Nabi Ke Deen Ka Jhanda Zara Utha To Sahi
Tu Khud Ko Marde Mujahid Bana To Sahi
Bahaar Aayegi Phir Inqilaab Laa To Sahi
Gharon Mein Mashal-E-Deene Nabi Jala To Sahi
Haleema Sadia Dayee Ki Khushada Basti
Mere Rasool Ki Kuchh Barkatein Bata To Sahi
Nabi Ki Barkatein Faaraan Hira Ke Daaman Mein
Basee Hain Aaj Bhi Ahsaas Ko Jaga To Sahi
Diare Makka Madeena Quba Ki Nakhlistaan
Ameene Buye Nbi Hain , Nazar Utha To Sahi
Rasool Aur Saahba Ka Daur Dekha Hai
Aye Sarzameene Arab! Jhalkiyaan Dikha To Sahi
Arabsitaan Ke Ye Zarraat Hain Bahut Hi Baland
Tu Khud Ko Rekhta Ahle Nazar Bana To Sahi
Bookmarks