Kool's Poetry Collection

[koolsaqi]

Wo to Khushbo hai havaaon mein bikhar jayega
masalaa phool ka hai phool kidhar jayega

ham to samajhe they ek zaKham hay bhar jayega
kya Khabar thi ke rag-e-jaa.N mein utar jayega

Wo hawaiow ki tarah Khaanaa_bajaain phirata hai
ek jhonkaa hai jo aayegaa guzar jayega

Wo jab aayegaa to phir us kii rafaaqat ke liye
mausam-e-gul mere aangan mein Thehar jayega

aakhirash wo bhi kahin ret pe baithi hogi
teraa ye pyar bhi darya hai utar jayega

Parveen Shakir

[ChessMaster]

Nice Dear Keep it Up...!

[koolsaqi]

Us bevafaa kaa shahar hai aur ham hain dosto
ashk-e-ravaan ki nahar hai aur ham hain dosto

shaam-e-aalam Dhalii to chalii dard kii havaa
raato.n kaa pichhalaa pahar hai aur ham hain dosto

aankho mein umd rahi hai luti mahafilo ki dhool
ibrat bara-e-dahar hai aur ham hai.n dosto

ye ajanabii sii manzelain aur raftagaan ki yaad
tanhaiiyo ka zahar hai aur ham hain dosto

Munir Niazi

[koolsaqi]

Wo din bhi aane valain hai
jab teri in kali aankho mein
har jazbaa mit jaayegaa
tere baal jinhainn dekhen to
savaan ki ghanaghor ghatain
aankho mein laharaatii hain

honth rasiile
dhyaan mein laakhon phuulon kii
mahakaar jagaayain
wo din door nahin jab in par
patajhar ki rut chhaa jaayegii

aur us patajhar ke mausam kii
kisii akelii shaam kii chup main
gaye dino ki yaad aayegi
jaise koi kisi jangal main
geet suhaane gaataa hai

tujh ko paas bulaataa hai

Munir Niazi

[koolsaqi]

Bechain bahut phiranaa gabaraye hue rahanaa
ik aag sii jazabo ki dehkay hue rahanaa

chhalakaaye hue chalanaa Khushbuu-e-begaani ki
ik baag saa thaa apanaa mahakaaye hue rahanaa

is husn kaa shevaa hai, jab ishq nazar aaye
parde main chale jaanaa, sharmaaye hue rahanaa

ik shaam si kar rakhanaa kajal ke karishame se
ik chaand saa aankho main chamakaaye hue rahanaa

aadat hi banaa li hai tum ne to "Munir" apanii
jis sheher mai bhi rahanaa uktaaye hue rahanaa

Munir Niazi

[koolsaqi]

kaash main tere hasen hath ka kangan hota

tuu baray pyar se baray chaao se baray aramaan ke sath
apani naazuk si kalai main gopmati mujh ko
aur betaabii se furqat ke Khizaa lamhon main
tu kisi soch main Dobi hoi ghumati mujh ko
main tere haath ki Khushbose mahak sa jata
jab kabhii mood main a kar mujhe chuumaa karati
tere hontho ki shiddat se main dahak saa jaataa

raat ko jab bhii tuu nendon kay safar par jaatii
marmarii haath kaa ik takiyaa banaayaa karatii
main tere kaan se lag kar kai baatain karata
terii zulfon ko tere gaal ko chuumaa karataa
jab bhii tuu band qabaa kholane lagatii jaanaa
apanii aankho ko tere noor kay husn se kheraa karata
mujh ko betaab sa rakhataa terii chaahat kaa nashaa
main teri ruuh ke gulashan main mehakata rehata
main tere jism ke aangan main khanakataa rahataa
kuchh nahi to yohi benaam saa bandhan hota

kaash main tere haseen haath kaa kangan hotaa

Wasi Shah

[koolsaqi]

Tum bhi Khafaa ho log bhi beraham hain dosto
ab ho chalaa yaqin ke bure ham hain dosto

kis ko hamaare haal se nisbat hai kyaa karain
aankhe to dushmano kii bhi purnam hain dosto

apane sivaa hamaare na hone kaa Gam kise
apani talaash main to ham hi ham hain dosto

kuchh aaj shaam hi se hai dil bhii bujhaa bujhaa
kuchh shahar ke chiraag bhi madham hain dosto

is shahar-e-aarazuu se bhi baahar nikal chalo
ab dil kii ronaqain bhi koi dam hain dosto

sab kuchh sahi ’Faraz’ par itanaa zaruur hai
duniyaa main aise log bahut kam hain dosto

Ahmed Faraz

[koolsaqi]

kyaa ruKhsat-e-yaar kii gharii thi
hansati hui raat ro pari thi

ham Khud hii hue tabaah varnaa
duniyaa ko hamaarii kyaa pari thii

ye zaKhm hai.n un dino kii yaadin
jab aap se dostii pari thii

jaate to kidhar ko tere vahashi
zanjir-e-junuu kadi pari thi

Gam the ki ’Faraz’ aandhiyaa thi
dil thaa ki ’Faraz’ pankhudi thi

Ahmed Faraz

[koolsaqi]

ab ke ham bichray to shayad khaboo main milen
jis tarah sukhe hue phool kitaabo main milen

Dhundh ujray hue logo main wafa ke moti
ye Khazane tujhe mumkin hai Khayalo main mile

tu Khuda hai na mera ishq farishto jaisaa
dono insan hain to kyou itane hijabo main mile

Gam-e-duniyaa bhi Gam-e-yaar main shamil kar lo
nasha barhta hai sharabain jo sharaabo main mile

aj ham daar pe khenche gaye jin baaton par
kyaa ajab kal wo zamaney ky nisaabo main mile

ab na wo mai hu na tu hai na wo mazi hai `Faraaz’,
jaise do shakhs tamana ky saraabo maim mile

Ahmed Faraz

[koolsaqi]

baraso baad dekhaa ik shaKhs dil_rubaa saa
ab zahan main nahi par naam thaa bhalaa saa

abaruu khinche khinche se aankhen jhukii jhuki sii
baaten rukii rukii sii lahajaa thakaa thakaa saa

alfaaz the ke jugnuu aavaaz ke safar main
ban jaaye jangalo main jis tarah raastaa saa

Khwaabo main Khwaab us ke yaado main yaad us kii
niindoo main ghul gayaa ho jaise ke rat_jagaa saa

pahale bhi log aye kitane hii zindagii main
Wo har tarah se lekin auro say tha judaa saa

agalii muhabbato ne wo naa-muraadiyaa din
taazaa rafaaqato se dil tha Daraa Daraa saa

kuchh ye ke muddato se ham bhii nahi the roye
kuchh zahar main bujha tha ahabaab kaa dilaasaa

phir yuu huaa ke savan aankho main aa base the
phir yuu huaa ke jaise dil bhii thaa aabal-pa saa

ab sach kahain to yaaro ham ko Khabar nahi thii
ban jaayegaa qayaamat ik waqya zaraa saa

tevar the beruKhii ke andaaz dostii ke
Wo ajanabi tha lekin lagata tha ashna saa

ham dasht the ke dariyaa ham zahar the ke amrit
naahaq thaa zonum ham ko jab wo nahi tha pyasaa

ham ne bhii us ko dekhaa kal shaam ittefaqan
apanaa bhii haal hai ab logo ’Faraz’ kaa saa

Ahmed Fraz

[koolsaqi]

Dil udhaas hai bahut koi paigaam hi likh do
Tum apna naam na likho,gum-naam hi likh do

Meri qismat mein gham-e-tanhai hai lekin
Tamaam umr na likho magar ek shaam hi likh do

Zarori nahi ki mil jaye sukoon har kisi ko
Sare-e-bazm na aao magar benaam hi likh do

Ye jaanta hoon ki umr bhar tanha mujhko rehna hai
Magar pal do pal, ghari do ghari, mere naam hi likh do

Chalo hum maan lete hai ke sazaa ke mustahiq thahre hum
Koyi enaam na likho koyi ilzaam hi likh do

[koolsaqi]

Aankhon Mein Bas Ke Dil Mein Samaa Kar Chaley Gaye
Khwaabida Zindagi Thi Jaga Kar Chaley Gaye

Chehrey Tak Aasteen Woh Laa Kar Chaley Gaye
Kya Raaz Tha Ki Jiss Ko Chipa Kar Chaley Gaye

Rag Rag Mein Iss Tarah Woh Sama Kar Chaley Gaye
Jaisey Mujh Hi Ko Mujh Say Chura Kar Chaley Gaye

Aaye Thay Dil Ki Pyaas Bujhaaney Ke Waastey
Ikk Aag Si Woh Aur Lagaa Kar Chaley Gaye

Lab Thar-thara Ke Rah Gaye Lekin Woh Aey "Jigar"
Jaatey Huwey Nigaah Mila Kar Chaley Gaye ….!