺼﮧ ﻣﻮﻧﮉﻧﮯ ﻟﮕﺎ۔ ﯾﺎ ﺗﻮ ﺍﺳﺘﺮﺍ ﺍﺗﻨﺎ ﮐﻨﺪ ﺗﮭﺎ ﯾﺎ ﭘﮭﺮ ﻗﻠﯽ ﮨﯽ ﺍﯾﺴﺎ ﺍﻧﺎﮌﯼ ﺗﮭﺎ ﮐﮧ ﻓﺎﺭﭼﯿﻮﻥ ﮐﻮ ﻟﮕﺎ ﮐﮧ ’ ﺟﯿﺴﮯ ﻭﮦ ﻣﯿﺮﺍ ﺳﺮ ﻣﻮﻧﮉ ﻧﮩﯿﮟ ﺭﮨﺎ ﺑﻠﮑﮧ ﮐﮭﺮﭺ ﺭﮨﺎ ﮨﮯ۔ ‘ ﺍﺱ ﮐﯽ ﺁﻧﮑﮭﻮﮞ ﺳﮯ ﺁﻧﺴﻮ ﺟﺎﺭﯼ ﮨﻮ ﮐﺮ ﮔﺎﻟﻮﮞ ﭘﺮ ﮈﮬﻠﮑﻨﮯ ﻟﮕﮯ۔
ﯾﮧ ﺳﺘﻤﺒﺮ 1848 ﻣﯿﮟ ﭼﯿﻨﯽ ﺷﮩﺮ ﺷﻨﮕﮭﺎﺋﯽ ﺳﮯ ﮐﭽﮫ ﺩﻭﺭ ﻭﺍﻗﻊ ﺍﯾﮏ ﻋﻼﻗﮯ ﮐﺎ ﻭﺍﻗﻌﮧ ﮨﮯ۔ ﻓﺎﺭﭼﯿﻮﻥ ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﮐﺎ ﺟﺎﺳﻮﺱ ﮨﮯ ﺟﻮ ﭼﯿﻦ ﮐﮯ ﺍﻧﺪﺭ ﻣﻤﻨﻮﻋﮧ ﻋﻼﻗﮯ ﻣﯿﮟ ﺟﺎ ﮐﺮ ﻭﮨﺎﮞ ﺳﮯ ﭼﺎﺋﮯ ﮐﯽ ﭘﺘﯿﺎﮞ ﭼﺮﺍﻧﮯ ﮐﯽ ﻣﮩﻢ ﭘﺮ ﺁﯾﺎ ﮨﻮﺍ ﮨﮯ۔ ﻟﯿﮑﻦ ﺍﺱ ﻣﻘﺼﺪ ﮐﮯ ﻟﯿﮯ ﺍﺳﮯ ﺳﺐ ﺳﮯ ﭘﮩﻠﮯ ﺑﮭﯿﺲ ﺑﺪﻟﻨﺎ ﮨﮯ ﺟﺲ ﮐﯽ ﭘﮩﻠﯽ ﺷﺮﻁ ﯾﮧ ﮨﮯ ﮐﮧ ﻭﮦ ﭼﯿﻦ ﮐﮯ ﺭﻭﺍﺝ ﮐﮯ ﻣﻄﺎﺑﻖ ﻣﺎﺗﮭﮯ ﮐﮯ ﺍﻭﭘﺮﯼ ﺣﺼﮯ ﺳﮯ ﺑﺎﻝ ﻣﻨﮉﻭﺍ ﺩﮮ۔ ﺍﺱ ﮐﺮﺑﻨﺎﮎ ﻋﻤﻞ ﺳﮯ ﮔﺰﺭﻧﮯ ﮐﮯ ﺑﻌﺪ ﻓﺎﺭﭼﯿﻮﻥ ﮐﮯ ﻣﺘﺮﺟﻢ ﺍﻭﺭ ﺭﮨﻨﻤﺎ ﻧﮯ ﺍﺱ ﮐﮯ ﺑﺎﻟﻮﮞ ﻣﯿﮟ ﺍﯾﮏ ﻟﻤﺒﯽ ﻣﯿﻨﮉﮬﯽ ﮔﻮﻧﺪﮪ ﮐﺮ ﺍﺳﮯ ﭼﯿﻨﯽ ﻟﺒﺎﺩﮦ ﭘﮩﻨﺎ ﺩﯾﺎ ﺍﻭﺭ ﺍﺳﮯ ﺗﻨﺒﯿﮧ ﮐﯽ ﮐﮧ ﻭﮦ ﺍﭘﻨﺎ ﻣﻨﮫ ﺑﻨﺪ ﺭﮐﮭﮯ۔
اگلا ممبر
ک ﺍﯾﮏ ﻣﺴﺌﻠﮧ ﺍﺏ ﺑﮭﯽ ﺑﺎﻗﯽ ﺗﮭﺎ ﺟﺴﮯ ﭼﮭﭙﺎﻧﺎ ﺁﺳﺎﻥ ﻧﮩﯿﮟ ﺗﮭﺎ۔ ﻓﺎﺭﭼﯿﻮﻥ ﮐﺎ ﻗﺪ ﻋﺎﻡ ﭼﯿﻨﯿﻮﮞ ﮐﮯ ﻣﻘﺎﺑﻠﮯ ﭘﺮ ﺍﯾﮏ ﻓﭧ ﺳﮯ ﺑﮭﯽ ﻟﻤﺒﺎ ﺗﮭﺎ۔ ﺍﺱ ﮐﺎ ﺣﻞ ﺍﺱ ﻧﮯ ﮐﭽﮫ ﯾﻮﮞ ﻧﮑﺎﻻ ﮐﮧ ﻟﻮﮔﻮﮞ ﺳﮯ ﮐﮩﮧ ﺩﯾﺎ ﺟﺎﺋﮯ ﮐﮧ ﻭﮦ ﺩﯾﻮﺍﺭِ ﭼﯿﻦ ﮐﮯ ﺩﻭﺳﺮﯼ ﻃﺮﻑ ﺳﮯ ﺁﯾﺎ ﮨﮯ ﺟﮩﺎﮞ ﮐﮯ ﻟﻮﮒ ﻃﻮﯾﻞ ﻗﺎﻣﺖ ﮨﻮﺗﮯ ﮨﯿﮟ۔
ﺍﺱ ﻣﮩﻢ ﻣﯿﮟ ﺑﮩﺖ ﮐﭽﮫ ﺩﺍﺅ ﭘﺮ ﻟﮕﺎ ﮨﻮﺍ ﺗﮭﺎ۔ ﺍﮔﺮ ﻓﺎﺭﭼﯿﻮﻥ ﮐﺎﻣﯿﺎﺏ ﮨﻮ ﺟﺎﺗﺎ ﺗﻮ ﭼﺎﺋﮯ ﭘﺮ ﭼﯿﻦ ﮐﯽ ﮨﺰﺍﺭﻭﮞ ﺳﺎﻟﮧ ﺍﺟﺎﺭﮦ ﺩﺍﺭﯼ ﺧﺘﻢ ﮨﻮ ﺟﺎﺗﯽ ﺍﻭﺭ ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﮨﻨﺪﻭﺳﺘﺎﻥ ﻣﯿﮟ ﭼﺎﺋﮯ ﺍﮔﺎ ﮐﺮ ﺳﺎﺭﯼ ﺩﻧﯿﺎ ﻣﯿﮟ ﻓﺮﺍﮨﻢ ﮐﺮﻧﺎ ﺷﺮﻭﻉ ﮐﺮ ﺩﯾﺘﯽ۔ ﻟﯿﮑﻦ ﺩﻭﺳﺮﯼ ﻃﺮﻑ ﺍﮔﺮ ﻭﮦ ﭘﮑﮍﺍ ﺟﺎﺗﺎ ﺗﻮ ﺍﺱ ﮐﯽ ﺻﺮﻑ ﺍﯾﮏ ﮨﯽ ﺳﺰﺍ ﺗﮭﯽ۔ ﻣﻮﺕ ! ﺍﺱ ﮐﯽ ﻭﺟﮧ ﯾﮧ ﺗﮭﯽ ﮐﮧ ﭼﺎﺋﮯ ﮐﯽ ﭘﯿﺪﺍﻭﺍﺭ ﭼﯿﻦ ﮐﺎ ﻗﻮﻣﯽ ﺭﺍﺯ ﺗﮭﯽ ﺍﻭﺭ ﺍﺱ ﮐﮯ ﺣﮑﻤﺮﺍﻥ ﺻﺪﯾﻮﮞ ﺳﮯ ﺍﺱ ﺭﺍﺯ ﮐﯽ ﺣﻔﺎﻇﺖ ﮐﯽ ﺳﺮﺗﻮﮌ ﮐﻮﺷﺸﯿﮟ ﮐﺮﺗﮯ ﺁﺋﮯ ﺗﮭﮯ۔
ﺩﻭ ﺍﺭﺏ ﭘﯿﺎﻟﯿﺎﮞ ﺭﻭﺯﺍﻧﮧ
ﺍﯾﮏ ﺗﺤﻘﯿﻖ ﮐﮯ ﻣﻄﺎﺑﻖ ﭘﺎﻧﯽ ﮐﮯ ﺑﻌﺪ ﭼﺎﺋﮯ ﺩﻧﯿﺎ ﮐﺎ ﻣﻘﺒﻮﻝ ﺗﺮﯾﻦ ﻣﺸﺮﻭﺏ ﮨﮯ ﺍﻭﺭ ﺩﻧﯿﺎ ﻣﯿﮟ ﺭﻭﺯﺍﻧﮧ ﺩﻭ ﺍﺭﺏ ﻟﻮﮒ ﺍﭘﻨﮯ ﺩﻥ ﮐﺎ ﺁﻏﺎﺯ ﭼﺎﺋﮯ ﮐﯽ ﮔﺮﻣﺎﮔﺮﻡ ﭘﯿﺎﻟﯽ ﺳﮯ ﮐﺮﺗﮯ ﮨﯿﮟ۔ ﯾﮧ ﺍﻟﮓ ﺑﺎﺕ ﮐﮧ ﺍﺱ ﺩﻭﺭﺍﻥ ﮐﻢ ﮨﯽ ﻟﻮﮔﻮﮞ ﮐﮯ ﺩﻣﺎﻍ ﻣﯿﮟ ﯾﮧ ﺧﯿﺎﻝ ﺁﺗﺎ ﮨﻮ ﮔﺎ ﮐﮧ ﯾﮧ ﻣﺸﺮﻭﺏ ﺟﻮ ﺍﻥ ﮐﮯ ﻣﺰﺍﺝ ﮐﻮ ﻓﺮﺣﺖ ﺍﻭﺭ ﺩﻣﺎﻍ ﮐﻮ ﭼﺴﺘﯽ ﺑﺨﺸﺘﺎ ﮨﮯ ، ﺍﻥ ﺗﮏ ﮐﯿﺴﮯ ﭘﮩﻨﭽﺎ۔
ﭼﺎﺋﮯ ﮐﯽ ﯾﮧ ﮐﮩﺎﻧﯽ ﮐﺴﯽ ﺳﻨﺴﻨﯽ ﺧﯿﺰ ﻧﺎﻭﻝ ﺳﮯ ﮐﻢ ﻧﮩﯿﮟ۔ ﯾﮧ ﺍﯾﺴﯽ ﮐﮩﺎﻧﯽ ﮨﮯ ﺟﺲ ﻣﯿﮟ ﺣﯿﺮﺕ ﺍﻧﮕﯿﺰ ﺍﺗﻔﺎﻗﺎﺕ ﺑﮭﯽ ﮨﯿﮟ ، ﭘﺮﻓﺮﯾﺐ ﺟﺎﺳﻮﺳﯽ ﻣﮩﻢ ﺟﻮﺋﯿﺎﮞ ﺑﮭﯽ ، ﺳﺎﻣﺮﺍﺟﯽ ﺭﯾﺸﮧ ﺩﻭﺍﻧﯿﺎﮞ ﺑﮭﯽ ، ﺧﻮﺵ ﻗﺴﻤﺘﯽ ﮐﮯ ﻟﻤﺤﺎﺕ ﺑﮭﯽ ﺍﻭﺭ ﺑﺪﻗﺴﻤﺘﯽ ﮐﮯ ﻭﺍﻗﻌﺎﺕ ﺑﮭﯽ۔
ﮨﻮﺍ ﻣﯿﮟ ﺍﮌﺗﯽ ﭘﺘﯿﺎﮞ
ﭼﺎﺋﮯ ﮐﺎ ﺁﻏﺎﺯ ﮐﯿﺴﮯ ﮨﻮﺍ ، ﺍﺱ ﮐﮯ ﺑﺎﺭﮮ ﻣﯿﮟ ﮐﺌﯽ ﮐﮩﺎﻧﯿﺎﮞ ﻣﺸﮩﻮﺭ ﮨﯿﮟ۔ ﺍﯾﮏ ﮐﮯ ﻣﻄﺎﺑﻖ ﻗﺪﯾﻢ ﭼﯿﻨﯽ ﺩﯾﻮﻣﺎﻻﺋﯽ ﺑﺎﺩﺷﺎﮦ ﺷﯿﻨﻮﻧﮓ ﮐﻮ ﺻﻔﺎﺋﯽ ﮐﺎ ﺍﺱ ﻗﺪﺭ ﺧﯿﺎﻝ ﺗﮭﺎ ﮐﮧ ﺍﺱ ﻧﮯ ﺗﻤﺎﻡ ﺭﻋﺎﯾﺎ ﮐﻮ ﺣﮑﻢ ﺩﯾﺎ ﮐﮧ ﻭﮦ ﭘﺎﻧﯽ ﺍﺑﺎﻝ ﮐﺮ ﭘﯿﺎ ﮐﺮﯾﮟ۔ ﺍﯾﮏ ﺩﻥ ﮐﺴﯽ ﺟﻨﮕﻞ ﻣﯿﮟ ﺑﺎﺩﺷﺎﮦ ﮐﺎ ﭘﺎﻧﯽ ﺍﺑﻞ ﺭﮨﺎ ﺗﮭﺎ ﮐﮧ ﭼﻨﺪ ﭘﺘﯿﺎﮞ ﮨﻮﺍ ﺳﮯ ﺍﮌ ﮐﺮ ﺩﯾﮕﭽﯽ ﻣﯿﮟ ﺟﺎ ﮔﺮﯾﮟ۔ ﺷﯿﻨﻮﻧﮓ ﻧﮯ ﺟﺐ ﯾﮧ ﭘﺎﻧﯽ ﭘﯿﺎ ﺗﻮ ﻧﮧ ﺻﺮﻑ ﺍﺳﮯ ﺫﺍﺋﻘﮧ ﭘﺴﻨﺪ ﺁﯾﺎ ﺑﻠﮑﮧ ﺍﺳﮯ ﭘﯿﻨﮯ ﺳﮯ ﺍﺱ ﮐﮯ ﺑﺪﻥ ﻣﯿﮟ ﭼﺴﺘﯽ ﺑﮭﯽ ﺁ ﮔﺌﯽ۔
ﯾﮧ ﭼﺎﺋﮯ ﮐﯽ ﭘﺘﯿﺎﮞ ﺗﮭﯿﮟ ﺍﻭﺭ ﺍﻥ ﮐﮯ ﻓﻮﺍﺋﺪ ﮐﮯ ﺗﺠﺮﺑﮯ ﮐﮯ ﺑﻌﺪ ﺑﺎﺩﺷﺎﮦ ﻧﮯ ﻋﻮﺍﻡ ﮐﻮ ﺣﮑﻢ ﺩﯾﺎ ﮐﮧ ﻭﮦ ﺑﮭﯽ ﺍﺳﮯ ﺁﺯﻣﺎﺋﯿﮟ۔ ﯾﻮﮞ ﯾﮧ ﻣﺸﺮﻭﺏ ﭼﯿﻦ ﮐﮯ ﮐﻮﻧﮯ ﮐﻮﻧﮯ ﺗﮏ ﭘﮭﯿﻞ ﮔﯿﺎ۔
ﯾﻮﺭﭖ ﺳﺐ ﺳﮯ ﭘﮩﻠﮯ 16 ﻭﯾﮟ ﺻﺪﯼ ﮐﯽ ﺍﺑﺘﺪﺍ ﻣﯿﮟ ﭼﺎﺋﮯ ﺳﮯ ﺁﺷﻨﺎ ﮨﻮﺍ ﺟﺐ ﭘﺮﺗﮕﺎﻟﯿﻮﮞ ﻧﮯ ﺍﺱ ﮐﯽ ﭘﺘﯽ ﮐﯽ ﺗﺠﺎﺭﺕ ﺷﺮﻭﻉ ﮐﺮ ﺩﯼ۔ ﺍﯾﮏ ﺻﺪﯼ ﮐﮯ ﺍﻧﺪﺭ ﺍﻧﺪﺭ ﭼﺎﺋﮯ ﺩﻧﯿﺎ ﮐﮯ ﻣﺨﺘﻠﻒ ﻋﻼﻗﻮﮞ ﻣﯿﮟ ﭘﯽ ﺟﺎﻧﮯ ﻟﮕﯽ۔ ﻟﯿﮑﻦ ﺧﺎﺹ ﻃﻮﺭ ﭘﺮ ﯾﮧ ﺍﻧﮕﺮﯾﺰﻭﮞ ﮐﻮ ﺍﺗﻨﯽ ﭘﺴﻨﺪ ﺁﺋﯽ ﮐﮧ ﮔﮭﺮ ﮔﮭﺮ ﭘﯽ ﺟﺎﻧﮯ ﻟﮕﯽ۔
ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﻣﺸﺮﻕ ﺳﮯ ﮨﺮ ﻗﺴﻢ ﮐﯽ ﺍﺟﻨﺎﺱ ﮐﯽ ﺗﺠﺎﺭﺕ ﮐﯽ ﺫﻣﮧ ﺩﺍﺭﯼ ﺗﮭﯽ۔ ﺍﺳﮯ ﭼﺎﺋﮯ ﮐﯽ ﭘﺘﯽ ﻣﮩﻨﮕﮯ ﺩﺍﻣﻮﮞ ﭼﯿﻦ ﺳﮯ ﺧﺮﯾﺪﻧﺎ ﭘﮍﺗﯽ ﺗﮭﯽ ﺍﻭﺭ ﻭﮨﺎﮞ ﺳﮯ ﻟﻤﺒﮯ ﺳﻤﻨﺪﺭﯼ ﺭﺍﺳﺘﮯ ﺳﮯ ﺩﻧﯿﺎ ﮐﮯ ﺑﺎﻗﯽ ﺣﺼﻮﮞ ﮐﯽ ﺗﺮﺳﯿﻞ ﭼﺎﺋﮯ ﮐﯽ ﻗﯿﻤﺖ ﻣﯿﮟ ﻣﺰﯾﺪ ﺍﺿﺎﻓﮧ ﮐﺮ ﺩﯾﺘﯽ ﺗﮭﯽ ( ﺍﺱ ﻭﻗﺖ ﺳﯽ ﭘﯿﮏ ﻭﺍﻻ ﺭﺍﺳﺘﮧ ﺩﺭﯾﺎﻓﺖ ﻧﮩﯿﮟ ﮨﻮﺍ ﺗﮭﺎ ۔(! ﯾﮩﯽ ﻭﺟﮧ ﺗﮭﯽ ﮐﮧ ﺍﻧﮕﺮﯾﺰ ﺷﺪﺕ ﺳﮯ ﭼﺎﮨﺘﮯ ﺗﮭﮯ ﮐﮧ ﺧﻮﺩ ﺍﭘﻨﯽ ﻧﻮﺁﺑﺎﺩﯼ ﮨﻨﺪﻭﺳﺘﺎﻥ ﻣﯿﮟ ﭼﺎﺋﮯ ﺍﮔﺎﻧﺎ ﺷﺮﻭﻉ ﮐﺮ ﺩﯾﮟ ﺗﺎﮐﮧ ﭼﯿﻦ ﮐﺎ ﭘﺘﮧ ﮨﯽ ﮐﭧ ﺟﺎﺋﮯ۔
ﺍﺱ ﻣﻨﺼﻮﺑﮯ ﻣﯿﮟ ﺳﺐ ﺳﮯ ﺑﮍﯼ ﺭﮐﺎﻭﭦ ﯾﮧ ﺗﮭﯽ ﮐﮧ ﭼﺎﺋﮯ ﮐﺎ ﭘﻮﺩﺍ ﮐﯿﺴﮯ ﺍﮔﺘﺎ ﮨﮯ ﺍﻭﺭ ﺍﺱ ﺳﮯ ﭼﺎﺋﮯ ﮐﯿﺴﮯ ﺣﺎﺻﻞ ﮨﻮﺗﯽ ﮨﮯ ، ﺳﺮﺗﻮﮌ ﮐﻮﺷﺸﻮﮞ ﮐﮯ ﺑﺎﻭﺟﻮﺩ ﺍﺱ ﺭﺍﺯ ﺳﮯ ﭘﺮﺩﮦ ﻧﮧ ﺍﭨﮫ ﺳﮑﺎ ﺗﮭﺎ۔ ﯾﮩﯽ ﻭﺟﮧ ﺗﮭﯽ ﮐﮧ ﺍﺏ ﮐﻤﭙﻨﯽ ﻧﮯ ﺭﺍﺑﺮﭦ ﻓﺎﺭﭼﯿﻮﻥ ﮐﻮ ﺍﺱ ﭘﺮﺧﻄﺮ ﺟﺎﺳﻮﺳﯽ ﻣﮩﻢ ﭘﺮ ﺑﮭﯿﺠﺎ ﺗﮭﺎ۔
ﺍﺱ ﻣﻘﺼﺪ ﮐﮯ ﻟﯿﮯ ﺍﺳﮯ ﭼﯿﻦ ﮐﮯ ﺍﻥ ﻋﻼﻗﻮﮞ ﺗﮏ ﺟﺎﻧﺎ ﺗﮭﺎ ﺟﮩﺎﮞ ﺷﺎﯾﺪ ﻣﺎﺭﮐﻮﭘﻮﻟﻮ ﮐﮯ ﺑﻌﺪ ﮐﺴﯽ ﯾﻮﺭﭘﯽ ﻧﮯ ﻗﺪﻡ ﻧﮩﯿﮟ ﺭﮐﮭﺎ ﺗﮭﺎ۔ ﺍﺳﮯ ﻣﻌﻠﻮﻡ ﮨﻮﺍ ﺗﮭﺎ ﮐﮧ ﻓﻮﺟﯿﺎﻥ ﺻﻮﺑﮯ ﮐﮯ ﭘﮩﺎﮌﻭﮞ ﻣﯿﮟ ﺳﺐ ﺳﮯ ﻋﻤﺪﮦ ﮐﺎﻟﯽ ﭼﺎﺋﮯ ﺍﮔﺘﯽ ﮨﮯ ﺍﺱ ﻟﯿﮯ ﺍﺱ ﻧﮯ ﺍﭘﻨﮯ ﺭﮨﺒﺮ ﮐﻮ ﻭﮨﯿﮟ ﮐﺎ ﺭﺥ ﮐﺮﻧﮯ ﮐﺎ ﺣﮑﻢ ﺩﯾﺎ۔
ﺳﺮ ﻣﻨﮉﻭﺍﻧﮯ ، ﺑﺎﻟﻮﮞ ﻣﯿﮟ ﻧﻘﻠﯽ ﻣﯿﻨﮉﮬﯽ ﮔﻮﻧﺪﮬﻨﮯ ﺍﻭﺭ ﭼﯿﻨﯽ ﺗﺎﺟﺮﻭﮞ ﺟﯿﺴﺎ ﺭﻭﭖ ﺩﮬﺎﺭﻧﮯ ﮐﮯ ﻋﻼﻭﮦ ﻓﺎﺭﭼﯿﻮﻥ ﻧﮯ ﺍﭘﻨﺎ ﺍﯾﮏ ﭼﯿﻨﯽ ﻧﺎﻡ ﺑﮭﯽ ﺭﮐﮫ ﻟﯿﺎ ، ﺳِﻨﮓ ﮨُﻮﺍ۔ ﯾﻌﻨﯽ ’ ﺷﻮﺥ ﭘﮭﻮﻝ۔ ‘
ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﻧﮯ ﺍﺳﮯ ﺧﺎﺹ ﻃﻮﺭ ﭘﺮ ﮨﺪﺍﯾﺎﺕ ﺩﮮ ﺭﮐﮭﯽ ﺗﮭﯿﮟ ﮐﮧ ’ ﺑﮩﺘﺮﯾﻦ ﭼﺎﺋﮯ ﮐﮯ ﭘﻮﺩﮮ ﺍﻭﺭ ﺑﯿﺞ ﮨﻨﺪﻭﺳﺘﺎﻥ ﻣﻨﺘﻘﻞ ﮐﺮﻧﮯ ﮐﮯ ﻋﻼﻭﮦ ﺁﭖ ﭘﺮ ﯾﮧ ﻓﺮﺽ ﻋﺎﺋﺪ ﮨﻮﺗﺎ ﮨﮯ ﮐﮧ ﺁﭖ ﺍﺱ ﭘﻮﺩﮮ ﮐﯽ ﮐﺎﺷﺖ ﺍﻭﺭ ﭼﺎﺋﮯ ﮐﯽ ﭘﺘﯽ ﮐﯽ ﺗﯿﺎﺭﯼ ﮐﮯ ﺑﺎﺭﮮ ﻣﯿﮟ ﮨﺮ ﻣﻤﮑﻦ ﻣﻌﻠﻮﻣﺎﺕ ﺣﺎﺻﻞ ﮐﺮ ﮐﮯ ﻻﺋﯿﮟ ﺗﺎﮐﮧ ﺍﻧﮭﯿﮟ ﺑﺮﻭﺋﮯ ﮐﺎﺭ ﻻ ﮐﺮ ﮨﻨﺪﻭﺳﺘﺎﻥ ﻣﯿﮟ ﭼﺎﺋﮯ ﮐﯽ ﻧﺮﺳﺮﯾﺎﮞ ﻗﺎﺋﻢ ﮐﺮﻧﮯ ﻣﯿﮟ ﮨﺮ ﻣﻤﮑﻦ ﻣﻞ ﺳﮑﮯ۔ ‘
ﺍﺱ ﮐﺎﻡ ﮐﺎ ﻣﻌﺎﻭﺿﮧ ﺍﺳﮯ ﭘﺎﻧﭻ ﺳﻮ ﭘﺎﺅﻧﮉ ﺳﺎﻻﻧﮧ ﺍﺩﺍ ﮐﯿﺎ ﺟﺎﻧﺎ ﺗﮭﺎ۔
ﻓﺎﺭﭼﯿﻮﻥ ﮐﺎ ﮐﺎﻡ ﺁﺳﺎﻥ ﻧﮩﯿﮟ ﺗﮭﺎ۔ ﺍﺳﮯ ﭼﯿﻦ ﺳﮯ ﭼﺎﺋﮯ ﮐﯽ ﭘﯿﺪﺍﻭﺍﺭ ﮐﮯ ﻃﺮﯾﻘﮯ ﮨﯽ ﻧﮩﯿﮟ ﺳﯿﮑﮭﻨﺎ ﺗﮭﮯ ﺑﻠﮑﮧ ﻭﮨﺎﮞ ﺳﮯ ﺍﺱ ﻧﺎﯾﺎﺏ ﺟﻨﺲ ﮐﮯ ﭘﻮﺩﮮ ﭼﻮﺭﯼ ﮐﺮ ﮐﮯ ﻻﻧﮯ ﺗﮭﮯ۔ ﻓﺎﺭﭼﯿﻮﻥ ﺗﺮﺑﯿﺖ ﯾﺎﻓﺘﮧ ﻣﺎﮨﺮِ ﻧﺒﺎﺗﯿﺎﺕ ﺗﮭﺎ ﺍﻭﺭ ﺍﺱ ﮐﮯ ﺗﺠﺮﺑﮯ ﻧﮯ ﺍﺳﮯ ﺑﺘﺎ ﺩﯾﺎ ﺗﮭﺎ ﮐﮧ ﭼﻨﺪ ﭘﻮﺩﻭﮞ ﺳﮯ ﮐﺎﻡ ﻧﮩﯿﮟ ﭼﻠﮯ ﮔﺎ ، ﺑﻠﮑﮧ ﭘﻮﺩﮮ ﺍﻭﺭ ﺍﻥ ﮐﮯ ﺑﯿﺞ ﺑﮍﮮ ﭘﯿﻤﺎﻧﮯ ﭘﺮ ﺳﻤﮕﻞ ﮐﺮ ﮐﮯ ﮨﻨﺪﻭﺳﺘﺎﻥ ﻻﻧﺎ ﭘﮍﯾﮟ ﮔﮯ ﺗﺎﮐﮧ ﻭﮨﺎﮞ ﭼﺎﺋﮯ ﮐﯽ ﭘﯿﺪﺍﻭﺍﺭ ﺑﮍﮮ ﭘﯿﻤﺎﻧﮯ ﭘﺮ ﺷﺮﻭﻉ ﮨﻮ ﺳﮑﮯ۔
ﯾﮩﯽ ﻧﮩﯿﮟ ، ﺍﺳﮯ ﭼﯿﻨﯽ ﻣﺰﺩﻭﺭﻭﮞ ﮐﯽ ﺑﮭﯽ ﺿﺮﻭﺭﺕ ﺗﮭﯽ ﺗﺎﮐﮧ ﻭﮦ ﮨﻨﺪﻭﺳﺘﺎﻥ ﻣﯿﮟ ﭼﺎﺋﮯ ﮐﯽ ﺻﻨﻌﺘﯽ ﺑﻨﯿﺎﺩﻭﮞ ﭘﺮ ﮐﺎﺷﺖ ﺍﻭﺭ ﭘﯿﺪﺍﻭﺍﺭ ﻣﯿﮟ ﻣﺪﺩ ﺩﮮ ﺳﮑﯿﮟ۔
ﯾﮧ ﺑﮭﯽ ﭘﮍﮬﯿﮟ !
ﺍﻧﮉﯾﺎ ﻣﯿﮟ ﭘﺎﮐﺴﺘﺎﻧﯽ ﭼﺎﺋﮯ ﻭﺍﻟﮯ ﮐﯽ ﺩﮬﻮﻡ
ﺧﻮﺑﺮﻭ ﭼﺎﺋﮯ ﻭﺍﻟﮯ ﮐﺎ ﻣﻘﺪﺭ ﭼﻤﮏ ﮔﯿﺎ
ﺍﺱ ﺩﻭﺭﺍﻥ ﺍﺳﮯ ﺧﻮﺩ ﭼﺎﺋﮯ ﮐﮯ ﭘﻮﺩﻭﮞ ﮐﯽ ﺗﻤﺎﻡ ﺍﻗﺴﺎﻡ ، ﺍﮔﻨﮯ ﮐﮯ ﻣﻮﺳﻢ ، ﮐﺎﺷﺖ ، ﭘﺘﯽ ﮐﯽ ﭘﯿﺪﺍﻭﺍﺭ ، ﺳﮑﮭﺎﻧﮯ ﮐﮯ ﻃﺮﯾﻘﻮﮞ ﻭﻏﯿﺮﮦ ﮐﮯ ﺑﺎﺭﮮ ﻣﯿﮟ ﺗﻤﺎﻡ ﻋﻠﻢ ﺣﺎﺻﻞ ﮐﺮﻧﺎ ﺗﮭﺎ ، ﭼﺎﮨﮯ ﻭﮦ ﺳﺒﺰ ﭼﺎﺋﮯ ﮨﻮ ﯾﺎ ﮐﺎﻟﯽ ، ﺳﻔﯿﺪ ﮨﻮ ﯾﺎ ﺳﺮﺥ ﭼﺎﺋﮯ۔
ﻓﺎﺭﭼﯿﻮﻥ ﮐﺎ ﻣﻘﺼﺪ ﻋﺎﻡ ﭼﺎﺋﮯ ﮐﮯ ﭘﻮﺩﮮ ﺣﺎﺻﻞ ﮐﺮﻧﺎ ﻧﮩﯿﮟ ﺗﮭﺎ ﺑﻠﮑﮧ ﻭﮦ ﻋﻤﺪﮦ ﺗﺮﯾﻦ ﭼﺎﺋﮯ ﺣﺎﺻﻞ ﮐﺮﻧﺎ ﭼﺎﮨﺘﺎ ﺗﮭﺎ ﺗﺎﮐﮧ ﮨﻨﺪﻭﺳﺘﺎﻥ ﻣﯿﮟ ﺑﮍﮮ ﭘﯿﻤﺎﻧﮯ ﭘﺮ ﭼﺎﺋﮯ ﮐﺎ ﺑﯿﻦ ﺍﻻﻗﻮﺍﻣﯽ ﮐﺎﺭﻭﺑﺎﺭ ﻋﻤﺪﮦ ﺗﺮﯾﻦ ﭼﺎﺋﮯ ﺳﮯ ﮐﯿﺎ ﺟﺎﺋﮯ۔
ﺁﺧﺮ ﮐﺸﺘﯿﻮﮞ ، ﭘﺎﻟﮑﯿﻮﮞ ، ﮔﮭﻮﮌﻭﮞ ﺍﻭﺭ ﺩﺷﻮﺍﺭ ﮔﺰﺍﺭ ﺭﺍﺳﺘﻮﮞ ﭘﺮ ﭘﯿﺪﻝ ﭼﻞ ﮐﺮ ﺗﯿﻦ ﻣﺎﮦ ﮐﮯ ﺩﺷﻮﺍﺭ ﮔﺰﺍﺭ ﺳﻔﺮ ﮐﮯ ﺑﻌﺪ ﻓﺎﺭﭼﯿﻮﻥ ﮐﻮﮦِ ﻭﻭﯾﯽ ﮐﯽ ﺍﯾﮏ ﻭﺍﺩﯼ ﻣﯿﮟ ﻗﺎﺋﻢ ﭼﺎﺋﮯ ﮐﮯ ﺍﯾﮏ ﺑﮍﮮ ﮐﺎﺭﺧﺎﻧﮯ ﺗﮏ ﭘﮩﻨﭽﻨﮯ ﻣﯿﮟ ﮐﺎﻣﯿﺎﺏ ﮨﻮ ﮔﯿﺎ۔ ﯾﮩﺎﮞ ﭼﺎﺋﮯ ﮐﯽ ﺗﯿﺰ ﻣﮩﮏ ﮐﮯ ﻋﻼﻭﮦ ﺩﺭﻭﺍﺯﮮ ﭘﺮ ﻟﮕﮯ ﻟﮑﮍﯼ ﮐﮯ ﺍﯾﮏ ﺗﺨﺘﮯ ﻧﮯ ﻓﺎﺭﭼﯿﻮﻥ ﮐﺎ ﺍﺳﺘﻘﺒﺎﻝ ﮐﯿﺎ۔ ﺍﺱ ﭘﺮ ﭼﺎﺋﮯ ﮐﯽ ﺗﻌﺮﯾﻒ ﻣﯿﮟ ﺍﯾﮏ ﻗﺪﯾﻢ ﻧﻈﻢ ﮐﻨﺪﮦ ﺗﮭﯽ :
ﺍﻋﻠﯽٰ ﭼﺎﺋﮯ ﮐﯽ ﭘﺘﯽ ﻣﯿﮟ
ﺷﮑﻨﯿﮟ ﮨﻮﻧﯽ ﭼﺎﮨﯿﯿﮟ
ﺟﯿﺴﮯ ﮐﺴﯽ ﺗﺎﺭﺗﺎﺭ ﮐﮯ ﭼﻤﮍﮮ ﮐﮯ ﺟﻮﺗﮯ
ﻟﮩﺮﯾﮟ ﮨﻮﮞ
ﺟﯿﺴﮯ ﮐﺴﯽ ﺗﻮﺍﻧﺎ ﺑﯿﻞ ﮐﯽ ﮔﺮﺩﻥ ﮐﺎ ﻟﭩﮑﺘﺎ ﮔﻮﺷﺖ
ﯾﮧ ﯾﻮﮞ ﮐﮭِﻠﺘﯽ ﮨﻮ
ﺟﯿﺴﮯ ﮐﺴﯽ ﻭﺍﺩﯼ ﻣﯿﮟ ﺩﮬﻨﺪ ﺍﭨﮭﺘﯽ ﮨﮯ
ﯾﮧ ﯾﻮﮞ ﭼﻤﮑﺘﯽ ﮨﻮ
ﺟﯿﺴﮯ ﮐﺴﯽ ﺟﮭﯿﻞ ﭘﺮ ﺻﺒﺎ ﮐﺎ ﺟﮭﻮﻧﮑﺎ
ﯾﮧ ﺍﯾﺴﯽ ﻣﻼﺋﻢ ﺍﻭﺭ ﻧﻢ ﮨﻮ
ﺟﯿﺴﮯ ﺗﺎﺯﮦ ﺑﺎﺭﺵ ﮐﮯ ﺑﻌﺪ ﺯﻣﯿﻦ
ﺍﺱ ﺳﮯ ﻗﺒﻞ ﯾﻮﺭﭖ ﻣﯿﮟ ﺳﻤﺠﮭﺎ ﺟﺎﺗﺎ ﺗﮭﺎ ﮐﮧ ﺳﺒﺰ ﭼﺎﺋﮯ ﺍﻭﺭ ﮐﺎﻟﯽ ﭼﺎﺋﮯ ﮐﮯ ﭘﻮﺩﮮ ﺍﻟﮓ ﺍﻟﮓ ﮨﻮﺗﮯ ﮨﯿﮟ۔ ﻟﯿﮑﻦ ﯾﮧ ﺩﯾﮑﮫ ﮐﺮ ﻓﺎﺭﭼﯿﻮﻥ ﮐﯽ ﺣﯿﺮﺕ ﮐﯽ ﺍﻧﺘﮩﺎ ﻧﮧ ﺭﮨﯽ ﮐﮧ ﺩﻭﻧﻮﮞ ﺍﻗﺴﺎﻡ ﮐﯽ ﭼﺎﺋﮯ ﺍﯾﮏ ﮨﯽ ﭘﻮﺩﮮ ﺳﮯ ﺣﺎﺻﻞ ﮐﯽ ﺟﺎﺗﯽ ﮨﮯ۔ ﺍﺻﻞ ﻓﺮﻕ ﺩﻭﻧﻮﮞ ﮐﮯ ﺳﮑﮭﺎﻧﮯ ﺍﻭﺭ ﭘﮑﺎﻧﮯ ﮐﮯ ﻃﺮﯾﻘﻮﮞ ﻣﯿﮟ ﮨﮯ۔
ﻓﺎﺭﭼﯿﻮﻥ ﯾﮩﺎﮞ ﭼﺎﺋﮯ ﺑﻨﻨﮯ ﮐﮯ ﮨﺮ ﻣﺮﺣﻠﮯ ﮐﺎ ﮔﮩﺮﺍ ﻣﮕﺮ ﺧﺎﻣﻮﺵ ﻣﺸﺎﮨﺪﮦ ﮐﺮﺗﺎ ﺭﮨﺎ ﺍﻭﺭ ﻧﻮﭨﺲ ﻟﯿﺘﺎ ﺭﮨﺎ۔ ﺍﮔﺮ ﺍﺳﮯ ﮐﺴﯽ ﺑﺎﺕ ﮐﯽ ﺳﻤﺠﮫ ﻧﮩﯿﮟ ﺁﺗﯽ ﺗﮭﯽ ﺗﻮ ﻭﮦ ﺍﭘﻨﮯ ﺭﮨﺒﺮ ﮐﯽ ﻭﺳﺎﻃﺖ ﺳﮯ ﭘﻮﭼﮫ ﻟﯿﺘﺎ ﺗﮭﺎ۔
ﺳﻨﮕﯿﻦ ﻏﻠﻄﯽ ﺟﻮ ﺧﻮﺵ ﻗﺴﻤﺘﯽ ﻣﯿﮟ ﺑﺪﻝ ﮔﺌﯽ
ﻓﺎﺭﭼﯿﻮﻥ ﮐﯽ ﻣﺤﻨﺖ ﺭﻧﮓ ﻻﺋﯽ ﺍﻭﺭ ﺑﺎﻵﺧﺮ ﻭﮦ ﺣﮑﺎﻡ ﮐﯽ ﺁﻧﮑﮫ ﺑﭽﺎ ﮐﺮ ﭼﺎﺋﮯ ﮐﮯ ﭘﻮﺩﮮ ، ﺑﯿﺞ ﺍﻭﺭ ﭼﻨﺪ ﻣﺰﺩﻭﺭ ﺑﮭﯽ ﮨﻨﺪﻭﺳﺘﺎﻥ ﺳﻤﮕﻞ ﮐﺮﻧﮯ ﻣﯿﮟ ﮐﺎﻣﯿﺎﺏ ﮨﻮ ﮔﯿﺎ۔ ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﻧﮯ ﺍﺱ ﮐﯽ ﻧﮕﺮﺍﻧﯽ ﻣﯿﮟ ﺁﺳﺎﻡ ﮐﮯ ﻋﻼﻗﮯ ﻣﯿﮟ ﯾﮧ ﭘﻮﺩﮮ ﺍﮔﺎﻧﺎ ﺷﺮﻭﻉ ﮐﺮ ﺩﯾﮯ۔
ﻟﯿﮑﻦ ﺍﻧﮭﻮﮞ ﻧﮯ ﺍﺱ ﻣﻌﺎﻣﻠﮯ ﻣﯿﮟ ﺍﯾﮏ ﺳﻨﮕﯿﻦ ﻏﻠﻄﯽ ﮐﺮ ﺩﯼ ﺗﮭﯽ۔
ﻓﺎﺭﭼﯿﻮﻥ ﺟﻮ ﭘﻮﺩﮮ ﻟﮯ ﮐﺮ ﺁﯾﺎ ﺗﮭﺎ ﻭﮦ ﭼﯿﻦ ﮐﮯ ﺑﻠﻨﺪ ﻭ ﺑﺎﻻ ﭘﮩﺎﮌﯼ ﺳﻠﺴﻠﻮﮞ ﮐﮯ ﭨﮭﻨﮉﮮ ﻣﻮﺳﻤﻮﮞ ﮐﮯ ﻋﺎﺩﯼ ﺗﮭﮯ۔ ﺁﺳﺎﻡ ﮐﯽ ﮔﺮﻡ ﻣﻮﻃﻮﺏ ﮨﻮﺍ ﺍﻧﮭﯿﮟ ﺭﺍﺱ ﻧﮩﯿﮟ ﺁﺋﯽ ﺍﻭﺭ ﻭﮦ ﺍﯾﮏ ﮐﮯ ﺑﻌﺪ ﺍﯾﮏ ﮐﺮ ﮐﮯ ﺳﻮﮐﮭﺘﮯ ﭼﻠﮯ ﮔﺌﮯ۔
ﺍﺱ ﺳﮯ ﻗﺒﻞ ﮐﮧ ﯾﮧ ﺗﻤﺎﻡ ﻣﺸﻘﺖ ﺑﮯﺳﻮﺩ ﭼﻠﯽ ﺟﺎﺗﯽ ، ﺍﺳﯽ ﺩﻭﺭﺍﻥ ﺍﯾﮏ ﻋﺠﯿﺐ ﻭ ﻏﺮﯾﺐ ﺍﺗﻔﺎﻕ ﮨﻮﺍ۔
ﺍﺳﮯ ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﮐﯽ ﺧﻮﺵ ﻗﺴﻤﺘﯽ ﮐﮩﯿﮯ ﯾﺎ ﭼﯿﻦ ﮐﯽ ﺑﺪﻗﺴﻤﺘﯽ ﮐﮧ ﺍﺳﯽ ﺩﻭﺭﺍﻥ ﺍﺱ ﮐﮯ ﺳﺎﻣﻨﮯ ﺁﺳﺎﻡ ﻣﯿﮟ ﺍﮔﻨﮯ ﻭﺍﻟﮯ ﺍﯾﮏ ﭘﻮﺩﮮ ﮐﺎ ﻣﻌﺎﻣﻠﮧ ﺳﺎﻣﻨﮯ ﺁﯾﺎ۔
ﺍﺱ ﭘﻮﺩﮮ ﮐﻮ ﺍﯾﮏ ﺳﮑﺎﭨﺶ ﺳﯿﺎﺡ ﺭﺍﺑﺮﭦ ﺑﺮﻭﺱ ﻧﮯ 1823 ﻣﯿﮟ ﺩﺭﯾﺎﻓﺖ ﮐﯿﺎ ﺗﮭﺎ۔ ﭼﺎﺋﮯ ﺳﮯ ﻣﻠﺘﺎ ﺟﻠﺘﺎ ﻣﻘﺎﻣﯽ ﭘﻮﺩﺍ ﺁﺳﺎﻡ ﮐﮯ ﭘﮩﺎﮌﯼ ﻋﻼﻗﻮﮞ ﻣﯿﮟ ﺟﻨﮕﻠﯽ ﺟﮭﺎﮌﯼ ﮐﯽ ﺣﯿﺜﯿﺖ ﺳﮯ ﺍﮔﺘﺎ ﺗﮭﺎ۔ ﺗﺎﮨﻢ ﺯﯾﺎﺩﮦ ﺗﺮ ﻣﺎﮨﺮﯾﻦ ﮐﮯ ﻣﻄﺎﺑﻖ ﺍﺱ ﺳﮯ ﺑﻨﻨﮯ ﻭﺍﻻ ﻣﺸﺮﻭﺏ ﭼﺎﺋﮯ ﺳﮯ ﮐﻤﺘﺮ ﺗﮭﺎ۔
ﻓﺎﺭﭼﯿﻮﻥ ﮐﮯ ﭘﻮﺩﻭﮞ ﮐﯽ ﻧﺎﮐﺎﻣﯽ ﮐﮯ ﺑﻌﺪ ﮐﻤﭙﻨﯽ ﻧﮯ ﺍﭘﻨﯽ ﺗﻮﺟﮧ ﺁﺳﺎﻡ ﮐﮯ ﺍﺱ ﭘﻮﺩﮮ ﭘﺮ ﻣﺮﮐﻮﺯ ﮐﺮ ﺩﯼ۔ ﻓﺎﺭﭼﯿﻮﻥ ﻧﮯ ﺟﺐ ﺍﺱ ﭘﺮ ﺗﺤﻘﯿﻖ ﮐﯽ ﺗﻮ ﻣﻌﻠﻮﻡ ﮨﻮﺍ ﮐﮧ ﯾﮧ ﭼﯿﻨﯽ ﭼﺎﺋﮯ ﮐﮯ ﭘﻮﺩﮮ ﺳﮯ ﺑﮯﺣﺪ ﻗﺮﯾﺐ ﮨﮯ ، ﺑﻠﮑﮧ ﺍﻥ ﮐﯽ ﻧﺴﻞ ﺍﯾﮏ ﮨﯽ ﮨﮯ۔
ﭼﯿﻦ ﺳﮯ ﺳﻤﮕﻞ ﺷﺪﮦ ﭼﺎﺋﮯ ﮐﯽ ﭘﯿﺪﺍﻭﺍﺭ ﺍﻭﺭ ﭘﺘﯽ ﮐﯽ ﺗﯿﺎﺭﯼ ﮐﯽ ﭨﯿﮑﻨﺎﻟﻮﺟﯽ ﺍﻭﺭ ﺗﺮﺑﯿﺖ ﯾﺎﻓﺘﮧ ﮐﺎﺭﮐﻦ ﺑﮯ ﺣﺪ ﮐﺎﺭﺁﻣﺪ ﺛﺎﺑﺖ ﮨﻮﺋﮯ۔ ﺟﺐ ﺍﻥ ﻃﺮﯾﻘﻮﮞ ﮐﮯ ﻣﻄﺎﺑﻖ ﭘﺘﯽ ﺗﯿﺎﺭ ﮐﯽ ﮔﺌﯽ ﺗﻮ ﺗﺠﺮﺑﺎﺕ ﮐﮯ ﺩﻭﺭﺍﻥ ﻟﻮﮔﻮﮞ ﻧﮯ ﺍﺳﮯ ﺧﺎﺻﺎ ﭘﺴﻨﺪ ﮐﺮﻧﺎ ﺷﺮﻭﻉ ﮐﺮ ﺩﯾﺎ۔
ﺍﻭﺭ ﯾﻮﮞ ﮐﺎﺭﭘﻮﺭﯾﭧ ﺩﻧﯿﺎ ﮐﯽ ﺗﺎﺭﯾﺦ ﻣﯿﮟ ﺍﻧﭩﯿﻠﯿﮑﭽﻮﺋﻞ ﭘﺮﺍﭘﺮﭨﯽ ﮐﯽ ﺳﺐ ﺳﮯ ﺑﮍﯼ ﭼﻮﺭﯼ ﻧﺎﮐﺎﻡ ﮨﻮﺗﮯ ﮨﻮﺗﮯ ﺑﮭﯽ ﮐﺎﻣﯿﺎﺏ ﮨﻮ ﮔﺌﯽ۔
ﺩﯾﺴﯽ ﭼﺎﺋﮯ ﮐﯽ ﮐﺎﻣﯿﺎﺑﯽ ﮐﮯ ﺑﻌﺪ ﮐﻤﭙﻨﯽ ﻧﮯ ﺁﺳﺎﻡ ﮐﺎ ﺑﮍﺍ ﻋﻼﻗﮧ ﺍﺱ ﮨﻨﺪﻭﺳﺘﺎﻧﯽ ﭘﻮﺩﮮ ﮐﯽ ﮐﺎﺷﺖ ﮐﮯ ﻟﯿﮯ ﻣﺨﺘﺺ ﮐﺮ ﮐﮯ ﺍﺱ ﮐﯽ ﺗﺠﺎﺭﺕ ﮐﺎ ﺁﻏﺎﺯ ﮐﺮ ﺩﯾﺎ ﺍﻭﺭ ﺍﯾﮏ ﻋﺸﺮﮮ ﮐﮯ ﺍﻧﺪﺭ ﯾﮩﺎﮞ ﮐﯽ ﭘﯿﺪﺍﻭﺍﺭ ﻧﮯ ﭼﯿﻦ ﮐﻮ ﻣﻘﺪﺍﺭ ، ﻣﻌﯿﺎﺭ ﺍﻭﺭ ﻗﯿﻤﺖ ﺗﯿﻨﻮﮞ ﻣﻌﺎﻣﻼﺕ ﻣﯿﮟ ﭘﯿﭽﮭﮯ ﭼﮭﻮﮌ ﺩﯾﺎ۔
ﺑﺮﺁﻣﺪ ﻣﯿﮟ ﮐﻤﯽ ﮐﮯ ﺑﺎﻋﺚ ﭼﯿﻦ ﮐﮯ ﭼﺎﺋﮯ ﮐﮯ ﺑﺎﻏﺎﺕ ﺧﺸﮏ ﮨﻮﻧﮯ ﻟﮕﮯ ﺍﻭﺭ ﻭﮦ ﻣﻠﮏ ﺟﻮ ﭼﺎﺋﮯ ﮐﮯ ﻟﯿﮯ ﻣﺸﮩﻮﺭ ﺗﮭﺎ ، ﺍﯾﮏ ﮐﻮﻧﮯ ﻣﯿﮟ ﺳﻤﭧ ﮐﺮ ﺭﮦ ﮔﯿﺎ۔
ﺍﺻﻞ ﭼﺎﺋﮯ ﮐﯽ ﺑﺠﺎﺋﮯ ’ ﺳﯿﺎﻝ ﺣﻠﻮﮦ ‘
ﺍﻧﮕﺮﯾﺰﻭﮞ ﻧﮯ ﭼﺎﺋﮯ ﺑﻨﺎﻧﮯ ﻣﯿﮟ ﺍﯾﮏ ’ ﺑﺪﻋﺖ ‘ ﻣﺘﻌﺎﺭﻑ ﮐﺮﻭﺍ ﺩﯼ۔ ﭼﯿﻨﯽ ﺗﻮ ﮨﺰﺍﺭﻭﮞ ﺑﺮﺱ ﺳﮯ ﮐﮭﻮﻟﺘﮯ ﭘﺎﻧﯽ ﻣﯿﮟ ﭘﺘﯽ ﮈﺍﻝ ﮐﺮ ﭘﯿﺎ ﮐﺮﺗﮯ ﺗﮭﮯ ، ﺍﻧﮕﺮﯾﺰﻭﮞ ﻧﮯ ﺍﺱ ﻣﺸﺮﻭﺏ ﻣﯿﮟ ﭘﮩﻠﮯ ﭼﯿﻨﯽ ﺍﻭﺭ ﺑﻌﺪ ﻣﯿﮟ ﺩﻭﺩﮪ ﮈﺍﻟﻨﺎ ﺷﺮﻭﻉ ﮐﺮ ﺩﯾﺎ۔
ﺳﭻ ﺗﻮ ﯾﮧ ﮨﮯ ﮐﮧ ﺁﺝ ﺑﮭﯽ ﭼﯿﻨﯿﻮﮞ ﮐﻮ ﯾﮧ ﺑﺎﺕ ﻋﺠﯿﺐ ﻟﮕﺘﯽ ﮨﮯ ﮐﮧ ﭼﺎﺋﮯ ﻣﯿﮟ ﮐﺴﯽ ﺍﻭﺭ ﭼﯿﺰ ﮐﯽ ﺁﻣﯿﺰﺵ ﮐﯽ ﺟﺎﺋﮯ۔ ﺟﮩﺎﮞ ﮨﻨﺪﻭﺳﺘﺎﻧﯿﻮﮞ ﻧﮯ ﺍﻧﮕﺮﯾﺰﻭﮞ ﮐﯽ ﺩﻭﺳﺮﯼ ﺑﮩﺖ ﺳﯽ ﻋﺎﺩﺍﺕ ﺍﭘﻨﺎ ﻟﯿﮟ ، ﻭﮨﯿﮟ ﻭﮦ ﺍﭘﻨﮯ ﺣﮑﻤﺮﺍﻧﻮﮞ ﮐﯽ ﺩﯾﮑﮭﺎ ﺩﯾﮑﮭﯽ ﭼﺎﺋﮯ ﻣﯿﮟ ﺑﮭﯽ ﯾﮧ ﻣﻼﻭﭨﯿﮟ ﮐﺮﻧﮯ ﻟﮕﮯ۔
ﺍﺭﺩﻭ ﮐﮯ ﺻﺎﺣﺐِ ﻃﺮﺯ ﺍﺩﯾﺐ ﻭ ﺩﺍﻧﺸﻮﺭ ﻣﻮﻻﻧﺎ ﺍﺑﻮﺍﻟﮑﻼﻡ ﺁﺯﺍﺩ ﺍﭘﻨﯽ ﮐﺘﺎﺏ ’ ﻏﺒﺎﺭِ ﺧﺎﻃﺮ ‘ ﻣﯿﮟ ﺍﺱ ﺑﺎﺭﮮ ﻣﯿﮟ ﻟﮑﮭﺘﮯ ﮨﯿﮟ :
’ ﭼﺎﺋﮯ ﭼﯿﻨﯿﻮﮞ ﮐﯽ ﭘﯿﺪﺍﻭﺍﺭ ﮨﮯ ﺍﻭﺭ ﭼﯿﻨﯿﻮﮞ ﮐﯽ ﺗﺼﺮﯾﺢ ﮐﮯ ﻣﻄﺎﺑﻖ ﭘﻨﺪﺭﮦ ﺳﻮ ﺑﺮﺱ ﺳﮯ ﺍﺳﺘﻌﻤﺎﻝ ﮐﯽ ﺟﺎ ﺭﮨﯽ ﮨﮯ ﻟﯿﮑﻦ ﻭﮨﺎﮞ ﮐﺴﯽ ﮐﮯ ﺧﻮﺍﺏ ﻭ ﺧﯿﺎﻝ ﻣﯿﮟ ﺑﮭﯽ ﯾﮧ ﺑﺎﺕ ﻧﮩﯿﮟ ﮔﺰﺭﯼ ﮐﮧ ﺍﺱ ﺟﻮﮨﺮِ ﻟﻄﯿﻒ ﮐﻮ ﺩﻭﺩﮪ ﮐﯽ ﮐﺜﺎﻓﺖ ﺳﮯ ﺁﻟﻮﺩﮦ ﮐﯿﺎ ﺟﺎ ﺳﮑﺘﺎ ﮨﮯ۔۔۔ ﻣﮕﺮ ﺳﺘﺮﮬﻮﯾﮟ ﺻﺪﯼ ﻣﯿﮟ ﺟﺐ ﺍﻧﮕﺮﯾﺰ ﺍﺱ ﺳﮯ ﺁﺷﻨﺎ ﮨﻮﺋﮯ ﺗﻮ ﻧﮩﯿﮟ ﻣﻌﻠﻮﻡ ﺍﻥ ﻟﻮﮔﻮﮞ ﮐﻮ ﮐﯿﺎ ﺳﻮﺟﮭﯽ ﮐﮧ ﺍﻧﮭﻮﮞ ﻧﮯ ﺩﻭﺩﮪ ﻣﻼﻧﮯ ﮐﯽ ﺑﺪﻋﺖ ﺍﯾﺠﺎﺩ ﮐﯽ۔ ﺍﻭﺭ ﭼﻮﻧﮑﮧ ﮨﻨﺪﻭﺳﺘﺎﻥ ﻣﯿﮟ ﭼﺎﺋﮯ ﮐﺎ ﺭﻭﺍﺝ ﺍﻧﮭﯽ ﮐﮯ ﺫﺭﯾﻌﮯ ﮨﻮﺍ ، ﺍﺱ ﻟﯿﮯ ﯾﮧ ﺑﺪﻋﺖِ ﺳﯿﺌﮧ ﯾﮩﺎﮞ ﺑﮭﯽ ﭘﮭﯿﻞ ﮔﺌﯽ ، ﺭﻓﺘﮧ ﺭﻓﺘﮧ ﻣﻌﺎﻣﻠﮧ ﯾﮩﺎﮞ ﺗﮏ ﭘﮩﻨﭽﺎ ﮐﮧ ﻟﻮﮒ ﭼﺎﺋﮯ ﻣﯿﮟ ﺩﻭﺩﮪ ﮈﺍﻟﻨﮯ ﮐﯽ ﺑﺠﺎﺋﮯ ﺩﻭﺩﮪ ﻣﯿﮟ ﭼﺎﺋﮯ ﮈﺍﻝ ﮐﺮ ﭘﯿﻨﮯ ﻟﮕﮯ۔۔۔
’ ﻟﻮﮒ ﭼﺎﺋﮯ ﮐﯽ ﺟﮕﮧ ﺍﯾﮏ ﻃﺮﺡ ﮐﺎ ﺳﯿﺎﻝ ﺣﻠﻮﮦ ﺑﻨﺎﺗﮯ ﮨﯿﮟ ، ﮐﮭﺎﻧﮯ ﮐﯽ ﺟﮕﮧ ﭘﯿﺘﮯ ﮨﯿﮟ ﺍﻭﺭ ﺧﻮﺵ ﮨﻮﺗﮯ ﮨﯿﮟ ﮐﮧ ﮨﻢ ﻧﮯ ﭼﺎﺋﮯ ﭘﯽ ﻟﯽ۔ ﺍﻥ ﻧﺎﺩﺍﻧﻮﮞ ﺳﮯ ﮐﻮﻥ ﮐﮩﮯ
ﮨﺎﺋﮯ ﮐﻢ ﺑﺨﺖ ﺗﻢ ﻧﮯ ﭘﯽ ﮨﯽ ﻧﮩﯿﮟ ‘!
ﺍﻣﺮﯾﮑﯽ ﺍﻧﻘﻼﺏ ﻣﯿﮟ ﮨﻨﺪﻭﺳﺘﺎﻥ ﮐﺎ ﮐﺮﺩﺍﺭ؟
ﭼﺎﺋﮯ ﮐﯽ ﮐﮩﺎﻧﯽ ﻣﯿﮟ ﮨﻨﺪﻭﺳﺘﺎﻥ ﮐﮯ ﺍﮨﻢ ﮐﺮﺩﺍﺭ ﮐﺎ ﺍﯾﮏ ﺛﺒﻮﺕ ﺍﻧﮉﯾﺎ ﮐﮯ ﺳﺎﺑﻖ ﻭﺯﯾﺮِ ﺍﻋﻈﻢ ﺭﺍﺟﯿﻮ ﮔﺎﻧﺪﮬﯽ ﻧﮯ 1985 ﻣﯿﮟ ﺍﻣﺮﯾﮑﮧ ﮐﮯ ﺩﻭﺭﮮ ﮐﮯ ﺩﻭﺭﺍﻥ ﭘﯿﺶ ﮐﯿﺎ ﺟﺐ ﺍﻧﮭﻮﮞ ﻧﮯ ﮐﺎﻧﮕﺮﯾﺲ ﮐﮯ ﻣﺸﺘﺮﮐﮧ ﺍﺟﻼﺱ ﺳﮯ ﺧﻄﺎﺏ ﮐﺮﺗﮯ ﮨﻮﺋﮯ ﮐﮩﺎ ﮐﮧ ﺍﻧﮉﯾﺎ ﻣﯿﮟ ﭘﯿﺪﺍ ﮨﻮﻧﮯ ﻭﺍﻟﯽ ﭼﺎﺋﮯ ﻧﮯ ﺍﻣﺮﯾﮑﯿﻮﮞ ﮐﯽ ﺑﺮﻃﺎﻧﯿﮧ ﺳﮯ ﺁﺯﺍﺩﯼ ﮐﮯ ﺟﺬﺑﮯ ﮐﻮ ﮨﻮﺍ ﺩﯼ ﺗﮭﯽ۔
ﺍﻥ ﮐﺎ ﺍﺷﺎﺭﮦ 1773 ﮐﯽ ﻃﺮﻑ ﺗﮭﺎ ﺟﺐ ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﺍﻣﺮﯾﮑﮧ ﻣﯿﮟ ﭼﺎﺋﮯ ﻓﺮﻭﺧﺖ ﮐﺮﺗﯽ ﺗﮭﯽ ﻟﯿﮑﻦ ﭨﯿﮑﺲ ﺍﺩﺍ ﻧﮩﯿﮟ ﮐﺮﺗﯽ ﺗﮭﯽ۔ ﺁﺧﺮ ﺗﻨﮓ ﺁ ﮐﺮ ﺍﯾﮏ ﺩﻥ ﮐﭽﮫ ﺍﻣﺮﯾﮑﯿﻮﮞ ﻧﮯ ﺑﻮﺳﭩﻦ ﮐﮯ ﺳﺎﺣﻞ ﭘﺮ ﮐﮭﮍﮮ ﺑﺤﺮﯼ ﺟﮩﺎﺯ ﭘﺮ ﭼﮍﮪ ﮐﺮ ﮐﻤﭙﻨﯽ ﮐﯽ ﻣﻠﮑﯿﺘﯽ ﭼﺎﺋﮯ ﮐﯽ ﭘﯿﭩﯿﺎﮞ ﺳﻤﻨﺪﺭ ﻣﯿﮟ ﭘﮭﯿﻨﮏ ﺩﯾﮟ۔ ﺑﺮﻃﺎﻧﻮﯼ ﺣﮑﻮﻣﺖ ﻧﮯ ﺍﺱ ﮐﺎ ﺟﻮﺍﺏ ’ ﺁﮨﻨﯽ ﮨﺎﺗﮭﻮﮞ ‘ ﺳﮯ ﺩﯾﺎ ﺟﺲ ﺳﮯ ﺍﻣﺮﯾﮑﯽ ﻧﻮﺁﺑﺎﺩﯼ ﻣﯿﮟ ﻭﮦ ﺑﮯﭼﯿﻨﯽ ﭘﮭﯿﻠﯽ ﮐﮧ ﺑﺎﻵﺧﺮ ﺗﯿﻦ ﺳﺎﻝ ﺑﻌﺪ ﺍﻣﺮﯾﮑﯽ ﺁﺯﺍﺩﯼ ﭘﺮ ﺍﺧﺘﺘﺎﻡ ﭘﺬﯾﺮ ﮨﻮﺋﯽ۔
ﺗﺎﮨﻢ ﺟﯿﺴﮯ ﮐﮧ ﺍﻭﭘﺮ ﺑﯿﺎﻥ ﮐﺮﺩﮦ ﮐﮩﺎﻧﯽ ﺳﮯ ﻭﺍﺿﺢ ﮨﻮ ﮔﯿﺎ ﮨﻮ ﮔﺎ ، ﺭﺍﺟﯿﻮ ﮔﺎﻧﺪﮬﯽ ﮐﻮ ﻏﻠﻂ ﻓﮩﻤﯽ ﮨﻮﺋﯽ ﺗﮭﯽ۔ 18 ﻭﯾﮟ ﺻﺪﯼ ﻣﯿﮟ ﮨﻨﺪﻭﺳﺘﺎﻧﯿﻮﮞ ﻧﮯ ﭼﺎﺋﮯ ﺍﮔﺎﻧﺎ ﻧﮩﯿﮟ ﺷﺮﻭﻉ ﮐﯽ ﺗﮭﯽ ﺍﻭﺭ ﺍﯾﺴﭧ ﺍﻧﮉﯾﺎ ﮐﻤﭙﻨﯽ ﭼﯿﻦ ﺳﮯ ﺑﺮﺍﮦِ ﺭﺍﺳﺖ ﭼﺎﺋﮯ ﺧﺮﯾﺪﺗﯽ ﺗﮭﯽ۔
ﯾﮩﯽ ﻭﺟﮧ ﮨﮯ ﮐﮧ ﻧﺮﯾﻨﺪﺭ ﻣﻮﺩﯼ ﻧﮯ ﺟﺐ 2016 ﻣﯿﮟ ﮐﺎﻧﮕﺮﯾﺲ ﺳﮯ ﻃﻮﯾﻞ ﺧﻄﺎﺏ ﮐﯿﺎ ، ﻟﯿﮑﻦ ﺍﻧﮭﻮﮞ ﻧﮯ ﺍﺱ ﺩﻭﺭﺍﻥ ﭼﺎﺋﮯ ﮐﺎ ﺫﮐﺮ ﻧﮩﯿﮟ ﮐﯿﺎ۔ ﺣﺎﻻﻧﮑﮧ ﺑﻌﺾ ﻟﻮﮔﻮﮞ ﮐﮯ ﻣﻄﺎﺑﻖ ﭼﺎﺋﮯ ﺳﮯ ﺍﭘﻨﮯ ﭘﺮﺍﻧﮯ ﺗﻌﻠﻖ ﮐﯽ ﺑﻨﺎ ﭘﺮ ﺍﺱ ﻣﻌﺎﻣﻠﮯ ﭘﺮ ﺍﻥ ﮐﺎ ﺣﻖ ﺍﭘﻨﮯ ﭘﯿﺶ ﺭﻭ ﺭﺍﺟﯿﻮ ﮔﺎﻧﺪﮬﯽ ﺳﮯ ﮐﮩﯿﮟ ﺯﯾﺎﺩﮦ ﺗﮭﺎ !
.
Reply With Quote
leezuka389 said:
Bookmarks