رمضان کا نواں روزہ مبارک اور فضائلِ رمضان

[Salmanssss]

رمضان کا نواں روزہ مبارک
(رمضان کی ایک فضیلت)

*روزانہ دس لاکھ کی دوزخ سے رہائی*

سرکارِنامدار، مدینے کے تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا ’’جب رَمضان کی پہلی رات ہوتی ہے تَو اللہ تَعَالٰی اپنی مخلوق کی طرف نظر فرماتا ہے اور جب اللہ عَزّوَجَلَّ کسی بندے کی طرف نظر فرمائے تو اُسے کبھی عذاب نہ دے گا اور ہر رَوز دس لاکھ کو جہنم سے آزاد فرماتا ہے اور جب اُنتیسویں رات ہوتی ہے تو مہینے بھر میں جتنے آزاد کیے اُن کے مجموعے کے برابر اُس ایک رات میں آزاد فرماتا ہے , پھر جب عید الفطرکی رات آتی ہے، ملائکہ خوشی کرتے ہیں اور اللہ عَزّوَجَلَّ اپنے نور کی خاص تجلی فرماتا ہے اور فرشتوں سے فرماتا ہے ’’اے گروہِ ملائکہ ! اُس مزدورکا کیا بدلہ ہے جس نے کام پورا کرلیا؟ فرشتے عرض کرتے ہیں ’’اُس کو پورا پورا اَجر دیا جائے‘‘ اللہ تَعَالٰی فرماتاہے:’’میں تمہیں گواہ
-’’کرتا ہوں کہ میں نے ان سب کو بخش دیا
(جَمْعُ الْجَوامِع ج۱ص۳۴۵حدیث۲۵۳۶)