toot kar choobh raha hai aankhon mai
aaeena to nahi tha khuaab mera
toot kar choobh raha hai aankhon mai
aaeena to nahi tha khuaab mera
Gam-e-aashiqii se kah do raah-e-aam tak na pahuNche
mujhe Khauf hai ye tohmat mere naam tak na pahuNche
main nazar se pee rahaa thaa to ye dil ne bad-duaa dii
teraa haath zindagii bhar kabhii jaam tak na pahuNche
naii subah par nazar hai magar aah ye bhii Dar hai
ye sahar bhii raftaa raftaa kahiin shaam tak na pahuNche
vo navaa-e-muzamahil kyaa na ho jis mein dil kii dharkan
vo sadaa-e-ahale-dil kyaa jo avaam tak na pahuNche
unhen apane dil kii Khabaren mere dil se mil rahii hain
main jo unase ruuTh jaauuN to payaam tak na pahuNche
ye adaa-e-beniaazii tujhe bevafaa mubaarak
magar aisii beruKhii kyaa ke salaam tak na pahuNche
jo naqaab-e-ruKh uThaa dii to ye qaid bhii lagaa dii
uThe har nigaah lekin koii baam tak na pahuNche
vahii ik Khamosh naGmaa hai "Shakeel" jaan-e-hastii
jo zubaaN tak na aaye jo qalaam tak na pahuNche
Gam mujhe hasarat mujhe vahashat mujhe saudaa mujhe
ek dil deke Khudaa ne de diyaa kyaa kyaa mujhe
hai husuul-e-aarazuu kaa raaz tark-e-aarazuu
main ne duniyaaa chhor dii to mil ga_ii duniyaa mujhe
kah ke soyaa huuN ye apane iztaraab-e-shauq se
jab vo aayeN qabr par fauran jagaa denaa mujhe
subah tak kyaa kyaa terii ummiid ne taane diye
aa gayaa thaa shaam-e-Gam ek neend kaa jhonkaa mujhe
aaiinaa-e-khuloos-o-wafaa chuur ho gaye
jitne chiraaGh-e-noor the, benoor ho gaye
maaloom ye huvaa ke wo raste ka saath thaa
manzil kareeb aayii to ham duur aa gaye
manzoor kab thii hamko watan se ye duuriyaaN
haalaat ki jafaaoN se majbuur ho gaye
kuch aa gayii ham ahl-e-wafaa meiN bhi tamkanat
kuch wo bhii apne husn pe maGhruur ho gaye
chaaraGaroN ki aisii inaayat huvii Hafeez
ke jo zakhm bhar chale the wo naasuur ho gaye
Hafeez Banarasi
bachpane ka saath hai aur aik sa dono ka dukh
raat ka aur mera aanchal bheegta hai saath saath
kabhi hayaat ki zaamin kabhi waseela e marg
nigaah e dost tera koi aitbaar nahi
tark e ulfat
ik dafa woh yaad hai tum ko
bin batti ki cycle ka chalaan hua tha
hum ne kaise bhoke pyasse becharon si acting ki thee.
havaaldar ne ulta athanni de kar bhaij diya tha
aik chavanni meri thee
vo bhijwa do
sawan ke kuch bheege bheege din rakhe hain
aur mere aik khat mai lipti raat pari hai
vo raat bhijwa do
aur bhi kuch saaman tumhaare paas para hai.
vo bhijwa do
pat jhar main kuch patton ke girne ki aahat
kaanon mai ik baala pehen kar laut aaye thee.
pat jhar ki vo shaakh abhi tak kaanp rahi hai
vo bhijwa do
aik so sola chand ki raaten
aik tumhare kaandhe ka til
geeli mehandi ki khushboo
jhoot moot ke shikwe
jhoot moot ke vaade bhi sab yaad kara do
sab kuch bhijva do
mera vo saaman lauta do
ik akeli chatri mai jub aadhe aadhe bheeg rahe thea.
aadhe sookhe aadhe geele
sookhe to mai le aaye thee
mera badan shaayed bister ke pass para ho
vo bhijwa do
aik ijaazat de do
bus jub in ko dafnaaon gi
mai bhi waheen pe so jaaon gi
TUM IS SHEHER SE JAANE LAGO TO....
Tum is sheher se jaane lago to
meri aankhain lete jaana
safar mai koi saath rahe to
rasta jaldi kat jaata hai
apni to kisi taur guzar jaayegi lekin
tum jis se milo aaj usai EID MUBARAK
aik arse se yeh aankhain soee nahi
hansi nahi
roee nahi
milli nahi
khoee nahi
ek baat thi dil main
jo tum se kabhi kahee nahi
TUM JAISA KOI NAHI
ik hurf e shikaayat ke zubaan tak nahi aaya
shikwa to abhi had e bayaan tak nahi aaya
ik woh ke palat kar nahi dekha kabhi us ne
mai us ke kiye warna kahan tak nahi aaya
mai us ki mohabbat ka yaqeen kaise karoon ga
jo shakhs mere had e gumaan tak nahi aaya
ye fasl e tamanna hai hari ho bhi to kaise
jo abr bhi guzraa vo yahaan tak nahi aaya
doston se nibha karte hain
aiteraf e gunnah karte hain
Bookmarks