مجھ سے اونچا ترا قد ہے، حد ہے

**waqasshahid** · 30th March 2019, 07:51 PM

شاعر جیم جاذل

مجھ سے اونچا ترا قد ہے، حد ہے
پھر بھی سینے میں حسد ہے؟ حد ہے
میرے تو لفظ بھی کوڑی کے نہیں
تیرا نقطہ بھی سند ہے، حد ہے
تیری ہر بات ہے سر آنکھوں پر
میری ہر بات ہی رد ہے، حد ہے
عشق میری ہی تمنا تو نہیں
تیری نیت بھی تو بد ہے، حد ہے
زندگی کو ہے ضرورت میری
اور ضرورت بھی اشد ہے، حد ہے
بے تحاشہ ہیں ستارے لیکن
چاند بس ایک عدد ہے، حد ہے
اشک آنکھوں سے یہ کہہ کر نکلا
یہ ترے ضبط کی حد ہے؟ حد ہے
روک سکتے ہو تو روکو جاذلؔ
یہ جو سانسوں کی رسد ہے، حد ہے

**Haseeb Alamgir** · 31st March 2019, 12:12 PM

اشک آنکھوں سے یہ کہہ کر نکلا
یہ ترے ضبط کی حد ہے؟ حد ہے

کیا بات ہے جناب اچھی شاعری آپ نے پسند کر کےہمارےساتھ شئیر کی
اچھا لگا پڑھ کر

میرے سینے میں جو دل ہے وہ آج سے تیرا ہوگیا