ٹول وائز کیئر دنیا کا نمبر ون اوپن سورس یوٹ

[waqasshahid]

السلام علیکم !آئی ٹی دنیا اللہ پاک کی رحمت سےامید ہے تمام اراکین صحت و ایمان کی سلامتی کے ساتھ ہوں گے۔
لیں جناب بندہ حسب وعدہ اوپن سورس سیریز کا آغاز آج کے اس منظر نامے سے شروع کر رہا ہے۔
صاحبان ذی وقار۔۔۔آج ہم جس سافٹ ویئر کے بارے میں پڑھ رہے ہیں وہ ایک ونڈوز اصلاح کار ( یوٹیلیٹی) سافٹ ویئر ہے ۔آپ نے ٹیون اپ یوٹیلٹیز،وائز کیئر 365،گلیری یوٹیلٹیزوغیرہ نامی سافٹ ویئر دیکھے اور استعمال کیے ہوں گے اگر آپ کو اُن سب کا متبادل مل جائے( بلکہ کئی حوالوں سےاُن سے بھی بہتر انتخاب) اور وہ بھی اوپن سورس تو کیا خیال ہے آپ حضرات کا ۔اسے کہتے ہیں

بندہ دے پلی دو پلی رحمان لنڈھا دے کپا

چلیں جی پڑھیں بسم اللہ الرحمٰن الرحیم اور سب سے پہلے تمام حضرات ایک بار محسن کائنا ت ﷺکی ذات بابرکات پر درود پاک پڑھ لیں تاکہ اللہ پاک اس علم کو ہمارے لیے علم نافع بنائیں ۔
معزز آئی ٹی دنیا !آج کے پیش کر دہ سافٹ ویئر کا نام ہے (ٹول وائزکیئر)یہ ایک کمال کا سافٹ ویئر ہے جو انتہائی کثیرالمقاصد ہے ۔یہ ٹول وائز کمپنی کا پروگرام ہے جو کل 7سے 8 ایم بی کا ہےاور یہ بور لینڈ ڈیلفی میں ڈیزائن کیا گیا ہے۔یہ تو جوں جوں آپ حضرات استعمال کریں گے توں توں آپ پر اسکے فوائد واضح ہوں گے ۔ورژ ن ہے 4.0.0.1200
لیں جی اب ہم اس میں دستیاب سہولیات کی بات کرتےہیں ۔

فیچرز(یوٹیلیٹی پروگرامز)۔
ٹائم فریز(ڈیپ فریز کا متبادل+آپ کے سسٹم کو ناپسندیدہ تبدیلیوں سے محفوظ بنانےکیلئے ) ۔
گیم بوسٹر( گیم سپیڈ پروگرام )۔
آئی کیئر( آنکھوں کی حفاظت کا پروگرام )۔
فائل لاکر(فائلز لاک کرنے کا پروگرام)۔
سٹارٹ اپ ڈیفنڈر (سٹارٹ اپ پروگرامز منیجر)۔
ریموٹ بیک اپ(آٹو میٹک آن لائن ڈیٹا بیک اپ)۔
ورچوئل سیف (دیٹا پرائیویسی)۔
ون کلک بیک اپ( تعین شدہ فائلوں کا بیک اپ)۔
پکچر ایڈیٹر (تصاویر کی ایڈیٹنگ کا پروگرام +سکرین شاٹ ایڈیٹر)۔
پاسورڈ منیجر(آپکے پاسورڈ ز کو محفوظ کرنے کا پروگرام)۔
ون کلک سسٹم چیکنگ(ہمہ قسم غیر ضروری فائلوں +کوکیز فائلزکوسسٹم سے صاف کرتا ہے،کلینر کی مدد سے آپ کے سسٹم کی کارکردگی میں بھی خاطر خواہ اضافہ ہوگا۔)۔
کلین اپ(رجسٹری کلین اپ +ڈسک کلین اپ+پرائیویسی کلین اپ+ڈسک اینالائزز)۔
سپیڈ اپ(ڈسک دیفارگ+سٹارٹ اپ آپٹیمائزر +سٹارٹ اپ رپورٹ+سسٹم آپٹیمائزر)۔
سکیورٹی( پلگ ان منیجر+نیٹ ورک منیجر+پراسس منیجر+سروس منیجر)۔
فائل شیرڈر(کسی بھی فائل کو ریکور ی کے قابل نہ رکھتے ہوئے ڈیلیٹ کرنا)۔
فائل سلپٹر(فائل کو ٹکڑوں میں بانٹنے اور پھر سے جوڑنے کا پروگرام)۔
ڈسک ڈاکٹر (ہارڈ کو سکین کر کے اسکی حالت بتانے کا پروگرام)۔
ڈپلیکیٹ فائل فائنڈر(ہارڈ پر موجود دوہری فائلو ں کو ڈھونڈنے اور انہیں ختم کرنے کاپروگرام)۔
فائل ریکوری( ڈیلیٹ فائلز کو ریکورکرنے کا پروگرام)۔
وائپ ڈسک (ڈیلیٹڈ فائلز کے کیشے کومیموری سے صاف کرنے کا پروگرام)۔
رجسٹری بیک اپ اینڈ ری سٹور(رجسٹری کو خاص حالت میں محفوظ کرنے اور لوٹانے کا پروگرام)۔
پاسورڈ جنریٹر (انتہائی محفوظ ہمہ قسم پاسورڈ بنانے کیلئے)۔
فائل انکرپشن /ڈی کرپشن ( کسی خاص فائل کو پاسورڈ لگانا اور ہٹانا)۔
رجسٹری ڈیفارگ(رجسٹری کی حالت کا تجزیہ کر نے کیلئے)۔
رننگ ڈرائیورز( سسٹم پر کون کون سے ڈرائیورز کام کر رہے ہیں دیکھنے کیلئے)۔
۔ریپئر نیٹ ورک (نیٹ ورک ریپئرنگ کیلئے)۔
کنٹیکسٹ منیجر (رائٹ کلک آپشنز کی ایڈیٹنگ کیلئے رجسٹری موڈ )۔
انٹر نیٹ ایکسپلورر(مذکورہ پروگرام کی سیٹنگز کیلئے رجسٹری موڈ)۔
سپر ایکسپلورر(سسٹم میں پروٹیکٹڈ/چھپائی فائلز کو دیکھنے کیلئے)۔
سپر رجسٹری (رجسٹری وائیور)۔
ایم بی آر بیک اپ اینڈ ری سٹور( سسٹم بوٹ سیکٹر منیجر)۔
سکرین شاٹ منیجر(سکرین شاٹ لینے کا پروگرام)۔
ایپ منیجر(پروگرام ان انسٹالر+پروگرامز ریکمنڈیٹر)۔
یہ تھا ہمارا چھوٹا سا پروگرام اور اسکی تفصیلات اب آپ اسکے سکرین شارٹش ملاحظہ فرمائیں۔

آنکھوں کی حفاظت کا پروگرام

سکرین شاٹ کیپچرنگ پروگرام

یہ ایک چھوٹا سا ٹول بار ہوگا جو سافت ویئر کی انسٹالیشن کے بعد ڈیسک ٹاپ پر سکرین کے اوپرظاہر ہوجائے گا ۔اپ سے ڈریک ڈروپ کرے کہیں بھی رکھ سکتے ہیں ۔اسکا سکرین شاٹ دیکھ لیں۔

جب اپ اس پر کلک کریں گے تو مندرجہ سکرین شاٹ فنگشن سامنے مندرجہ شکل میں آجائے گا۔
سکرین شاٹ ملاحظہ کریں ۔آپ سکرین شاٹ کو اسی موڈ میں(بغیر کسی ایڈیٹر کی معاونت کے ) کروپ بھی کر سکتےہیں۔جیسے ہی اپ اپنی مطلوبہ سکرین سیلیکٹ کر لیں گے تو اسکے نیچے ایک ٹول بار نمودار ہوگی جسے آپ مطلوبہ تفصیلات کے ساتھ سکرین شاٹ میں دیکھ سکتے ہیں ۔

سافٹ ویئر کو انسٹال کرنے کا طریقہ

نوٹ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ اس سافٹ ویئر کی مدد سے بھی کوکیز کلین کر سکتے ہیں۔مزید تفصیلا ت دیکھیں سافٹ ویئر کے کلین اپ ٹیب میں سے پرائیویسی کلین اپ ٹیب۔مزید سکرین شاٹ ملاحظہ فرمائیں

اس سافٹ ویئر کی اپڈیٹ اینڈ ویب سپورٹ بند کی جاچکی ہے ۔مطلب اب ا سکے مزید اپ ڈیٹڈ ایڈیشن نہیں آئیں گے ۔یہ تھی آج کی میری ایک چھوٹی سی کاوش آئی ٹی دنیاکیلئے امید ہےآپ حضرات ا سے پسند فرمائیں گےمیں نے اپنی طرف سے تو پوری کوشش کی بات کو کھول کرآپ کے سامنے رکھنے کی اگر پھر بھی مجھے ناکامی ہوئی ہو اور میں کسی معزز ممبر کے سامنے بات کو صحیح طور پر پیش نہ کر پایا تو اسے میری کم علمی پر محمول کرکے درگزر کیجئے گا ۔آپ کے کمنٹس اور ریپلائیز کا شدت سے انتظار رہے گا۔پسند آئے تو لائک ضرور کیجئے گا۔

والسلام
فقط آپ کا مخلص
وقاص شاہد فرام آئی ٹی دنیا

سافٹ ویئر ڈاؤن لوڈ کریں