مشتری ہوشیار باش

[**IRFAN**]

۔ خیر، خبر آئی ہے کہ سافٹ ویر ‘‘کی لاگرز
‘‘ (Keyloggers) کے بعد ایک کمپنی نے ہارڈوئیر کی لاگر متعارف کروائے ہیں اور ستم بالائے ستم یہ کہ ان کی پہچان بھی بہت مشکل ہے۔ ’’کی لاگرز‘‘ کی ’’افادیت‘‘ سے ناآشنا حضرات کو بتاتے چلیں کہ کی لاگرز ایسے سافٹ ویر ہوتے ہیں جو آپ کے سسٹم پر انسٹال ہونے یا کرنے کے بعد چھپ کر آپ کے ’’کی بورڈ‘‘ کی ہر دبائے ہوئے بٹن کا ریکارڈ محفوظ کر لیتے ہیں جو بعد میں اس سافٹ ویر کو استعمال کرنے والے کی پہنچ میں ہوتا ہے۔ چاہے آپ نے کی بورڈ کے زریعے اپنا کلمہ شناخت(Password) کسی ویب سائٹ پر اپنا ای میل اکاؤنٹ کھولنے کیلیے دیا تھا یا آپ نے کسی ’خاص‘ شخصیت کو ای میل لکھی تھی جسے آپ کسی تیسرے شخص کی نظر سے بچانا چاہتے تھے، وغیرہ وغیرہ۔ کی لاگرز شروع میں اس نیک مقصد کیلیے متعارف کیے گئے تھے کہ والدین اپنے بچوں کی اور دفتری حکام اپنے ملازمین کی سرگرمیوں پر نظر رکھ سکیں اور یہ پتہ چلایا جا سکے کہ کہیں وہ اپنے کمپیوٹر پر منفی سرگرمیوں میں تو ملوث نہیں۔
زیرِ نظر تصویر میں آپ ایک عام بیٹری سیل کی سائز کا ہارڈویر کی لاگر کو دیکھ سکتے ہیں جو بظاہر ’’کی بورڈ کنورٹر‘‘(کی بورڈ کنورٹرPS2اور Serial پورٹ میں مطابقت لانے کیلیے استعمال ہوتا ہے، تاکہ مخالف پورٹ پر کی بورڈ لگانا ممکن ہو) نظر آتا ہے۔

اسی کمپنی نے یوایس بی کی لاگرز بھی متعارف کیے ہیں جو دیکھنے میں یوایس بی فلیش ڈرائیو سے مشابہ نظر آتے ہیں۔
سو، آپ کو ہوشیار کیا جاتا ہے کہ اگر آپ کسی انٹرنیٹ کیفے یا کالج لیب سے انٹرنیٹ استعمال کر رہے ہیں تو پہلے اطمینان کر لیں کہ کہیں سافٹ ویر کی لاگر کے ساتھ ساتھ کوئی ہارڈ ویر کی لاگر آپ کی نگرانی تو نہیں کر رہا؟

[**IRFAN**]

اگر آپ کسی غیر محفوظ جگہ پر انٹرنیٹ استعمال کر رہے ہوں اور آپکو خطرہ ہو کہ کہیں آپ کی اہم معلومات چوری نہ جائیں تو اپنا اہم ڈیٹا لکھتے وقت کی بورڈ کی بجائے ’آن سکرین کی بورڈ(On screen Keyboard)‘ استعمال کریں۔ آن سکرین کی بورڈ کے زریعے لکھتے وقت آپ بجائے کی بورڈ کے بٹن دبانے کے، کلک کرتے ہیں، جس سے کی لاگرز اس دھوکے میں رہتے ہیں کہ یہ محض ماؤس کلک ہیں۔ یاد رہے ’آن سکرین کی بورڈ‘ کی سہولت ونڈوز کے2000 سے پرانے ورژنز میں موجود نہیں ہے۔