”پاکستان زندہ باد“

[Saima_Anwar]

پاکستانی ہیکرز نے بھارتی ریاست چھتیس گڑھ کی سرکاری ویب سائٹ کو ہیک کر کے اس پر پاکستان زندہ باد کا نعرہ درج کر دیا ہے۔
ہندوستان کے وزیراعظم نریندر مودی نے ایک روز قبل چھتیس گڑھ کی سرکاری ویب سائٹ کا افتتاح کیا تھا جسے دوسرے روز ہی پاکستانی ہیکرز نے ہیک کر لیا۔
ہیکرز نے ویب سائٹ نیشنل انسٹیٹیوٹ آف ٹیکنالوجی کو ہیک کر کے اس کے ہوم پیچ پر ”پاکستان زندہ باد“ کا نعرہ درج کیا اور اس کے ساتھ ہی ایک پیغام بھی درج کیا گیا۔
ویب سائٹ پر درج کئے جانے والے پیغام میں کہا گیا کہ ویب سائٹ ہیک کرنے کا مقصد کوئی نقصان پہنچانا نہیں بلکہ کچھ کمزور فائلز کو ڈیلیٹ کرنا تھا اور ویب سائٹ کو کسی فن کی خاطر نہیں بلکہ ایک مقصد کے تحت ہیک کیا گیا ہے۔
پاکستانی ہیکرز کی جانب سے ویب سائٹ ہیک ہونے پر بھارت کے آئی ٹی ماہرین کی دوڑیں لگ گئیں جنہوں نے چند گھنٹے کی کوششوں کے بعد اسے دوبارہ بحال کر لیا ہے۔
بھارتی آئی ٹی ماہرین کے مطابق ویب سائٹ کو
فیصل افضل آف
پاکستان
نامی ہیکرز نے ہیک‎ ‎کیا۔