بات یہ تیرے سوا اور بھلا کس سے کریں

[rajisiddiqui]

بات یہ تیرے سِوا اور بَھلا کِس سے کریں
توُ جفا کار ھُوا ھے تو وفا کِس سے کریں؟

آئینہ سامنے رکھیں تو ۔۔۔۔۔۔۔۔۔۔۔۔ نظر توُ آئے
تجھ سے جو بات چُھپانی ھو، کہا کِس سے کریں؟

ھاتھ اُلجھے ھُوئے ریشم میں پھنسا بیٹھے ھیں
اب بتا! کون سے دھاگے کو جُدا کِس سے کریں؟

توُ نہیں ھے تو پھر اے حُسنِ سُخن ساز، بتا
اِس بَھرے شہر میں ھم جیسے، مِلا کِس سے کریں؟

توُ نے تو اپنی سی کرنی تھی، سو کر لی
مسئلہ یہ ھے کہ ھم اس کا گِلا کِس سے کریں؟