Wafa ke bhais main koi raqeeb
Wafa ke bhais main koi raqeeb-e-sheher bhi hai
Hazar, ka sheher ke qaatil tabeeb-e-sheher bhi hai
Wohi sipaah-e-sitam khaima-zan hai chaaron taraf
Jo mere bakht mein tha, ab naseeb-e-sheher bhi hai
Udhar ki aag idhar bhi puhunch na jaaey kahin
Hawa bhi taiz hai, jungle qareeb-e-sheher bhi hai
Ab us ke hijar mein rotey hain, us ke ghaayal bhi
Khabar na thi ke wo zaalim habeeb-e-sheher bhi hai
Ye raaz naara-e-Mansoor hi se hum pe khula
Ke choob-e-mimbar-e-masjid saleeb-e-sheher bhi hai
Kari hai jang, ke ab ke muqaabaley pe Faraz
Ameer-e-sheher bhi hai aur khateeb-e-sheher bhi hai
Reply With Quote
Alone Men said:
Bookmarks