السلام علیکم آئی ٹی دنیا کے معزز ممبران و اراکین۔۔۔۔۔۔۔۔
چند دن قبل میں نےسافٹ ویئر رجسٹریشن کے مسئلے کو لے کر ایک تھریڈ لکھا تھا جسمیں بندہ نے آئی ٹی دنیا کے سامنے ایک عرض گذاری تھی کہ سافٹ ویئر کی رجسٹریشن کی وجہ سے بہت سارے حضرات کو پریشانی کا سامنا کرنا پڑتا ہے تو کیوں نہ اس بات کو یقینی بنا یا جائے کہ اوپن سورس سافٹ ویئر کو ہی آئی ٹی دنیا پر شیئر کیا جائےاور ساتھ ہی بندہ نے ایک اوپن سورس سافٹ کلیکشن سرور سائٹ کا لنک بھی دیا تھا۔جس پر شاہین لطیف صاحب نے کمال الطاف سے کام لیتے ہوئے بندہ کی اصلاح فرماتے ہوئے کہا کہ بھیا جس سائٹ کا آپ نے لنک دیا ہے ۔اس کے بارے میں ایک مفصل منظر نامہ پیش کریں تاکہ آئی ٹی دنیا کے معزز اراکین کو اس سائٹ کے استعمال بارے صحیح آگاہی ہو ۔اس سائٹ سے منسلک خطرات ،فائدے ،طریقہ استعمال اور جو جو مبتدی حضرات کیلئے ضروری ہوتا ہے وہ سب کا سب۔وقت کی کمی کا شکار ہوں لیکن حکم نامے کی تعمیل بھی ضروری تھی سو آج آپ حضرات کی خدمت میں کچھ اور معروضات اس ویب سائٹ کے موضوع پر لے کر حاضر ہوا ہوں۔اللہ پاک سے التجا ہے کہ مجھے صحیح طور پورے شرح صدر کے ساتھ آپ حضرات کے سامنے اپنا مدعا رکھنے کی توفیق عطا فرمائیں۔آمین یا رب العٰا لمین۔
یہ اوپن سورس سافٹ ویئر کیا ہیں ؟اس بارے میں یا تو کوئی اور معزز بہن یا بھائی آئی ٹی دنیا کو اپنے باوقار علم سے روشنا س کروائیں یا پھر طالب علم کو تھوڑا وقت دیں۔امید واثق ہے کہ آئی ٹی دنیا جیسے اردو زبان کے مایہ ناز فورم پر اوپن سورس سافٹ ویئر کے بارے میں پہلے سے ہی اس چمن کی کسی بلبل نے کو ئی نہ کوئی زمزمہ پردازی ضرور کی ہوگی۔موڈیویٹرز یا پھر جاننے والے حضرات اُس پوسٹ کالنک اِس تھریڈ کے ریپلائی میں دے دیں تاکہ جو جو معزز اراکین اوپن سورس سافٹ ویئر کے بارے میں تفصیل سے جاننا چاہیں وہ فوراََ اس بارےمیں اپنے علم کو جلا بخش سکیں شکریہ۔
تو چلیں جی پڑھ لیں بسم اللہ الرحمٰن الرحیم اور ایک بار درود پاک رحمت العا لمینﷺ کی ذات با برکات پر پڑھ لیں تاکہ اللہ پاک اس علم کو ہمارے لیے علم نافع بنائیں۔
سب سے پہلےویب سائٹ کا لنک ملاحظہ فرمائیں
جیسا میں کہ اوپر عرض کر چکا ہوں کہ یہ ایک اوپن سورس سافٹ ویئر کلیکشن سرور ہے ۔جہاں پر آپ اوپن سورس سافٹ ویئرز کو ایک ہی جگہ پر ڈھونڈ سکتے ہیں ۔چلیں جی کھولتے ہیں ویب سائٹ کا ہوم
پیج یہ رہا اسکا ہوم پیچ سکرین شاٹ جو آپ دیکھ سکتے ہیں ۔
اب چونکہ ہم نے کسی خاص سافٹ ویئر کو نہیں ڈھونڈنا اور نہ ہی ہمیں کسی سافٹ ویئر کے نام کا اس وقت علم ہے تو ہم کیٹاگری سے شروع کرتے ہیں کسی سافٹ ویئر کو ڈھونڈنا۔اب کیٹا گری میں بھی کافی سارے میں سیکشنز ہیں مشہور آئی ٹی اصطلاحات کے ساتھ یہاں آپ یہ سوچ لیں کہ آپ کوجو سافٹ ویئر چاہیے اس کا کس سیکشن سے تعلق ہوسکتا ہےہم چونکہ صرف سائٹ کو ضروری معلومات کیلئے وزٹ کررہے ہیں تو ہم ایک فرضی سافٹ ویئر ڈاؤن لوڈ کرتے ہیں تاکہ سب حضرات کو ڈاؤن لوڈنگ کے طریقہ کار کا بھی علم ہوسکے۔چلیں جی ہم یوٹیلیٹیز سیکشن پر کلک کرتے ہیں۔سکرین شاٹ ملاحظہ فرمائیں۔
اسکے بعد آپ کے سامنے جوپیچ کھلا ہے وہاں ہم دیکھ سکتے کہ یہاں یوٹیلٹیز سیکشن کے کافی سارے سب سیکشنز ہیں اپنے کام کے حساب سے بالکل آئی ٹی دنیاکی طرح ۔یہاں اپنی ضرورت کے حسا ب سے اپنے سب سیکشن کا انتخاب کر سکتے ہیں ۔اب ہم نے چونکہ کسی سب سیکشن میں نہیں جانا ہے تو ہم اس پیچ پر موجود نیو اپڈیٹڈ یوٹیلیٹیز ٹائٹل کے نیچے موجود پروگرامز دیکھتے ہیں ۔سکرین شاٹ ملاحظہ فرمائیں۔
اب ہم سکرین کو نیچے کی جانب سکرول کریں گے ۔یہاں پر ہم وائز میموری آپٹیمائزر پرکلک کریں گے سکرین شاٹ ملاحظہ فرمائیں
اب ہم کھلنے والے پیچ میں دیکھ سکتے ہیں کہ ڈاؤن لوڈ آپشن ہمارے سامنے ہے اور ساتھ ہی ساتھ کچھ اور معلومات بھی جیسے لائسنس فری ،سافٹ ویئر ہوم پیچ ،جدید ترین ورژن کی اپڈیٹنگ کی تاریخ اور بھی کافی ساری معلومات سافٹ ویئر کے بارے میں ہمارے سامنے ہیں جنہیں آپ سکرین شاٹ میں دیکھ سکتےہیں۔
اب اسکے بعد ہمارے سامنے جو پیج کھلے گا یہاں پر ڈاؤن لوڈ لنکس ہوں گے جو ایک یا ایک سے زیادہ بھی ہوسکتے ہیں۔سکرین شاٹ حاضر خدمت ہے ۔ہماری ڈاؤن لوڈنگ شروع ہوچکی ہے۔
اور اب آپ نیچے کے سکرین شاٹ میں ڈاؤن لوڈڈ سافٹ ویئر کودیکھ سکتے ہیں ۔
نوٹ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ ویب سائٹ کوکیز بیسڈ ہے ۔اپ جیسےہی ہوم پیج کھولیں گے پیچ کے نیچے ایک پیغام ابھرے گا جسکے آخر میں ایک پیلے رنگ کا اوکے کا بٹن ہوگا۔جو آپ سے اجازت مانگے گا کہ کیا آپ اس ویب سائٹ کو کوکیز استعمال کرنے کی اجازت دیتے ہیں ۔حتی الامکان کوشش کریں کہ اوکے کا بٹن پریس نہ کریں ۔بلکہ اسکی طرف دھیان ہی نہ دیں ۔وہ جہاں ہے اسے رہنے دیں۔کیونکہ سائٹ سرورز کوکیز کے ذریعے آپ کی معلومات (آپ کی ایکٹیوٹیز پر ) اکٹھی کرتےہیں۔ماہرین اسکے فائدہ مند ،نقصان دہ استعمال پر دو حصو ںمیں بٹے ہوئےہیں جیساکہ ہمیشہ سے ہوتاآیا ہے ۔کچھ سائبر ماہر اسکے حامی ہیں تو کچھ مخالف ہیں۔لیکن مارکیٹ میں کوکیز کلینرز کی موجودگی زبان حال سے کہتی ہے ۔
کچھ تو ہے جس کی پردہ داری ہے۔
یا د رکھیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر کوکیز بیسڈ سائٹس کوکیز سے صارفین کی مختلف النوع معلومات اکٹھی کرواتی ہیں ۔بعض سائٹس صارف سے اجازت مانگتی ہیں بعض نہیں ۔عالمی پروٹوکولز کے مطابق سائٹ کا کوکیز استعال کیلئےصار ف سے اجازت لینا ضروری ہے ۔اکثر سائٹس اس پروٹوکرول کا احترام کرتی ہیں ۔لیکن اس کی پابندی ہر سائٹ نہیں کرتی ہے(خاص کر ہمہ قسم اخلاقیات سے عاری موا د پر مبنی اور غیر قانونی کاموں میں ملوث سائٹس)بعض سائٹس صارف سےاجازت نہ ملنے کے باوجود سیکرٹ سکرپٹ سے یہ کام جاری رکھتی ہیں ۔خیر یہ پروگرامر پر منحصر ہے وہ اسے کس مقصد کیلئے استعمال کرتاہے۔اس لیے اگر آپ کسی کوکیز بیسڈ سائٹ کا وزٹ کرتے ہیں تو کسی اچھے براؤزر کلینر کو بعد میں ضرور استعمال کرلیں ۔جیسے کہ سی کیلنر،وغیرہ یا پھر اپنے براؤزر کے کلین ہسٹری آپشن (کنٹرول +شفٹ +ڈیلیٹ )سے اپنے براؤزر
کی ساری کوکیز آل ٹائم سلیکٹ کرکے کلین کر دیں۔سکرین شاٹ ملاحظہ فرمائیں۔
یہ تھا ہماری آج کی ویب سائٹ کا منظر نامہ امید ہے آپ حضرات کو پسند آیا ہوگا ۔اگر میں کسی بات کو واضح طو پر بتانے میں ناکام رہا تو اسکے لیے تہِ دل سے معذرت ۔آپ کے ریپلائیز و کمنٹس کا شدت سے انتظار رہے گا۔اگر پوسٹ پسند آئے تو لائک ضرور کیجئے گا۔
اوپن سورس سافٹ ویئر کی سب سے بڑی ویب سائٹ
Reply With Quote
Bookmarks