حضور اکرم صلی اللہ علیہ وآلہ وسلم کی باتیں
بسمہ اللہ الرحٰمن الرحیم۔ اللہ کے نام کے ساتھ جو بڑا مہربان اور نہایت رحم والا ہے۔
درود و سلام پیارے محمد صلی اللہ علیہ وآلہ وسلم پر جن پر ہم ہماری آل اولاد ہمارے والدین اور سب قربان۔
کون سا ایسا کام ہے جو اللہ کرتا ہے اور کرتا ہی رہتا ہے بشمول دوسرے کاموں کے۔
وہ کام ہے جیسے اللہ عزوجل نے قرآن میں فرمایا “بے شک اللہ اور ملائکہ (تمام) آپ صلی اللہ علیہ وآلہ وسلم پر درود و سلام بھیجتے ہیں تو اے ایمان والوں تم بھی آپ صلی اللہ علیہ وآلہ وسلم پر درود و سلام بھیجتے رہو۔“
اللہ کے محبوب اور ہمارے آقا صلی اللہ علیہ وآلہ وسلم سے چند باتیں روایات منسوب کی جاتی ہیں جن کا مفہوم درج ذیل میں یہ عاجز پیش کرنے کی جسارت کررہا ہے جس میں سے ہر حق اور صحیح بات آپ صلی اللہ علیہ وآلہ وسلم کی طرف سے ہے۔ اللہ میری کمی بیشی معاف فرمائے کہ وہی ہے جو معاف کرنے والا ہے اور معاف کرنے والوں کو پسند فرماتا ہے۔
نبی کریم صلی اللہ علیہ وسلم نے نے فرمایا (مفہوم):
× چار چیزیں آپ کو پریشان کرتی ہیں:
١۔ زیادہ باتیں کرنا ٢۔ زیادہ سونا ٣۔ زیادہ کھانا۔ ٤ زیادہ لوگوں سے میل جول۔
× چار چیزیں آپ کو ختم کرتی ہیں :
١۔ پریشانی۔ ٢۔ غم۔ ٣۔ بھوک۔ ٤۔ دیر سے سونا۔
× چار چیزوں سے چہرے کی رونق ختم ہو جاتی ہے اور خوشیاں چلی جاتی ہیں:
١۔ جھوٹ بولنا۔ ٢۔ عزت نہ کرنا اور غلط چیز پر بھی اصرار کرنا۔ ٣۔ غلط معلومات اور بغیر جانتے ہوئے بحث کرنا ٤۔ کسی غلط چیز کو بے باقی سے بغیر خوف کے کرنا۔
× چار چیزوں سے چہرے کی رونق بڑھ جاتی ہے۔
١۔ پرہیز گاری سے۔ ٢۔ وفاداری سے۔ ٣۔ رحم دلی سے۔ ٤۔ دوسرے کے بغیر کہے ان کی مدد کرنے سے۔
× چار چیزوں سے رزق کی فراوانی رک جاتی ہے۔
١۔ صبح فجر سے طلوع آفتاب تک سونے سے۔ ٢۔ نماز نہ پڑھنے یا پابندی سے نہ پڑھنے سے۔ ٣۔ سستی کرنے سے۔ ٤۔ دھوکہ دینے سے۔
× چار چیزوں سے رزق بڑھتا ہے۔
١۔ راتوں کو اٹھ کر عبادت کرنے سے۔ ٢۔ اپنے گناہوں پر زیادہ پشیمان ہونے سے۔ ٣۔ خیرات و صدقات کرنے سے۔ ٤۔ رب العزت کا زکر کرنے سے۔
پیارے آقا سرور دو عالم صلی اللہ علیہ وآلہ وسلم نے ارشاد فرمایا:
دوسروں تک پہنچاؤ چاہے تم ایک آیت ہی جانتے ہو اور یہ ایک آیت بھی حساب کتاب کے دن کام دے گی۔
اور مزید فرمایا کہ
جب ازان دی جائے تو ہر کام چھوڑ دو۔ یہاں تک کہ قرآن کی تلاوت سے بھی رک جاؤ، جو شخص ازان کے درمیان بات چیت کرتا ہے تو (ڈر ہے کہ) موت کے وقت اسے کلمہ نصیب نہ ہو۔
زندگی کو خوشگوار اور اللہ کی رضا کے لیے “اللھم اعنی علٰی زکرک و شکرک و حسن عبا د تک “ پڑھتے رہیں۔ بڑی زبردست اور پرتاثیر دعا ہے ۔
اللہ آپ کو اور مجھے حق کو سمجھنے اور اس کو پھیلانے والا بنادے آمین یا رب العالمین
Reply With Quote
Bookmarks