Us ney kaha k lagtey hain gulshan bhi ab udaas !
Main ney kaha k Ishq main terey kharab hain
Us ney kaha k zeest ka hasil hai kia? bata
Main ney kaha, wohi jo kuch lamhay saraab hain
Woh poochta hai, Gul hain tumhain kaun sey pasand
Kehti hun main, jo terey labon key Gulab hain
Kehta hai, Aankhian janey kyun rehney lagi hain nam
Kehti hun main k Merey yeh jaam-o-Sharab hain
kehta hai jaan-o-dil terey Aabad bhi huye?
Kehti hun, raastey ab bey'gayah-o-Aab hain
Woh huns k poochta hai merey roz-o-shab ka haal
main dukh sey sochti hun FaQat iztarab hain
Kehta hai, teri Mizgaan mujhay bhati hain kis liye?
kehti hun, yeh rehteen jo bohat zair-e-Aab hain
Us ney kaha k lagta hai tum Ishq main ho gum
main ney kaha, Nazar main kai Mahtaab hain
Kehta hai is tarah sey mujhay dekhti hun kyun?
Kehti hun, Abhi aankhain meri Mehav-e-khuab hain
Us ney kaha, yaaron sey kabhi dushmani rahi?
Main ney kaha, ik Dushman-e-jaa(n) k azaab hain
Woh jhunjala k bola keh Dil main basa hai kaun?
Main muskura key boli keh rehtey "Janab" hain !!
Bookmarks