`*`*`* Roman Choice `*`*`*`

[Shaheen]

haaye seema'ab us ki majboori
jis ne ki ho shabab mai TAUBAA

[Shaheen]

na vo aankh hi teri aankh thee
na vo khuaab hi tera khuaab tha
dil e muntazir to yeh kis liye
tera jaagna usse bhool jaa

[Shaheen]

INKISHAAF

na vaada hai koi tum se koi rishta nibhane ka

na koi aur hi dil mai tahayya ya iraada hai

kaii din se magar dil mai

ajab uljhan si rehti hai

ni tum is daastan k sarsari kirdaar ho koi

na kissa itna saada hai

taaluk jo mai samjha tha

kaheen us se ziyada hai

[Shaheen]

zehar aalood sahi lab pe tabbasum to saja
kuch bicharne k bhi aadaab hua karte hain

[Shaheen]

jala vo aag mohabbat ki mere seene mai
khayyal gair ka aaye to khaak ho jaaye

[Shaheen]

khulaa yeh aaj k hum aag hain jahanam ki
charragh hote to shub bhar main jal gaye hote

[Afridi]

hum nice shairng........aur section bee app nay achaa choose keya hay...
kaia baat hay
carry on

[Shaheen]

na koi gham hai na taqdeer mai judaaye hai
hamare pyaar ki sadion se aashnaaye hai
meri nazar mai azal se qayaam hai tera
LIKHA HUA MERE CHEHRE PE NAAM HIA TERA

[Shaheen]

har aik shab meri taaza azaab mai guzri
tumhaare baad tumhaare hi khwab mai guzri
mai aik phool hoon too mujh ko rakh k bhool gaya
tamam umr tumhari kitaab mai guzri

[Shaheen]

aaNsuuon kii jahaaN paayamaali rahi
aisi bastii charaaGon se Khaalii rahi

dushmanon ki tarah us se larte rahe
apanii chaahat bhii kitni niraali rahi

jab kabhii bhii tumhaaraa Khayaal aa gayaa
phir kai roz tak beKhayaali rahi

[Shaheen]

aarazuu hai vafaa kare koi
jii na chaahe to kyaa kare koi

tum saraapaa ho suurat-e-tasveer
tum se phir baat kyaa kare koi

[Shaheen]

suu-e-maikadaa na jaate to kuchh aur baat hotii
wo nigaah se pilaate to kuchh aur baat hotii

go havaa-e-gulasitaaN ne mere dil kii laaj rakh lii
wo naqaab Khud uThaate to kuchh aur baat hotii

ye bajaa kalii ne khil kar kiyaa gulasitaaN muattar
magar aap muskuraate to kuchh aur baat hotii

ye khule khule se gesuu, inhen laakh tuu saNwaare
mere haath se saNwarate, to kuchh aur baat hotii

go haram ke raaste se vo pahuNch gaye Khudaa tak
terii raahaguzar se jaate to kuchh aur baat hotii